TIRANE - Një mori aktivitetesh pritet të mbërthejë kryeqytetin në prag të 100-vjetorit të shpalljes së Pavarësisë së Shqipërisë. Festimet në kuadër të kësaj dite do të fillojnë më 26 nëntor dhe do të vijojnë deri më 28 Nëntor, atëherë kur shënohen plot 100 vjet nga ngritja e flamurit në Vlorë.

Drejtoria e Policisë së Qarkut Tiranë ka hartuar një plan të posaçëm masash dhe njofton për ndalimin e qarkullimit në disa akse kryesore të kryeqytetit më datat 25 dhe 26 nëntor pasi do zhvillohen provat për paradën ushtarake që do të zhvillohet me rastin e 100-vjetorit të Pavarësisë përgjatë rrugës së Durrësit deri tek sheshi “Skënderbej” nga ora 19:00 deri në orën 23:00.



JA SE CILAT RRUGE DO TE BLLOKOHEN

Ndaj policia e Tiranës njofton se:

Nuk do të lejohet parkimi dhe lëvizja e mjeteve nga sheshi “Rilindja” deri tek sheshi “Skënderbej”.

Nuk do të lejohet qarkullimi dhe parkimi i mjeteve në segmentin rrugor të rrugës “Bardhok Biba”.

Nuk do të lejohet qarkullimi dhe parkimi i mjeteve në segmentin rrugor të rrugës “Urani Pano”.

Nuk do të lejohet qarkullimi i mjeteve nga kryqëzimi i rrugës “Barrikada” me rrugën e “Dibrës”, deri tek sheshi “Skënderbej”.

Nuk do të lejohet qarkullimi i mjeteve në segmentin rrugor nga Kryqëzimi i rrugës “Luigj Gurakuqi” me rrugën e Barrikadave deri tek sheshi “Skënderbej”.

Nuk do të lejohet qarkullimi i mjeteve në segmentin rrugor Kryqëzimi i Bulevardit “Zogu i Parë” me rrugën ‘Fortuzi” deri tek sheshi “Skënderbej“.

Nuk do të lejohet qarkullimi i mjeteve në segmentin rrugor nga kryqëzimi i Bulevardit “Dëshmoret e Kombit’ me Ministrinë e Mbrojtjes deri tek sheshi “Skënderbej”.

Nuk do të lejohet qarkullimi i mjeteve në segmentin rrugor nga kryqëzimi i rrugës së “Kavajës” me rrugën “Kont Urani” deri tek
sheshi “Skënderbej”.

Ndërkohë më datë 26.11.2012 Nga ora 10.00 e në vazhdim do të ketë kufizime të lëvizjes së mjeteve përpara TOB (Teatrit të Operas dhe Baletit) dhe në sheshin “Skënderbej”.

Nga ora 11.00 do ketë kufizim të lëvizjes së mjeteve në rrugën “Xhorxh W. Bush” pranë Urës së Tabakëve ku do bëhet ngritja e Flamurit, si dhe vendosja e mozaikut të Flamurit Kombëtar.

Do të ketë kufizim të lëvizjes së mjeteve pranë rrethrrotullimit të Doganës në kryqëzim të rrugës së Durrësit me Unazën e Re nga ora12.00 deri në 14.00 ku do të bëhet emërtimi i sheshit “Shqiponja” dhe vendosja e monumentit.

Redaksia Online
(Gre.M/Shqiptarja,com)