POP 5

Lajmet më të lexuara të 5 minutave të fundit

Kultura

110-vjetori i Pavarësisë/ Kujtohen tre firmëtarët e pavarësisë nga qyteti i Beratit, Mano: Varri i Bab Dudë Karbunarës të kthehet në kishën e Shën Gjergjit

Tre firmëtarët e Deklaratës së Pavarësisë, Bab Dudë Karbunara, Iljaz Vrioni dhe Dhimitër Tutulani u përkujtuan në Berat me rastin e 110 vjetorit të Pavarësisë. Studiues dhe historinë nxorën në pah dhe problematikat, siç është mungesa e një varri për Bab Dudë Karbunarën. Po kështu dhe mungesa e një muzeu historik në Kala.

Tre firmëtarët e Pavarësisë, atdhetarët e njohur nga qyteti i Beratit, Dhimitër Tutulani, Iliaz Vrioni dhe Bab Dude Karbunara janë përkujtuar në një simpozium historik zhvilluar në muzeun “Solomon” me rastin e 110 vjetorit të Pavarësisë. Studiuesja Nini Mano tha solli në vemendje faktin se varri i rilindasit Bab Dude Karbunara, shkatërruar në kohën e komunizmit ende nuk është rivendosur në kishën e vjetër të shen gjergjit që ndodhet në kalanë e Beratit.

“Në këtë sesion ia vlen të të ngremë dhe problemin e një mungesë, siç është mungesa e varrit të Bab Dudë Karbunarës. Në periudhën e komunizmit, kisha e Shëngjergjit në Kala u shkatërrua. Kisha ishte zgjedhur për të nderuar aktivitetin patriotik, që gjithë jetën e tij e shkriu për atdheun. U prish kisha u prish dhe varri! Por atëherë pati dy njerëz të mençur që u morën eshtrat dhe i varrosën diku. Ndaj sot me të madhe e them se Berati duhet të respektojë kujtimin e tij. Ne si beratas kontribuojmë për ngritjen e varrit, por ama duhet që institucionet shtetërore të marrin vendimin për ta vendosur varrin atje ku ka qenë, në kishën e Shën Gjergjit”, tha Mano.

Po kështu historianët Marela Guga dhe Viktor Papa folën për jetën dhe veprën e Iliaz Vrionit dhe Dhimiter Tutulanit, duke nxjerr në pah fakte të rëndësishme historike mbi firmëtarët e Beratit. Aktiviteti u zhvillua në ambientet e muzeut të hebrenjve “Solomon”, pasi qyteti 2400 i Beratit nuk e ka ende një muze historik.

G.MO/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Beratsi: 30/11/2022 02:01

    tre gjera. Ska var , ska lapidar pekujtimor, dhe ska muze e dyta. bab duda ish figura me e rendesishme per beratin ne te jeten e tij, pasi si asnje u zgjodh ne pleqerine e kuvendit te Vlores me vota maximale, dhe ish me perbashkuesi ne ter ate dite pavaresieù e treta, vendosi nje fakt historik unikal ne themelet e shqiperise, ktheu ismail qemalin te ribene qeverine dhe ta ndante mes besimeve, rast i vetem. dh e fundit, as Enver Hoxha nuk guxoj ti thonte nje gje personalitetit te bab dudes, dhe keta birbo nuk nxjerin kockat dhe i bejne nje var dinjitoz themeluesit te shtetit

    Përgjigju
  • Sondazhi i ditës:
    23 Dhjetor, 23:33

    Opozita proteston duke paralizuar 3 orë Tiranën, si e vlerësoni?

Lajme të tjera



×

Lajmi i fundit

Edison Ypi: Spiun dhe Bariton

Edison Ypi: Spiun dhe Bariton

25 Dhjetor, 21:10 nga Edison Ypi