POP 5

Lajmet më të lexuara të 5 minutave të fundit

Kronikë

101-vjetori i luftës së Vlorës, Dritan Leli dhe Bujar Leskaj nderojnë dëshmorët! Mungojnë në ceremoninë përkujtimore deputetët e PS

Kryebashkiaku i Vlorës, Dritan Leli dhe drejtuesi politik i PD-së, Bujar Leskaj kanë nderuar së bashku të rënët në Luftën e Vlorës. Në ceremoninë përkujtimore ra në sy mungesa e deputetëve të Partisë Socialiste.

VLORË-Në ceremoninë përkujtimore për 101 vjetorin e luftës së Vlorës morën pjesë këtë të premte, përfaqësues të pushtetit lokal, si kryebashkiaku i Vlorës, Dritan Leli dhe kryetari i qarkut, Ervis Moçka.

"Kjo është krenaria legjitime e Vlorës dhe vlonjatëve dhe asaj që vlonjatët që kanë ditur të bëjnë. Është privilegj të jem sot këtu që të përkujtoj këtë pjesë të lavdishme të historisë", u shpreh Leli.

Po kështu ishin të pranishëm deputetët e zgjedhur të Partisë Demokratike dhe drejtuesi politik Bujar Leskaj. Nuk hezituan të shpërngojnë duart Leli dhe Leskaj, i cili thekson se nuk merr direktiva nga Tirana kur bëhet fjalë për datat historike.

"Për luftën e Vlorës bashkë kemi qenë gjithmonë, nuk kemi pritur direktiva nga Tirana", tha Leskaj.

Por ajo çka ra më fort në sy ishte mungesa e deputetëve të Partisë Socialiste. Është e njohur tashmë marrëdhënia e ngrirë e Kryeministrit Rama me Dritan Lelin, çka ka çuar në marrëdhënien e vështirë të njerëzve të tij në Vlorë me kryebashkiakun.

Ndërsa përfaqësuesi i shoqatës "Armeni" Vilson Haxhiraj shpreson që në legjislaturën e ardhshme "3 Shtatori" të shpallet feste zyrtare dhe të ndërtohen varrezat e dëshmorëve.

"Jemi marrë vesh me deputetët e majtë e të djathë që të miratohet një ligj që 3 Shtatori të jetë ditë përkujtimi publik. Objektivi i dytë është të kemi varrezat e dëshmorëve. Është handikap që greket që erdhën si pushues të kenë varrezë madhështore, nuk dua të hyj në debat por pushuesit kanë varreza për tu admiruar ndërsa këta që bënë Shqipërinë s'kanë ende varreza. E treta duhet bërë muzeu i luftës", theksoi Haxhiraj.

3 shtatori i 1920-ës shënon çlirimin e krahinës së Vlorës nga trupat pushuese italiane. 

I.K/KT/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Sondazhi i ditës: 5 Shkurt, 10:32

    Informaliteti e nëndeklarimi pagave po dëmtojnë pensionet, sa po luftohen?

Lajme të tjera



×

Lajmi i fundit

Mero Baze: Gjunjëzimi i PD para 'Kandidatit për Kryeministër'

Mero Baze: Gjunjëzimi i PD para 'Kandidatit për Kryeministër'

5 Shkurt, 23:02 nga Mero Baze