POP 5

Lajmet më të lexuara të 5 minutave të fundit

Bota

Thyhet rekordi i nxehtësisë së oqeanit, shkencëtarët: Ndodhi më shpejt nga sa ishte parashikuar

Shkencëtarët janë shqetësuar pas thyerjes se rekordit të nxehtësisë së oqeanit. Ata thonë se ky ndryshim ndodhi shumë më shpejt nga ajo që ishte parashikuar.

Oqeanet kanë arritur temperaturën e tyre më të nxehtë të regjistruar ndonjëherë, ndërsa thithin ngrohtësinë nga ndryshimet klimatike, me pasoja të tmerrshme për shëndetin e planetit tonë. Sipas shërbimit të BE-së për ndryshimet klimatike Copernicus, temperatura mesatare ditore globale e sipërfaqes së detit ka mposhtur një rekord të vitit 2016. Ajo arriti në 20.96 gradë celsius. Kjo është shumë më e lartë se mesatarja për këtë periudhë të vitit.

Oqeanet janë një rregullator jetik i klimës, pasi ato thithin nxehtësinë, prodhojnë gjysmën e oksigjenit të Tokës. Ndërkohë si pasojë e ngrohjes, bën që ato ta kenë më të vështirë dhe më pak aftësi që të thithin dioksid karboni, që do të thotë se më shumë karbon do të qëndrojë në atmosferë.

Gjithashtu për shkak të ngrohjes globale, po përshpejtohet shkrirja e akullnajave që derdhen në oqean, duke çuar në një rritje më të madhe të nivelit të detit. Disa kafshë grabitqare, duke përfshirë peshkaqenët, mund të bëhen agresive pas temperaturave të nxehta.

“Uji ndihet si një banjë kur hidhesh brenda. Tani për tani ka një zbardhje të gjerë koralesh në shkëmbinjtë e cekët në Florida dhe për shkak të ngrohjes së ujit shumë korale tashmë kanë ngordhur,” thotë Dr Kathryn Lesneski.

“Është shqetësues të shohësh që ky ndryshim po ndodh kaq shpejt. Ne patëm një valë të nxehtë detare 247 ditore në Mbretërinë e Bashkuar midis gushtit 2022 dhe prillit 2023,” thotë profesor Mike Burroës i cili po monitoron ndikimet në brigjet e detit skocez me Shoqatën Skoceze për Marinën.

Shkencëtarët janë gjithashtu të shqetësuar për kohën e këtij rekord të thyer.

"Marsi duhet të jetë koha kur oqeanet janë më të ngrohtë, jo gushti apo shtatori. Fakti që ne kemi parë rekordin tani më bën nervoz se sa më i ngrohtë mund të bëhet oqeani nga tani dhe marsi i ardhshëm," thotë Dr Samantha Burgess nga Shërbimi i Ndryshimeve Klimatike të Kopernikut.

Shkencëtarët po hetojnë pse oqeanet janë kaq të nxehtë tani, por thonë se ndryshimi i klimës po i bën detet më të ngrohta pasi ato thithin pjesën më të madhe të ngrohjes nga emetimet e gazrave serrë.

SI.E./r.k./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:
    23 Dhjetor, 23:33

    Opozita proteston duke paralizuar 3 orë Tiranën, si e vlerësoni?

Lajme të tjera



×

Lajmi i fundit

Sondazhi i Tiranës, PS i qëndron 18 mandateve, zbret PD me 4 deputetë! Surprizë partitë e reja me 8 mandate, fundoset PL-ja

Sondazhi i Tiranës, PS i qëndron 18 mandateve, zbret PD me 4 deputetë! Surprizë partitë e reja me 8 mandate, fundoset PL-ja

25 Dhjetor, 22:46