10 vjet diplomaci mes Kosovës dhe Japonisë, Meta krah Thaçit: Mbështetje e jashtëzakonshme

I ndodhur në Japoni, me rastin e kurorëzimit të Perandorit të ri të Japonisë, Ilir Meta ka marrë pjesë edhe në ceremoninë e organizuar me rastin e 10-vjetorit të vendosjes së marrëdhënieve diplomatike midis Kosovës dhe Japonisë.

Ai ka publikuar foto nga evenimenti, ku i pranishëm ka qenë edhe Presidenti i Kosovës, Hashim Thaçi.

“Kënaqësi të merrja pjesë sot, së bashku me Presidentin Hashim Thaçi, në një event shumë të rëndësishëm në Tokio, në ceremoninë e organizuar me rastin e 10-vjetorit të vendosjes së marrëdhënieve diplomatike midis Kosovës dhe Japonisë.

Mbështetja e jashtëzakonshme e Japonisë për Kosovën, që nga kriza humanitare e dy dekadave më parë e deri më tani, është një vlerë e shtuar për paqen, stabilitetin dhe prosperitetin e rajonit tonë.”-shkruan Meta në një status në Facebook.

Lajmi kryesor:

Meta në ceremoninë e kurorëzimit të Perandorit të Japonisë: I urova jetë të gjatë

TAG:
• Ilir Meta
• perandori naruhito