11 vatra zjarri janë ende aktive në vend, ndërsa më problematike situata paraqitet në Majën e Rrunës dhe në fshatin Lundre në Ulëz. Maja e Rrunës ndodhet prej gati 3 javësh nën 'pushtetin' e flakëve, ndërsa Ministria e Mbrojtjes bën me dije se situata më problematike është në Majën e Zezë. Në zonë për shuarjen e flakëve po punon një helikopter holandez si dhe janë angazhuar 30 trupa te Forcave te Armatosura.
Në qarkun e Dibrës, zjarri po përhapet në fshatin Lundre, njësia administrative Ulëz. Era ka ndihmuar në përhapjen e flakëve, ndërsa për neutralizimin e situatës po punon një helikopter holandez, zjarrfikësit e bashkisë dhe punonjësit e shërbimit pyjor. Zjarri nuk paraqet rrezik për banesa.
Në fshatin Mengël në Kavajë është aktivizuar një vatër zjarri, por fatmirësisht nuk paraqet problem për zonat e banuara. Në terren, krahas 40 trupave të FA, janë angazhuar edhe zjarrfikësit e Kavajës, Rrogozhinës dhe Tiranës.
Në 8 vatrat e tjera ende aktive në vend, situata duket se është nën kontroll dhe po punohet për shuarjen totale të flakëve.
Në Shkodër janë tre vatra aktive zjarri, në fshatin Flet, Srriqe dhe vendin e quajtur Qershizë-Fushë Kumulli në Malin e Tërbunit, ku flakët janë vënë nën kontroll dhe p punohet për shuarjen totale të tyre.
Në Vlorë, zjarri në Malin Çipin të fshatit Mesaplik, njësia administrative Brataj, po monitorohet nga punonjës të njësisë administrative dhe nuk ka rrezik per banesat.
Në Lezhë, zjarret në fshatrat shatin Domgjon dhe Munellë, Kodër Thirrë dhe Katund i Vjetër janë vënë nën kontroll dhe po vijon puna për shuarjen totale të flakëve.
Në Dibër, vijon djegia e brendshme e vatrave të zjarrit në fshatin Kacni, ndërsa situata po monitorohet nga forcat e bashkisë Dibër.
Shpërthen një vatër zjarri në fshatin Zhulat në njësinë Administrative Cepo në Bashkinë Gjirokastër. Vatra e zjarrit ka filluar të bëhet aktive në vendin e quajtur Hone. Menjëherë njësitë e PMNZH me në krye komandant Pëllumb Shalarin kanë shkuar në vendngjarje për të bërë të mundur shuarjen e flakëve. Si pasojë e terrenit të vështirë për shuarjen e flakëve janë angazhuar edhe banorët. Zjarri po përhapet me shpejtësi nga era.
Prefekti i Kukësit, Zenel Kuçana, thotë se zjarret në Majën e Rrunës vijojnë prej 24 ditësh tashmë. Kuçana shprehet se momentalisht janë 3 vatra aktive që po monitorohen. Sipas tij, rrezik është ardhja e një vatre zjarri nga Puka, në drejtim të fshatit Çam të njësisë administrative Malzi.
"Kemi 24 ditë punë nga toka dhe ajri, aktualisht janë tre vatra zjarri në Majën e Rrunës që po minitorohen. Me rrezik është ardhja e një vatre zjarri nga Puka, në drejtim të fshatit Çam, të njësisë administrative Malzi. Kjo vatër është nën monitorim dhe vrojtim nga forcat operacionale, ende nuk ka përllogaritje të saktë, por dëmi nga zjarret është i madh te Maja e Rrunës. Duhet të modernizohet më shume shërbimi zjarrëfikës duke iu përshtatur kushteve konkrete dhe sipërfaqeve pyjore", tha ai.
Lajme të tjera
-
Invalidët pa kujdestar zhytin familjet në varfëri! Familja e Asqeri Durajt nga Memaliaj jeton me 12 mijë lekë në muaj! Gruaja e të paralizuarit: Na e hoqën kempin
24 Nëntor, 13:16
-
Ulja e temperaturave, uji i ngrirë krijon kristale akulli në Dibër! Ngrica edhe në segmentin e Rrugës së Arbrit (VIDEO)
24 Nëntor, 11:37 -
'Economic Times': Shqipëria mes vendeve ideale evropiane për të vizituar në 2025
24 Nëntor, 07:20 -
Zhdukja e australianit në Valbonë, gazeta 'The Advertiser' ndërton kronologjinë e ngjarjes
23 Nëntor, 12:55 -
Reshje bore në Rrugën e Kombit, lëvizni me kujdes! Trashësia 5 cm në Tunelin e Kalimashit! Mungesë energjie në fshatrat e Kukësit dhe Korçës
23 Nëntor, 11:28
-
'Çifti nga qyteti' që zgjodhën për të investuar në Zhulat të Gjirokastrës, Rama: 'Paketa e Maleve', mbështetje për turizmin
23 Nëntor, 09:49 -
Moti i keq në Dibër/ Vërshimi i ujërave dhe rrëshqitje dherash në Bypass-in e ‘Rrugës së Arbrit’, qarkullim me vështirësi i mjeteve
22 Nëntor, 19:56 -
Aksident në aksin Ura e Çerenecit-Ostren, 1 i vdekur 2 të plagosur
22 Nëntor, 16:57 -
VIDEOLAJM/ Erërat dhe stuhitë prishin çatinë e Pallatit të Kulturës në Bulqizë
22 Nëntor, 16:24 -
Tropojë/ Ishin të dehur, i riu vret 43-vjeçarin në lokalin e fshatit, dy grupe të FKS-së së Shkodrës për arrestimin e autorit (EMRAT)
22 Nëntor, 14:35 -
Po transportonin emigrantë drejt Shkodrës, 5 të arrestuar, braktisën mjetin pasi panë policinë
22 Nëntor, 12:40 -
Moti i keq/ Disa fshatra pa energji elektrike në Kukës! Fierza në ‘krizë’ për ujë
22 Nëntor, 12:35
