10 vjet negociata u deshën që kombet të arrijnë një marrëveshje historike për të mbrojtur oqeanet e botës. Traktati i Detit të Lirë vendos 30% të deteve në zona të mbrojtura deri në vitin 2030, duke synuar mbrojtjen dhe rikuperimin e natyrës detare.
Marrëveshja u arrit të shtunën në mbrëmje, pas 38 orësh bisedimesh, në selinë e OKB-së në Nju Jork.
Marrëveshja e fundit u nënshkrua 40 vite më parë në 1982 – Konventa e OKB-së për të Drejtën e Detit. U krijua një zonë e quajtur det i hapur, ujëra ndërkombëtare ku të gjitha vendet kanë të drejtë të peshkojnë, të transportojnë dhe të bëjnë kërkime por vetëm 1.2% e këtyre ujërave janë të mbrojtura.
Jeta detare që jeton jashtë këtyre zonave të mbrojtura ka qenë në rrezik nga ndryshimet klimatike, mbipeshkimi dhe trafiku i anijeve. Gati 10% specie u zbuluan se janë në rrezik zhdukjeje.
Këto zona të reja të mbrojtura, të vendosura në traktat, do të vendosin kufizime në sasinë e peshkimit, rrugët e korsive të transportit dhe aktivitetet e eksplorimit si minierat në det të thellë – kur mineralet merren nga një shtrat deti 200 metra ose më shumë nën sipërfaqe.
Autoriteti Ndërkombëtar i shtratit të detit që mbikëqyr licencimin i tha BBC-së se ecja përpara “çdo aktivitet i ardhshëm në shtratin e thellë të detit do t’i nënshtrohet rregulloreve dhe mbikëqyrjes strikte mjedisore për të siguruar që ato të kryhen në mënyrë të qëndrueshme dhe me përgjegjësi”.
Lajme të tjera
-
G7-a zotohet për t’i dhënë fund ndotjes plastike deri më 2040! Për herë të parë Italia, Japonia dhe SHBA i bashkohen nismës
16 Prill 2023, 11:15 -
Studiuesit japin alarmin: Temperatura e oqeaneve po rritet! Në 2021 thithën nxehtësi të barabartë me shtatë bomba atomike
12 Janar 2022, 10:36 -
Jo më 4 oqeane, hartës së botës mund t’i shtohet një oqean i ri i 5-të
23 Qershor 2021, 19:59 -
Ekipet spanjolle të shpëtimit në kërkim të vogëlushes së humbur në det, pasi e motra 6 vjeçare u gjend e vdekur
12 Qershor 2021, 11:08
