POP 5

Lajmet më të lexuara të 5 minutave të fundit

Sociale

Në spitalin e Lezhës mungojnë mjekët, urgjencat mbulohen me mjekë part time që kanë dalë në pension

Prej më shumë se një vit spitali rajonal i Lezhës po has vështirësi për shkak të mungesës së mjekëve. Problematika më shumë haste në shërbimin parësor dhe në shërbimin e maternitetit. Situata është përkeqësuar pasi shumë mjekë vitin e kaluar kanë dalë në pension dhe akoma nuk janë zëvendësuar me të rinj.

Mungesa e mjekëve është kthyer në shqetësim edhe në qytetin e Lezhës. Vështirësitë në këtë spital rajonal, po has më shumë materniteti dhe shërbimi parësor. Kjo ka bërë që mjekët aktualë të kenë mbingarkesë në punë. Urgjencat mbulohen me mjekë part time që kanë dalë në pension ose ka shtim oraresh për mjekët që janë aktualisht.

Problematika ka nisur identifikohet prej gati 1 viti, kohë kur nisën të dalin në pension një numër i konsiderueshëm mjekësh. Nëndrejtoresha e Spitalit të Lezhës, Valbona Prenga, shpreson që këto vende vakante të mbulohen me mjekë të rinj që do të certifikohen.

Shërbimi parësor duket se është prekur edhe më shumë nga mungesa e mjekëve. Në këtë sektor mungojnë aktualisht 12 mjekë, ndërsa gjysmën e tyre e plotësojnë mjekët e dalë në pension.  Poliklinika që merret kryesisht me shëndetin e gruas dhe fëmijët ka vështirësi në dhënien e shërbimit, pasi mjekja pediatre është edhe këshilluese e grave. Kjo ka vënë në vështirësi edhe funksionimin normal të punës në spitalin rajonal të Lezhës.

Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:

    Tragjedia në Shkodër, a duhet gratë të denoncojnë çdo formë dhune?

Lajme të tjera



×

Lajmi i fundit

Nëna me 3 fëmijët u mbyt në Lumin Bunë në Shkodër, gjendet trupi i pajetë i fëmijës së dytë

Nëna me 3 fëmijët u mbyt në Lumin Bunë në Shkodër, gjendet trupi i pajetë i fëmijës së dytë

6 Maj, 16:08