Në një letër dërguar punonjësve të policisë në gjithë vendin, kryepolici Muhamet Rrumbullaku shprehet i vendosur se kushdo në radhët e uniformave blu që përbalt policinë e Shtetit, do të përjashtohet.
“Ju siguroj se jemi bashkë në çdo sfidë...për të kërkuar me ngulm më të mirën për ne dhe për të përjashtuar nga radhët tona, këdo që tenton të na përbaltë, të na çojë dëm mundin dhe të na trondisë themelet e besimit që me shumë vështirësi ndërtuam te qytetarët”.- u shpreh Rrumbullaku.
Në 110-vjetorin e krijimit të Policisë së Shtetit, Rrumbullaku shprehet optimist se investimet e kryera e bëjnë strukturën më të fortë e të sigurt.
‘Punonjësit e Policisë sot nuk gjenden përballë krimit, të vetëm me uniformën dhe me armën e shërbimit. Pajisjet e teknologjisë bashkëkohore, çelja e një epoke të re për bashkëpunimin me partnerët ndërkombëtarë dhe filozofia e kontaktit të drejtpërdrejtë me problematikën e qytetarit, bëjnë që 13 janari i vitit 2023 të na gjejë shumë herë më të sigurt.’- tha Rrumbullaku.
Urimin e tij, ministri i Brendshëm Bledi Çuçi zgjodhi ta bëjë në rrjetet sociale, teksa u referohet statistikave të vitit të kaluar të punës së bluve.
‘Lamë pas një vit ku falë punës së Policisë së Shtetit, Shqipëria pati 30% më pak vrasje dhe 13.5% më pak aksidente rrugore. Rritja e pagave me 15%, por edhe përfshirja në ndihmën e Pakos së Madhe, përbëjnë një mbështetje të konsiderueshme për zerimin e ndikimit të inflacionit të luftës në familjet e tyre.’- u shpreh Çuçi, ministër i Brendshëm.
Në ceremoninë në Drejtorinë e Përgjithshme u shpërndanë edhe certifikata vlerësimi. Historiku dhe sakrificat e mijëra punonjësve të policisë u përshkruan në një dokumentar të përgatitur enkas për këtë ditë.
110 vjetori i Policisë së Shtetit u kremtua edhe në drejtorit të qarqeve të tjera në vend. Behije Selmanaj ka humbur bashkëshortin Asllan Selamaj dhe ndihet e nderuar që në këtë ditë vlerësohet sakrifica e të rënëve në detyrë.
Kryetari i Bashkisë së Tiranës Erion Veliaj ka uruar 110-vjetorin e Policisë së Shtetit. Në një status në rrjete sociale, Veliaj shkruan: “MIRËNJOHJE për punën e vyer, të gjithë atyre që kanë veshur uniformën në mbrojtje të qytetarëve! Gëzuar!”.
Mesditën e sotme, me rastin e përvjetorit jubilar, të 110-të të themelimit të Policisë së Shtetit, Drejtori i Përgjithshëm i Policisë së Shtetit, Muhamet Rrumbullaku, së bashku me familjarë të Dëshmorëve të Policisë, vendosi kurora me lule, në memorialin përkujtimor të Dëshmorëve të Policisë së Shtetit, të rënë për shkak të detyrës.
Drejtori i Përgjithshëm shprehu mirënjohjen e pakufishme dhe nderimet më të larta, për Dëshmorët e Policisë së Shtetit, njëkohësisht Dëshmorë të Atdheut, gjaku i të cilëve qëndron në flamurin kombëtar dhe në themelet e kombit shqiptar. Gjithashtu, Rrumbullaku u shpreh se kujtimi dhe emri i secilit prej ish-kolegëve të rënë gjatë përballjes me krimin, është një motiv i fortë pse Policia e Shtetit është sot më e angazhuar se kurrë, për ta ruajtur të denjë simbolin kombëtar, jetën dhe pronën e çdo qytetari.
“Për Dëshmorët e Policisë së Shtetit, 110 vjet janë epitafe, çmimi i jetës së tyre, drita e prehjes që ndriçon kolegët në majat e thepisura, në shtratet e sipërfaqeve ujore, në rrugët e vendit dhe në skajet e tij”- u shpreh Rrumbullaku.
.jpeg)
Drejtori i Përgjithshëm i Policisë së Shtetit u ka dërguar një mesazh urimi efektivëve të policisë sot me rastin e 110-vjetorit të Policisë së Shtetit. Ndër të tjera në mesazhin e urimit, Rrumbullaku paralajmëron efektivët se do të përjashtohet kushdo që përbalt punën e Policisë së Shtetit dhe që trondit themelet e besimit që me shumë vështirësi janë ndërtuar për qytetarët.
Drejtoria e Policisë së Qarkut të Beratit ka festuar sot 110-vjetorin e krijimit të saj, në një aktivitet, ku janë bashkuar drejtues të institucioneve vendore, drejtues strukturash të policisë si dhe familjarë të punonjësve të policisë të vrarë në krye të detyrës ndër vite.
Ka qënë Drejtori i DVP-së Berat, Kastriot Skënderaj, ai që gjatë fjalës së tij, e ka cilësuar policinë e Beratit në këtë 110-vjetor si një institucion që ka arritur standarde të larta profesionale në luftën pa kompromis kundër krimit dhe korrupsionit. "Në këtë përvjetor të 110-vjetor të krijimit të Policisë së Shtetit, përulemi me nderim e respekt para të gjithë kolegëvë tanë,që ndër vite dhanë jetën e tyre në emër të jetës sonë, që u flijuan për të mos u harruar kurrë dhe për për tu bërë simbol i përkushtimit tone.’- tha ai.
Në përfundim të ceremonisë, u shpërndanë edhe 5 certifikata mirënjohjeje për: komisar Gramoz Cjapin, komisar Edmond Selamaj, komisar Kastriot Stafacani,nën/komisar Arben Lila dhe inspektor Vladimir Bregu. Pas ceremonisë së organizuar në ambientet e DVP-së Berat, drejtuesit e lartë të policisë së Beratit dhe efektivë të shumtë policie,i janë drejtuar Varrezave të Dëshmoreve, ku prehen 15 efektivë policie që janë vrarë në krye të detyrës. Ata vendosën kurora dhe buqeta me lule në Memorialin kushtuar Dëshmorëve dhe kryhen homazhe në varret ku prehen policët e rënë në krye të detyrës.
Drejtori i Përgjithshëm i Policisë së Shtetit, Muhamet Rrumbullaku ka përmendur sakrificat dhe sfidat që kanë kaluar efektivët. Në fjalën e tij me rastin e 110-vjetorit të krijimit të Policisë së Shtetit, u shpreh se punonjësit e Policisë sot nuk gjenden përballë krimit, të vetëm me uniformën dhe me armën e shërbimit pasi kanë pajisjet e teknologjisë bashkëkohore që i bën më profesionistë.
Me premtimin se do të vijojnë me përkushtim që të rrisin cilësinë e shërbimit, Rrumbullaku e mbylli me një fragment nga Himni i Flamurit, “Shqipëria do të rrojë; Për të, për të, luftojmë ne!…”
Pjesë nga fjala e Rrumbullakut
Puna, sakrificat, sfidat me të cilat jemi përballur, arritjet edhe disfatat në ndonjë rast, së bashku kanë shkruar historinë që e themeluan paraardhësit tanë në vitin 1913 dhe e zhvilluan gjenerata të tëra, deri në ditët e sotme. 13 janari është një datë e artë, e shënjuar përjetësisht në historinë e Shqipërisë, në memorien e kombit dhe në memorien e çdo qytetari që ka ndërtuar jetën, familjen dhe pronën, nën hijen e shtetit amë.
Policia e Shtetit është një nga arteriet kryesore dhe më thelbësore të ndërtimit dhe të funksionimit të shtetit të pavarur shqiptar. Këtë rol, Policia e Shtetit e ka përfaqësuar e vijon ta përfaqësojë denjësisht, falë përkushtimit dhe sakrificës së mijëra burrave e grave, djemve e vajzave, të cilët brez pas brezi kanë dhënë më të mirën e tyre, për vendin dhe për shoqërinë.
Historia e shtetit shqiptar është e lidhur ngushtësisht me historinë e Policisë. Para pak kohësh, Shqipëria festoi 110-vjetorin e pavarësisë dhe sot është pikërisht Policia e Shtetit, institucioni i parë i formuar pas shpalljes së pavarësisë dhe themelimit të shtetit të pavarur shqiptar, i cili kremton 110-vjetorin e themelimit të tij. Ky fakt nuk mund të jetë rastësor. Ky fakt tregon rolin e rëndësishëm që ka luajtur dhe luan ky institucion për vetë ekzistencën dhe sigurinë e shtetit shqiptar.
Familja e Policisë së Shtetit, fryma, vlera dhe kontributi i saj i japin dimensione të jashtëzakonshme dhe krejt të veçanta, Shqipërisë, kohës dhe misionit të Policisë së Shtetit.
Për të rinjtë tanë, për fëmijët e dëshmorëve tanë, për fëmijët që mbajnë për dore efektivët e Policisë Rrugore apo të Patrullës së Përgjithshme, mëngjeseve të shkollës, 110 vjet janë vështirë të imagjinueshëm, janë një pikë e pajetuar në kohë, e cila e bën Policinë e Shtetit, në sy të tyre, një testament të lashtë, një garanci me të cilën ata kanë lindur, një fakt përgjithmonë të mirëqenë, të cilin e kanë në nënvetëdijen e tyre kudo dhe kurdo.
Për veteranët e Policisë së Shtetit, për shumë e shumë të tjerë të cilët për dekada, kanë kryer detyra të ndryshme, në struktura të ndryshme, në qarqe të ndryshme, 110 vjet janë mijëra jetë, secila e rrezikuar përballë krimit, secila e sakrifikuar me orë larg familjarëve, secila e jetuar me qytetarët e komunitetit ku i ka thirrur misioni, secila e shenjuar me ngjarje, raste dhe njerëz me impakt për të tjerët dhe secila e gatshme për t’u jetuar e rijetuar sërish, si pjesë e Policisë së Shtetit.
Në çdo fragment të rrjedhës së historisë, Policia e Shtetit ka qenë burim sigurie dhe besimi për qytetarët dhe në emër të këtij ideali, janë sakrifikuar shumë nga radhët e saj. Martirët e Policisë së Shtetit kanë gjakun e tyre, në ngjyrën e flamurit kombëtar dhe ky është një motiv i fortë, pse Policia e Shtetit është sot më e angazhuar se kurrë, për ta ruajtur të denjë simbolin e lartë kombëtar. Për Dëshmorët e Policisë së Shtetit, 110 vjet janë epitafe, çmimi i jetës së tyre, drita e prehjes që ndriçon kolegët në majat e thepisura, në shtratet e sipërfaqeve ujore, në rrugët e vendit dhe në skajet e tij.
Fati më përzgjodhi mua që ta përshëndes këtë datë jubile, dhe në të njëjtën kohë, të kem mundësinë të vlerësoj dhe të përulem me nderim, para punës dhe përkushtimit të të gjithë atyre që e kanë mbajtur dhe që e mbajnë veshur uniformën e Policisë së Shtetit, si edhe para atyre që në periudha të ndryshme dhe në ato më të vështirat, mbajtën stafetën e drejtimit të Policisë së Shtetit, duke i dhënë vlerat më qëndrestare këtij institucioni. Për mua si Drejtor i Përgjithshëm i Policisë së Shtetit, 110 vjet janë pesha më e rëndë dhe privilegji më i madh i jetës sime. Të jesh në krye të Policisë së Shtetit sot, kur shumë është bërë dhe shumë më shumë do të bëhet, i jep çdo dite pune, vlerën e 110 vjetëve.
Po aq sa koha, për ne është koncept abstrakt edhe festa, prandaj pak prej nesh kam kënaqësinë të kem sot përballë, mijëra të tjerë janë në këto momente, të shpërndarë në çdo skaj të Shqipërisë, në përballje me krimin dhe duke u shërbyer qytetarëve, pasi sot e 110 vjet, qytetari ka qenë dhe mbetet esenca, thelbi dhe motivi i Policisë së Shtetit.
Sot është një ditë feste, përzier me reflektim, ndjenjë të lartë përgjegjshmërie dhe përulje të thellë. Nxënës shembullorë të mësimeve të së shkuarës, luftëtarë të së tashmes dhe gjithmonë e më të denjë drejt së ardhmes, kremtojmë këtë 110-vjetor, kryelartë përballë qytetarëve tanë, të cilët sot më shumë se kurrë, kanë duar profesionistësh, duar miqsh dhe duar bashkëpunëtorësh, me uniformë policie, të shtrira për t’u ardhur në ndihmë kudo dhe kurdo.
Punonjësit e Policisë sot nuk gjenden përballë krimit, të vetëm me uniformën dhe me armën e shërbimit. Pajisjet e teknologjisë bashkëkohore, çelja e një epoke të re për bashkëpunimin me partnerët ndërkombëtarë dhe filozofia e kontaktit të drejtpërdrejtë me problematikën e qytetarit, bëjnë që 13 janari i vitit 2023 të na gjejë shumë herë më të sigurtë, më të mbrojtur, më efecientë dhe më profesionistë.
Ne zotohemi përballë qytetarëve tanë se puna e Policisë së Shtetit do të vijojë të mbetet thellësisht e pranishme dhe fisnike, në jetët e shqiptarëve, si dhe se do të jetë në koherencë të plotë me hapat e ndryshimit të përditshëm të shoqërisë sonë. Brezat e rinj të Policisë së Shtetit me përgjegjshmërinë dhe atdhedashurinë që i karakterizojnë, do të vijojnë të lënë gjurmë në historinë e Policisë së Shtetit, e cila shtrihet tashmë në 2 shekuj. Kjo armatë e re profesionistësh dhe të përkushtuarish, do të kontribuojnë për përmirësimin e imazhit të Policisë së Shtetit dhe për rritjen e cilësisë së shërbimit, për qytetarët që besojnë në punën e Policisë dhe e mbështetin atë, të sigurtë se kjo është mënyra e vetme, për t’i dhënë këtij vendi, stabilitetin dhe integritetin që meriton të ketë.
Komente
Lajme të tjera
-
Kundër pr/buxheti 2025, dështon protesta e PD-së para Kuvendit! Zgjati më pak se 2 orë, Berisha kishte bërë thirrje të vazhdonte deri kur të bëhej votimi
19 Nëntor, 16:11 -
Ministri Hoxha prezanton drejtorët e Kukësit dhe Dibrës: Të krijojmë mjedise të sigurta në shkolla, rrugë, lagje e kudo
19 Nëntor, 15:26 -
Sot ndeshja Shqipëri - Ukrainë, Policia e Shtetit publikon planin e masave të ndërmarra! Ja rrugët që do të bllokohen
19 Nëntor, 12:16 -
Operacionet kundër krimit të organizuar dhe të kërkuarve, Operacionalja dhe FAST Albania bëjnë trajnime të përbashkëta: Taktikë dhe vetëmbrojtje (VIDEO)
17 Nëntor, 22:21 -
Emërimet e reja/ Ministri Hoxha dhe kryepolici Proda prezantojnë drejtorin e ri të Policisë së Beratit! Detyrat që iu lanë Luigj Vathit
17 Nëntor, 20:39 -
Prezantohen drejtorët e rinj të policisë në Tiranë dhe Durrës, Ministri u lë porosi: Zbardhni sa më shpejt vrasjet e fundit, rihapni hetimet për ngjarjet e vjetra
16 Nëntor, 10:15 -
Sot në 20:45 Shqipëri - Çeki/ 'Blindohet' Tirana, rrugët që bllokohen dhe kontroll për tifozët! Policia tregon planin e masave
16 Nëntor, 07:53 -
Rinovohen drejtorët e policive në 12 qarqe, ikin të gjithë të vjetrit, vetëm 1 mbijeton! Në Tiranë Elton Alushi zëvendëson Tonin Vocajn (EMRAT)
14 Nëntor, 16:02
-
Emrat e rinj të 12 drejtuesve të policive në qarqe! Ministri porosi vartësve: Zbuloni sa më shpejt autorët e Masakrës së Shkodrës! Bashkëpunoni me SHISH e prokurorinë
14 Nëntor, 13:12 -
Kryepolici Ilir Proda zhvillon vizitën e parë jashtë vendit, zgjedh Kosovën! Takohet me homologun Gazmend Hoxha: Bashkëpunim për goditjen e krimit dhe trafiqeve
12 Nëntor, 14:37 -
Gara për shefat e 48 komisariateve/ Publikohet lista me 290 emra, 9 prej tyre janë gra
12 Nëntor, 10:10
-
Gara për drejtor policie në qarqe/ Burime: 12 kandidatët me pikët më të larta emërohen drejtues, ikin aktualët! Listën e kryeson Vilson Bala, mbetin jashtë Vocaj e Panganika! Renditja e 38 emrave me pikët e fituara
10 Nëntor, 12:59
hahahahaha ,nxirreni te portokallia kete mor aman hahahahaha ,you made my day o rrumbullak ....
PërgjigjuHahahahahagahahahahahhahahahahahaha
PërgjigjuHahahahahaha
Përgjigju