TIRANË-Sindikata e pavarur e Arsimit ka zgjedhur që në ditën e punëtorëve të dalin në protestë, për të parashtruar kërkesat dhe pakënaqësitë e mësuesve.
"Mësuesit kërkojnë rritje rroge me 20%"; "Mësuesit meritojnë respekt dhe paga dinjitoze"; "Na ktheni regjistrin me nota", janë këto disa nga kërkesat e sjella në formën e pankartave në protestën e zhvilluar mëngjesin e sotëm përballë Ministrisë së Arsimit, Sportit dhe Rinisë.
Lidhur me këtë protestë, ka pasur edhe një reagim nga ana e Ministrisë, ku thekson se ka dialog të vazhdueshëm me sindikatat për diskutimin e çështjeve të ndryshme si buxheti, nismat e reja dhe sidomos kontrata kolektive. Rritja e përvitshme e pagës së mësuesit do të reflektohet në pagën e prillit nga dita e nesërme.
"Në kuadër të protestës së sotme para ministrisë nga ana e Sindikatës së Pavarur të Arsimit, Ministria e Arsimit, Sportit dhe Rinisë (MASR) dëshiron të theksojë se protesta është një e drejtë dhe "1 Maji" është pikërisht dita kur ushtrohet kjo e drejtë nga sindikatat. Kontrata përfshin të gjitha kërkesat e sindikatave dhe jemi të lumtur që rritja e përvitshme e pagës së mësuesit do të reflektohet në pagën e prillit, të cilën çdo mësues/e do ta ketë në llogarinë e tij/saj duke filluar që nga dita e nesërme. Ndër të tjera, MASR i uron përzemërsisht 1 Majin të gjithë punëtorëve dhe sindikatave", shkruan MASR.
Lajme të tjera
-
Pas përfundimit të provimeve, Kushi pret në ministri maturantët me 10-ta
8 Korrik 2021, 11:51 -
Kushi mikpret ekipin përfaqësues në Kampionatin Europian të Peshëngritjes: Njëri më kampion se tjetri, ambasadorët tanë më të mirë në botë
19 Prill 2021, 10:27 -
Mungojnë 10-15 mijë nxënës në ditë/ Drejtoresha e MASR: 8 mësues me COVID të shtruar në spital
16 Nëntor 2020, 16:42
-
Kushi takim me drejtuesit e shkollave të Arsimit Special: Gjithëpërfshirja përparësi e politikave arsimore të MASR
14 Tetor 2020, 10:24 -
Itali/ Frika nga Covid nxjerr mësuesit në rrugët e Romës (VIDEO)
25 Shtator 2020, 13:22
