POP 5

Lajmet më të lexuara të 5 minutave të fundit

Kronikë

1200 emigrantë në Portin e Vlorës, autoritetet: Numri i pasagjerëve, 15% më i lartë se vitin e kaluar

Festat e fundvitit kanë shtuar ndjeshëm lëvizjen e qytetarëve të cilët zgjedhin portin e Vlorës për t'u kthyer në atdhe. Vetëm në dy ditë kanë ardhur 1200 pasagjerë të cilët kanë udhëtuar me linjën e trageteve Vlorë-Brindizi. Autoritetet portuale në Vlorë njoftojnë se ka një rritje të numrit të lëvizshmërisë me 15%, krahasuar me një vit më parë.

1200 persona kanë mbërritur me tragetin e linjës Vlorë-Brindizi në dy ditët e fundit. Fluksi i lëvizjes në portin e Vlorës ka shënuar rritje të numrit të pasagjerëve që kanë mbërritur nga vendet fqinje, kryesisht Italia, për të kaluar festat e fundvitit.

Autoritetet portuale kanë konfirmuar se këtë dhjetor numri i pasagjerëve është rritur me rreth 10-15% më shumë, krahasuar me një vit më parë.

Sipas të dhënave që ne mbajmë vazhdimisht për cdo ditë, fluksi vetëm në dy ditët e fundit ka qenë mbi 1200 në ardhje. Në port, ne edhe nga tradita por edhe sipas parashikimeve, edhe në 31 ka fluks, kështu që edhe në 31 me mbërritjen e tragetit besojmë dhe shpresojmë që do të ketë fluks.

Fluksi zakonisht përpara Krishtlindjeve e deri në Vit të Ri, është me i lartë se zakonisht, nga normalja.

Festim Skendaj, Përgjegjës i Përpunimit të Trageteve në Portin e Vlorës

Në bazë të prenotimeve të bëra rezulton se fluksi i pasagjerëve në këtë port do të vijojë edhe në ditët në vazhdim, pasi janë të shumtë qytetarët të cilët do të udhëtojnë me linjën e trageteve Brindizi-Vlorë.

Ndërkohë në port po punohet aktualisht me 10 sportele, nga katër të tillë që funksionojnë në ditë të zakonshme. Paralelisht edhe në doganat e tjera ka pasur një shtim të numrit të qytetarëve shqiptarë të cilët kthehen pranë familjeve për të festuar festat e fundvitit.

/r.k./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Italia: 27/12/2018 16:29

    Vijn të shkretët emigrant shpenzojn lek për ekonominë Shqipëtare. POR SHTETI SHQIPËTAR NUK MER ASNJË MASË PËR ATË TRAGET PLEHRË QË KA MONOPOLIZUAR PORTIN E VLORËS.

    Përgjigju
  • Sondazhi i ditës:
    16 Nëntor, 09:13

    Kush ka pension më të ulët bonus më të madh në fundvit? Si e vlerësoni?

Lajme të tjera



×

Lajmi i fundit

Zyrtari i lartë rus: Vendimi i Biden për Ukrainën mund të çojë në Luftën e Tretë Botërore

Zyrtari i lartë rus: Vendimi i Biden për Ukrainën mund të çojë në Luftën e Tretë Botërore

17 Nëntor, 22:58