POP 5

Lajmet më të lexuara të 5 minutave të fundit

Kronikë

12 vjedhje për 26 ditë, merrte çfarë gjente në dyqane e studio, s'kursente as bankomatet! Arrestohet 33-vjeçari në Tiranë, e 'tradhtoi' tatuazhi (VIDEO+FOTO)

Një 33-vjeçar ka rënë në prangat  e Policisë në Tiranë, i akuzuar si autor i disa vjedhjeve. I riu me inicialet A. Xh.. rezulton se ka kryer 12 vjedhje për 26 ditë, duke marrë sende të ndyshme në dyqane e studio e po ashtu edhe para në bankomat.

 

Një 33-vjeçar ka rënë në prangat  e Policisë në Tiranë, i akuzuar si autor i disa vjedhjeve. I riu Arqil Xhepa rezulton se ka kryer 12 vjedhje për 26 ditë, duke marrë sende të ndryshme në dyqane e studio e po ashtu edhe para në bankomat. Ai ra në pranga si pasojë e finalizimit të operacionit "Akrepi i natës", ndërsa kanë nisur hetimet edhe për një 59-vjeçar i cili blinte nga 33-vjeçari sendet e vjedhura. I riu u kap pasi shkoi të tërhiqte para në një bankomat, me një kartë të vjedhur, ndërsa tatuazhi i një akrepi në dorë bëri të mundur identifikimin e tij, nga mori emrin edhe operacioni.

Xhepa ka kryer 12 vjedhje që i kryente natën dhe më konkretisht ai rezulton autor i vjedhjeve:

Më datë 03.01.2022, në rrugën “Prokop Mima”, dyshohet se ka vjedhur një aparat celular dhe një shumë parash në dyqanin me administratore shtetasen B. H.;

Më datë 10.01.2022, në rrugën “Don Bosko”, dyshohet se ka vjedhur në lokalin në pronësi të shtetasit F. K.;

Më datë 12.01.2022, në rrugën “Gjergj Elez Alia”, dyshohet se ka vjedhur një shumë parash dhe disa pajisje në dyqanin e shtetases Xh. D.;

Më datë 15.01.2022, në rrugën “Haxhi Hysen Dalliu”, dyshohet se ka vjedhur një shumë parash dhe një laptop, në dyqanin e shtetases S. R.;

Më datë 15.01.2022, në rrugën “Reshit Çollaku”, dyshohet se ka vjedhur një laptop në banesën e shtetases O. K.;

Më datë 16.01.2022, në "Rrugën e Kastriotëve", dyshohet se ka vjedhur një laptop dhe një shumë parash në dyqanin e shtetases B. M.;

Më datë 25.01.2022, në bulevardin” Zogu I”, dyshohet se ka vjedhur një shumë parash dhe disa dokumente, në zyrat e një kompanie;

Më datë 26.01.2022, në rrugën “Mine Peza”, dyshohet se ka vjedhur në dyqanin e shtetasit A. R.;

Më datë 26.01.2022, në "Rrugën e Bogdanëve”, dyshohet se ka vjedhur një shumë parash në dyqanin e shtetasit N. L.;

Më datë 27.01.2022, në rrugën “Bardhok Biba”, dyshohet se ka dy laptopë në studion e shtetasit E. G.;

Më datë 28.01.2022, dyshohet se ka tentuar të vjedhë dyqanin e shtetasit F. K.;

Më datë 29.01.2022, ne rrugën "Gjin Ndue Shpata", dyshohet se vjedhur një laptop në studion e shetasit L. F.

33-vjeçari ka qenë i dënuar më parë për veprat penale "Vjedhja" dhe "Prodhimi dhe shitja e lëndëve narkotike", dhe i shpallur në kërkim nga Komisariati i Policisë Nr. 2, për vjedhje.

Materialet i kaluan Prokurorisë së Rrethit Gjyqësor Tiranë, për veprime të mëtejshme procedurale.

 

Rendit zhvillimet sipas orarit:
Ora 10:23
VIDEOLAJM/ Momenti kur 'Akrepi i natës' futet për të vjedhur në një dyqan! Nuk gjen lekë, por s'del duarbosh

'Report Tv' ka siguruar një tjetër video që tregon si 33-vjeçari Arqil Xhepa vidhte në dyqane në Tiranë. Në filmim duket 33-vjeçari që hy në një dyqan dhe nis të kërkojë për lekë, duke hedhur poshtë çfarë gjente. Pasi kërkon për disa sekonda dhe nuk gjen asnjë lek, i riu merr një laptop e më pas del nga dyqani.

Ora 10:11
Bënte kërdinë me vjedhje, ja zonat në 'Tiranë' që ranë pre e 'Akrepit të natës'

 

33-vjeçari Arqil Xhepa u arrestua sot si autor i disa vjedhjeve në Tiranë, ndërsa 'Report Tv' ka siguruar pamje të tij, të kapura nga kamerat e sigurisë duke kryer disa vjedhje. 'Pre' e 'Akrepit të natës', i quajtur kështu për shkak të tatuazhit që ai kishte në dorë, ishin disa rrugë në Tiranë, përkatësisht 'Reshit Çollaku', 'Don Bosko', 'Brrakë' dhe 'Laprakë', ku 33-vjeçari merrte çfarë gjente nëpër dyqane e studio.

Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • arqile: 01/02/2022 17:33

    rrote gari ....

    Përgjigju
  • Tom Sojeri: 31/01/2022 17:59

    Ky qenka akrep, nuk esht skifter.

    Përgjigju
  • Sondazhi i ditës:
    23 Dhjetor, 23:33

    Opozita proteston duke paralizuar 3 orë Tiranën, si e vlerësoni?

Lajme të tjera



×

Lajmi i fundit

Studentët në Beograd sërish në rrugë, ndalen para Prokurorisë së Përgjithshme: Të luftohet për ligjin dhe rendin pa u ndikuar nga politika e korrupsioni

Studentët në Beograd sërish në rrugë, ndalen para Prokurorisë së Përgjithshme: Të luftohet për ligjin dhe rendin pa u ndikuar nga politika e korrupsioni

25 Dhjetor, 17:25 nga Arlind Isa