POP 5

Lajmet më të lexuara të 5 minutave të fundit

Politikë

1 vit nga 25 prilli/ Andoni: Jemi popull pa memorie! Politika po e zhvendos vëmendjen te presidenti i ri! Ngjela: Mazhoranca në apati se s’ka opozitë

Një vit pasi mori mandatin e tretë qeveria përmbushi pjesërisht disa premtime, pa mundur të realizojë të tjerat. Për analistin Ben Andoni, shqiptarët harrojnë shpejt dhe nuk kërkojnë llogari, ndërsa avokat Spartak Ngjela thotë se mungesa e opozitës i lë dorë të lirë mazhorancës.

TIRANË- 365 ditë më parë, Partia Socialiste u votëbesua me një mandat të tretë, me një fushatë të përqendruar kryesisht tek arsyet se përse nuk duhej votuar Partia Demokratike dhe premtime për t’u mbajtur brenda këtij 4-vjeçari.

Por, një vit më pas, çfarë ka arritur të përmbushë qeveria Rama 3?

Për Analistin Ben Andoni, populli ka kujtesë të shkurtër, nuk kërkon llogari, ndërsa politika nga ana e saj e zhvendos vëmendjen me qëllim.

"25 prilli është harruar akuzat e Bashës kanë kaluar, nuk I kujton më asnjeri dhe tregon papjekurinë e politikës tonë që nuk i ndjekin kauzat. Politika shqiptare ka treguar që është larg emancipimit të plotë.  Politika ka dështuar në Premtimet e saj. Por shqetësimi i madh është që publikut nuk i bën përshtypje dhe nga ana tjetër Politika gjen kurajë që të vazhdojë të premtojë njësoj dhe ta çoji publikun në kanale kur po e manipulon mendjen e tyre. Shqetësimi më i madh është për të dy palët që ta zhvendosin vëmendjen e publikut drejt gjërave, për zgjedhjen e presidentit që nuk përbën ndonjë gjë interesante për publikun", tha Andoni. 

Për avokatin Spartak Ngjela, ndonëse një pjesë e premtimeve janë realizuar, kjo nuk është reflektuar në zhvillim.

“Ka realizuar premtimet, por a e ka futur Shqipërinë në zhvillim?Ato që ka thënë ndoshta i ka realizuar më shumë se gjysmat por nuk ka optikë të saktë për tregun dhe zhvillimin ekonomik.  Është një e metë që ka Shqipëria sot", tha Ngjela. 

Dhe për këtë, avokat Ngjela fajëson opozitën.

"Sa herë s’ka opozitë nuk ka zhvillim, sepse mazhoranca bie në apati.  Ai është kryetari i PS, Rama, kemi një defekt madh se sot kemi vetë  një parti. Partia tjetër është në krizë drejt shpërbërjes, prej Saliut,  kuptohet. Por ai e ka në favor. Fakti që e ka në favor dhe Shqipëria ka këtë opozitë këtyre u heq impenjimin", tha avokati. 

Qeveria ka realizuar deri më tani pjesërisht rritjen e pagës minimale, heqjen e tatimit për pagat deri në 40 mijë lekë, ulje të tatimit për paga mbi këtë shifër, por ende nuk ka vendim për rritje deri në 30% të pagave në administratë dhe 40% në shëndetësi e arsim. Disa prej premtimeve që lidhen me infrastrukturën dhe rritjen e mëtejshme të pagave kanë afat realizimi deri në vitin 2025, ndërsa ende qeveria Rama 3 nuk ka arritur të lëshjë në hapësirë satelitët Albania 1 dhe Albania 2, për të cilat kishte afat deri në muajin mars.

B.K./KT/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:
    20 Nëntor, 13:18

    Vrasja e 14 vjeçarit, çfarë duhet të bëjë Shqipëria me TikTok e Snap Chat?

Lajme të tjera



×

Lajmi i fundit

Kreshnik Spahiu: Pse Strasburgu po e zhgënjen shumë keq Partinë Demokratike?

Kreshnik Spahiu: Pse Strasburgu po e zhgënjen shumë keq Partinë Demokratike?

23 Nëntor, 23:55 nga Kreshnik Spahiu