POP 5

Lajmet më të lexuara të 5 minutave të fundit

Politikë

Dosje

Autoriteti i Dosjeve verifikoi 232 zyrtarë, 14 në dokumentet e ish-Sigurimit të Shtetit! Raporton mungesën e bashkëpunimit të partive

Me vetëm 73 punonjës Autoriteti i Dosjeve për vitin që lamë pas ka ndërmarrë një punë intensive. Në raportin vjetor të depozituar në Kuvend, përmbledh veprimtarinë për 2023-shin, objektivat kryesore për këtë vit, por edhe shqetësime sa i përket ligjit, edhe për integritetin e zyrtarëve, ku siç thuhet subjektet politike nuk kanë qenë bashkëpunues.

TIRANE- Mungesa e bashkëpunimit të subjekteve politike, sa i përket verifikimit të integritetit të zyrtarëve, është një nga shqetësimet që ngre Autoriteti i Dosjeve në raportin e veprimtarisë për 2023-shin të depozituar pranë Kuvendit, në krye të këtij muaji. Rritja me 50 për qind, krahasuar me vitin 2022 e kandidaturave me probleme, është një tjetër sinjal alarmi. Vetëm 10, nga 61 bashki në total kanë bërë, sipas raportit, 23 kërkesa për verifikimin e pastërtisë së figurës për 41 shtetas. Rezultati, është që nga 61 individë të verifikuar për emërime apo tituj 10 shtetas figurojnë bashkëpunëtorë të ish-Sigurimit apo dëshmitarë.

Po ashtu, Autoriteti raporton se janë bërë 124 kërkesa për verifikim të 232 zyrtarëve dhe 14 prej tyre figurojnë në dokumente të ish-Sigurimit (si bashkëpunëtorë, anëtarë të ish-Sigurimit të Shtetit, si Prokurorë dhe dëshmitarë në procese politike dhe nga Autoriteti, janë marrë 91 vendime. ) Ka pasur 10 zyrtarë ku kërkesa për verifikim nuk është legjitimuar ndërsa për 1 zyrtar është ndërprerë verifikimi.  Riverifikimi i figurave, që më herët janë pajisur me certifikatë pastërtie të figures, të komisioneve “Mezini” dhe “Bezhani”, është një tjetër çështje që trajtohet në raport.

Një tjetër problem që ngre Autoriteti në raportin e depozituar është fakti që personat e lindur në internim apo që kanë qenë minorenë kur janë internuar me familjet e tyre, nuk mund të përftojnë shtesën e pensionit për periudhën e internimit, pasi për ta, Komisioni i Internim -Dëbimit, nuk merrte vendime, e si pasojë nuk ka të dhëna arkivore. Kështu që Autoriteti propozon që në raste të tilla,  kushti për vërtetimin e periudhës së internimit, me dokumente të krijuara si burime arkivore, përpara datës 1.10.1991, në nenin 1 të ligjit, si një kusht alternativ dhe jo shterues.

Për vitin 2023, që është edhe viti i dytë i mandatit janë raportuar 57 mbledhje dhe 732 vendime të marra si dhe 2 marrëveshje bashkëpunimi. Me 73 punonjës në institucion, është bërë i mundur deklasifikimi i 5 591 njësive arkivore, ku është punuar në mënyrë intensive edhe sa i përket digjitalizimit (1,416,00 faqe), si dhe skanimit e mikrofilmimit të dosjeve. Të 575-ta kërkesat drejtuar Autoritetit kanë marrë përgjigje, 16 prej tyre kanë qenë për zbardhje bashkëpunëtoresh ndërsa 70 të tilla për të zhdukurit. Sa i përket aktiviteteve, janë mbajtur 49 të tilla, ku vlen të përmenden promovimi i botimeve me në fokus të shkuarën e personave që vuajtën persekutimin e diktaturës.

Autoriteti në raportin në fjalë i ka paraqitur Kuvendit dhe objektivat për këtë vit, ku parësore është ndihma ndaj ish-të përndjekurve për qëllime rehabilitimi ose dëmshpërblim, përmes verifikimit të dokumenteve është pika e parë . Po ashtu përmirësimi i ligjit për integritetin e zyrtarëve,  dhe premtimi për hapje si institucion burimor arkivor e ndërgjegjësues janë ndër zotimet e institucionit për 2024-ën.

/S.G/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:
    23 Dhjetor, 23:33

    Opozita proteston duke paralizuar 3 orë Tiranën, si e vlerësoni?

Lajme të tjera



×

Lajmi i fundit

Qeveria rishpall tenderin 400 mln euro të Portit të ri Tregtar të Durrësit në Porto Romano

Qeveria rishpall tenderin 400 mln euro të Portit të ri Tregtar të Durrësit në Porto Romano

24 Dhjetor, 19:43