1 Maji, Meta: Shqipëria me pagat me të ulëta në rajon, fuqia punëtore po largohet masivisht

Dita Ndërkombëtare e Punëtorëve e gjen Shqipërinë me nivelin më të ulët të pagës në rajon, thotë Presidenti i Partisë së Lirisë, Ilir Meta. Në një postim në Facebook, Meta shkruan se fuqia punëtore po largohet masivisht për shkak të kushteve të këqija të punës.

"Dita Ndërkombëtare e Punëtorëve, vit pas viti e gjen Shqipërinë me nivelin më të ulët të pagës në rajon dhe në Europë, ku fuqia punëtore më e kualifikuar largohet masivisht, për shkak të kushteve të këqija të punës, mosvlerësimit të meritokracisë dhe mungesës së shpresës.

LEXO EDHE:
Mero Baze: 1 maji i sipërmarrësve të turizmit shqiptar

Përqendrimi i ekonomisë tek ndërtimi dhe favorizimi i oligarkisë zhvatëse ka thelluar papunësinë, mjerimin dhe përjashtimin social, ka mbyllur qindra mijëra vende pune, duke dëmtuar rëndë biznesin e ndershëm, turizmin, bujqësinë e blegtorinë dhe dëmtuar rëndë mirëqenien e familjeve të thjeshta punëtore.

Pesë prioritetet e Partisë së Lirisë për 4 milion shqiptarë plus jo vetëm i japin fund dramës së shpopullimit por edhe shpërblejnë punën, njerëzit e punës dhe meritokracinë, mbështetin prodhimin vendas, garantojnë zhvillim të qëndrueshëm ekonomik dhe një Shqipëri, fuqi eksportuese", shkruan Meta. 

Lajmi kryesor:

Sot 1 Maji, Dita Ndërkombëtare e Punëtorëve, si lindi dhe historiku i kësaj dite

SI.E./Shqiptarja.com

TAG:
• dita e punetoreve
• 1 maji