14 maji/ Vangjeli: PD e Alibeajt me shpirt s'do donte të hynte në zgjedhje, e dinë mirë se do dalin humbëse! E rëndë nëse përsëritet 6 marsi

 

Analisti Lorenc Vangeli thotë se PD e Alibeajt nuk po përpiqet për të gjetur zgjidhje që të futet në zgjedhjet e 14 majit vetëm se është e frikësuar nga rezultati. Sipas Vangjelit, do të ishte e rëndë nëse PD do të përballej sërish me rezultatet e shifrave të 6 marsit.

“Parimi i periodicitetit të zgjedhjeve prevalon mbi gjithçka. Marrja pjesë në zgjedhje nuk është detyrim por e drejtë. Kanë trokitur në derën e gabuar për të blerë vajguri ata që vazhdimisht kanë djegur jorganin e gjithë Shqipërisë. Ajo që kërkohej në këtë fazë është pjesa më elementare, më e thjeshtë e gjithë procesit. Atë që prodhojnë si politikë duan ta hedhin si patate të nxehtë në prehrin e komisionerit.

LEXO EDHE:
Vota e diasporës dhe problematikat e emigrantëve, Basha takim me bashkatdhetarët në Itali

Duke ditur se të gjitha projeksionet do ta nxjerrin atë humbëse ka tentativa jo dhe aq serioze për të mos e gjetur derën e duhur për të hyrë në zgjedhje. Kjo palë me shpirt nuk do të donte të hynte. Do të ishte e rëndë të ripërsëritej një ballafaqim identik i shifrave si 6 marsi”, tha Vangjeli.

Lajmi kryesor:

14 maji, Celibashi në Report Tv: Mosregjistrimi i PD i bazuar vetëm në ligj, nëse Basha firmos edhe tani e pranojmë! Nuk patën vullnetin për ta zgjidhur

A.M./r.k./Shqiptarja.com

TAG:
• Celibashi nuk regjistron PD
• kontrast
• PD
• kqz
• ilirjan celibashi