Kur Berisha u fut në sallën e Kuvendit të PD-së në mes të korrikut, u prit me brohorima nga të pranishmit, pavarësisht se disa javë më parë ishte shpallur persona non grata nga Departamenti i Shtetit amerikan. Pas asaj pritje triumfale nga kuvendarët demokratë, shumëkujt (përfshirë edhe shkruesin e këtyre rreshtave), as që i shkonte mendja se Basha do ta pezullonte Berishën nga grupi parlamentar i PD-së për sesionin në vazhdim.
Dhe pas atij pezullimi, që Berisha nuk e kapërdiu dot, iu turr furishëm ish-beniaminit të vet të 16 vjetëve të fundit. Me foltoret e zjarrta që po zhvillon, ai po përgatit terrenin për ta shkarkuar Bashën përmes një referendumi brenda partisë, që mund të realizohet vetëm në qoftë se shumica e kuvendarëve demokratë e mundëson atë.
Kuptohet që qindra mijë votuesit e thjeshtë të djathtë nuk mund të marrin pjesë në foltoret e Berishës apo në Kuvendin e PD-së, por votat e tyre do të duhen kur koalicioni i PD-së të garojë në zgjedhjet e rradhës përballë PS-së. Dhe jo të gjithë votuesit e atij koalicioni janë po aq të zjarrtë sa pjesëmarrsit e foltoreve të Berishës. Një pjesë e votuesve të koalicionit (sidomos votuesit e partive satelite) janë pragmatistë. Ata i kanë dëgjuar me vëmendje urimet që bëri ambasadorja amerikane për riardhjen e PD-së në pushtet, fill pas takimit me Bashën në selinë e kësaj të fundit…
Pra, edhe në qoftë se Berisha ia del ta shkarkojë eventualisht Bashën (dhe të zgjedhë një beniamin të ri të tij në krye të PD-së, apo të dalë vetë në krye), si edhe në qoftë se SPAK-u nuk ndërmerr ndonjë veprim konkret ndaj tij deri në zgjedhjet e ardhshme, problemi është se PD-së do t’i duhet çdo votues i koalicionit që ka patur deri më sot (madje as ata nuk do t’i mjaftojnë).
Kështu, në zgjedhjet e vitit 2009, kur Berisha ngjizi koalicionin më të madh të djathtë (dhe kur ishte i gjithëpushtetshëm si kryeministër), partitë e djathta morën gjithsej 740 mijë vota. Ndërsa në zgjedhjet e 2013, kur Rama ngjizi koalicionin më të madh të majtë (dhe PS-ja ishte në opozitë), partitë e majta morën pothuaj 1 milion vota…
Shumë votues të asaj kohe janë larguar nga Shqipëria, apo janë larguar fare nga kjo botë, por PS-ja dhe aleatja e saj e afërt PSD kanë arritur të regjistrojnë rreth 800 mijë vota në dy palë zgjedhjet e fundit. Ndërsa PD-ja dhe satelitet e saj të vogla as nuk i janë afruar 700 mijë votave.
Duke e patur rekordin 740 mijë vota në të shkuarën, është e vështirë të garosh përballë një kundërshtari me rekordin 1 milion vota, nëse të gjithë votuesit e derisotëm nuk i ke me vete. Koalicionit të djathtë do t’i duhen ata, plus edhe nja 150 mijë të tjerë…
Lajme të tjera
-
Presidenti ukrainas Zelensky: Kemi çdo shans për t'i dhënë fund luftës në 2025-ën
24 Nëntor, 08:24 -
Kreshnik Spahiu: Pse Strasburgu po e zhgënjen shumë keq Partinë Demokratike?
23 Nëntor, 23:55
-
Stuhi, reshje shiu dhe dëbore godasin Shtetet e Bashkuara
23 Nëntor, 21:12 -
Ylli Pata: E marta e kiametit...
23 Nëntor, 19:52
-
Ministri Vengu takime me zyrtarë të lartë në SHBA: Shqipëria e angazhuar për forcimin e bashkëpunimit në mbrojtje dhe sigurinë globale
23 Nëntor, 19:32 -
Specialistja e Departamentit amerikan të Tregtisë: SHBA të interesuara të thellojnë bashkëpunimin me Kosovën për energjinë e pastër
23 Nëntor, 19:13 -
Berisha i refuzuar nga militantët, porosi drejtuesve të qarqeve për protestën: Të martën sillni sa më shumë njerëz në Tiranë
23 Nëntor, 18:35 -
'Të rezistojmë, të ngremë krye', Salianji letër nga burgu, kërkon drejtësi për Martin Canin: Asgjë nuk vjen vetë! Aq më keq po t’ia lësh në dorë kryeministrit
23 Nëntor, 17:59 -
Intervista e Dumanit/ Lapardhaja: Dje konfirmoi që SPAK dhe ai janë indiferent ndaj sulmeve politike! Një prokuror që nuk ka marrë asnjë dhuratë, fat për shoqërinë shqiptare
23 Nëntor, 17:35 -
Jorida Tabaku: Socialistët i trajtojnë pensionistët si grup elektoral dhe i gënjejnë për vota! Ata meritojnë dinjitet dhe vlerësim
23 Nëntor, 15:44 -
Pas 7 refuzimesh, Berisha s'heq dorë! Këmbëngul për liri në Gjykatën e Lartë
23 Nëntor, 15:41
-
Alban Daci: Lufta III Botërore?
23 Nëntor, 15:23
