POP 5

Lajmet më të lexuara të 5 minutave të fundit

Politikë

11 kandidatë refuzojë dorëheqjen, 4 nga PD dhe 7 nga LSI pritet të marrin mandatet

Të paktën 11 kandidatë të PD-së dhe LSI-së kanë refuzuar që të dorëhiqen nga lista dhe pritet të pranojnë mandatet. 4 kandidat nga PD dhe 7 nga LSI nuk I binden urdhrit të kryetarëve. Këto kandidatura pritet ta çojnë në 15 numrin e deputetëve opozitarë në Parlament.

Teksa 57 mandate deputetësh janë lënë vakantë nga PD dhe LSI, dalin emrat e kandidatëve që pritet të zënë vendin e tyre në Kuvend. Deri më tani Report Tv ka mësuar emrat e 11 kandidatëve nga PD e LSI që nuk kanë firmosur formularin për të hequr dorë nga mandate, duke iu bashkangjitur kështu edhe 4 deputetëve opozitar që nuk iu bindën urdhrit të liderëve të partisë për të bojkotuar Kuvendin me djegie mandatesh.

Ndër kandidatët që nuk kanë firmosur dorëheqjen nga Partia Demokratike janë Lefter Maliqi kandidat në qarkun e Beratit, Ligoraq Karamelo kandidat në Korçë, Erjon Piciri dhe Selami Jenisheri të dy kandidatë në Tiranë.

E njëjta panoramë paraqitet edhe tek Lëvizja Socialiste për Integrim. Nga kandidatët në pritje për të marrë mandatin nuk janë tërhequr Enver Roshi në qarkun e Elbasanit, Flamur Gjuzi dhe Edlira Hyseni në Durrës, Klajdi Qama në Berat si dhe Ylli Shehu, Bora Panajoti e Ralf Gjoni në Tiranë. Ky i fundit ka bërë edhe dy postime në Facebook duke lënë të nënkuptojë se nuk do të refuzojë mandatin. Në postimin e fundit Ralf Gjoni publikon edhe një foto me raportuesin për Shqipërinë, Knut Flackenstain, i cili ishte mjaft kritik me opozitën, në veçanti LSI-në. Këta kandidatë nëse do të vijojnë me të njëjtin qëndrim duke pranuar mandatet do t’i bashkohen katër deputetëve aktual, që nuk pranuan të dorëzojnë mandatin.

Nën siglën e PD-së nuk kanë dhënë dorëheqjen deputetët Rudina Hajdari, Muslim Murrizi dhe Nard Ndoka që doli po nga këto lista.

Ndërsa nga LSI nuk pranoi të djegë mandatin deputeti i Durrësit Lefter Koka. Nëse kandidatët e sipërpërmendur do të vazhdojnë të mos i binden urdhrit të kryetarit të PD-së Lulzim Basha dhe kryetares së LSI-së Monika Kryemadhi, numri i deputetëve opozitarë në Parlament,  nga përllogaritjet e deritanishme shkon në 15, nga 57 vende vakante të lëna nga opozita. Nesër dy partitë opozitare do të dorëzojnë në KQZ, formularët e kandidatëve që heqin dorë nga mandate, një praktik e cila pritet të refuzohet nga KQZ. 

Kandidatët e PD që nuk janë tërhequr

Lefter Maliqi

Ligoraq Karamelo

Erjon Piciri

Selami Jenisheri

Kandidatë e LSI që nuk janë tërhequr

Ralf Gjoni – Tiranë

Ylli Shehu – Tiranë

Enver Roshi – Elbasan

Flamur Gjuzi -Durrës

Edliraa Hyseni – Durrës

Bora Panajoti-Tiranë

Klajdi Qama- Berat

Deputetët që nuk janë tërhequr

PD

Rudina Hajdari

Muslim Murrizi

Nard Ndoka

LSI

Lefter Koka

G.M./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Liku: 28/02/2019 23:05

    Per mu nuk eshte e rendesishme vazhdon apo jo punen ky Parlament. Personat qe nuk dorezojn mandatet nuk jan me pjese e ketyre partive dhe pazaret kane treguar qe do jene ne Parlamentin e ardhshem ne listat fituese te PS. Por un kam vetem nje pyetje per shqiptaret:JENI ME TE PASUR APO ME TE VARFER SE PARA 5-6 VITEVE???? Sot Flenkenshtain tha tekstualish :Vjedhje vote ka pasur por qe nuk ndikuan ne rezultat. Prandaj Parlamenti eshte LEGJITIM. Pra me kete shprehje pranon qe vjedhja e votes eshte legjitime.

    Përgjigju
    • lexuesi: 01/03/2019 07:57

      'Vjedhja' e votave (nga të Gjitha palët) nuk ndikoi në rezultatin e zgjedhjeve... Prandaj po armamenti është LEGJITIM.

    • Ta hip: 01/03/2019 06:56

      O miku, basha i vodhi votat ne tv me u bo kry.ar bashkie! Ik ha qofte ha qofte mos u merr me politike.

  • Altini: 28/02/2019 21:46

    Shoku kur te permendesh Ylli SHEHU shko laje gojen nje here dhe merre nje brisk se duhet te kete nevoje se po vjen Vere dhe behet pak vape. Flm.LORANIIIII

    Përgjigju
  • Loran shehu: 28/02/2019 19:36

    Ylli Shehu esht ai delenxhiu qe kendonte ke BBF

    Përgjigju
    • Altini: 28/02/2019 21:48

      Kur permend YLLI SHEHU kujdes nje here se do hash ndonje

  • Donela: 28/02/2019 16:36

    Bejine sherbimin me te denje vendit tuaj,pranoni mandatet e i tregoni vendin kerrmave Sali Berisha,Monika Kryemadhi,Ilir Meta e Lulzim Basha qe jane turpi i politikes sone.

    Përgjigju
  • Mona: 28/02/2019 16:01

    Merrni mandatin te fitoni se iliri ka flori Ose merrini florite ilirit dhe eurot Bashes

    Përgjigju
  • Sondazhi i ditës:

    Tragjedia në Shkodër, a duhet gratë të denoncojnë çdo formë dhune?

Lajme të tjera



×

Lajmi i fundit

Scholz: Siguria dhe stabiliteti i Ballkanit Perëndimor nuk mund të merren si të mirëqena

Scholz: Siguria dhe stabiliteti i Ballkanit Perëndimor nuk mund të merren si të mirëqena

7 Maj, 23:04