16 dorëshkrime të pabotuara
nga “Formula e Pagëzimit”
Në kuadër të Seminarit Ndërkombëtar për Gjuhën, Letërsinë dhe Kulturën Shqiptare, studiuesi Musa Ahmeti, i cili ka bërë kërkime mbi dorëshkrimet e pabotuara të autorëve shqiptarë nga shekulli 15-të deri në shekullin 17-të, ka hedhur dritë mbi dorëshkrimet, fatin e tyre, tematikat që trajtohen në to dhe arsyet e mosbotimit.
TIRANE - Në kuadër të Seminarit Ndërkombëtar për Gjuhën, Letërsinë dhe Kulturën Shqiptare, studiuesi Musa Ahmeti, i cili ka bërë kërkime mbi dorëshkrimet e pabotuara të autorëve shqiptarë nga shekulli 15-të deri në shekullin 17-të, ka hedhur dritë mbi dorëshkrimet, fatin e tyre, tematikat që trajtohen në to dhe arsyet e mosbotimit. Profesor Musa Ahmeti nga Qendra e Studimeve Shqiptare në Budapest, tha për Radio Kosovën se ka bërë hulumtime të shumta duke shfrytëzuar arkivat e Vatikanit dhe të vendeve të tjera të Evropës dhe Botës, për të nxjerrë dorëshkrimet, tematikat që trajtojnë dhe arsyet përse nuk janë botuar.
“Ne kemi bërë studime të thelluara në të gjitha fushat të mbështetura sipas kritereve bashkëkohore. Kemi analizuar në mënyrë diplomatike secilin dorëshkrim veç e veç, përmbajtjen e tij, jo përmbajtjen lëndore, por të letrës në rast se është shkruar në letër, inicialet, dekorimet e tjera. Është analizuar autori, kur ka qenë e mundur të përcaktohet kush është autori, cili ka qenë personaliteti. Jemi marrë me vendin ku është krijuar, pse është bartur në këtë rast në Itali”.
Ndërkohë, sipas profesor Ahmetit, “Formula e pagëzimit” ende nuk është botuar tërësisht, sepse, siç tha, ekzistojnë edhe gjashtëmbëdhjetë dorëshkrime të tjera të pabotuara. Po ashtu, ai tregon se ekzistojnë dorëshkrimet që nuk e kanë datën e saktë të krijimit të tyre.
“Por, duke i ballafaquar me burime të tjera, e kemi përcaktuar datën. Kemi bërë krahasimin për personalitete, raste, ndodhi të veçanta, veçanërisht në rastet kur ato kanë të bëjnë në mënyrë direkte apo indirekte me shqiptarët dhe Shqipërinë, ta sjellim vendndodhjen e saktë të tyre.”
Studiuesi Ahmeti tregon se nga kërkimet që ka bërë pothuajse të gjitha dorëshkrimet e asaj periudhe janë të pabotuara, duke bërë të ditur se pjesërisht është e botuar Kronika e Gjon Muzakës, që ruhet në dy dorëshkrime.
“Të dy dorëshkrimet kanë diferenca të ndryshme, dallime që nuk përputhen me njëra-tjetrën. Studimi i mëtutjeshëm mund të nxjerrë se cili është më i vjetër, cili është më afër origjinalit. Po ashtu, është botuar nga Biblioteka Mbretërore e Kopenhagës edhe “Statuti i Katedrales së qytetit Drishtit”.
Ahmeti theksoi se për hulumtimet dhe studimet e tij nuk ka pasur mbështetje nga institucionet shqiptare. Ai tregon se qasja nëpër arkiva të ndryshme botërore është shumë e vështirë, pasi kërkohet përgatitje e lartë profesionale, njohje të gjuhëve latine, greqishtja e vjetër dhe e re, sllavishtja e vjetër. Ahmeti bëri të ditur se kërkimet e tij janë përgatitur dhe pritet vetëm botimi i tyre.
(Në foto: Fleta e fundit e njërit prej dorëshkrimeve të pabotuara për Engjelloret e Drishtit nga viti 1468)![Engjellore nga Drishti, shek. XV dhe Ilustrimi nga faqja e parë e një Kodiku që ruhet ne BAV](http://www.shqiptarja.com/foto/89302.jpg)
(Në foto: Faqja 3 e njërit prej dorëshkrimit të familjes Engjellore nga Drishti, shek. XV dhe Ilustrimi nga faqja e parë e një Kodiku që ruhet ne BAV
)
Shkrimi u botua sot në gazetën Shqiptarja.com (print) 30.08.2013
Redaskai Online
(b.m/shqiptarja.com)
Sondazhi i ditës:
Kabineti i ri qeveritar, jeni dakord me ndryshimet e bëra nga Rama?
-
Po
39.7%
-
Jo
49.9%
-
Nuk e di
10.5%
Vota total: 7387
Votat totale janë unike
Lajme të tjera
-
Zjarri në Shëngjin, Ministria e Mbrojtjes: Shmanget rreziku për banesat dhe bizneset! Do të fillojë sërish ndërhyrja nga ajri
30 Korrik, 22:51
-
Zjarr në Shëngjin, reagon Pjerin Ndreu: Dy fjalë për ata që gjetën 'fajtorët', shpëtuam banorët nga flakët por jo nga shfryrja pafre e fantazisë së tërbuar
30 Korrik, 22:45
-
Gara e Kamala Harris për Shtëpinë e Bardhë, ngushtohet rrethi i emrave të përfolur për postin e nënpresidentit
30 Korrik, 22:36
-
7 arsye pse i ndjeni këmbët e rënduara dhe si ta lehtësoni gjendjen
30 Korrik, 22:21
-
Drejtori në detyrë i Shërbimit Sekret: Dështimi i masave të sigurisë për ish-Presidentin Trump 'i pajustifikueshëm'
30 Korrik, 22:15
-
Vijojnë të jenë aktive vatrat e zjarrit në Shëngjin, por me intensitet më të ulët
30 Korrik, 22:02
-
Masud Pezeshkian betohet si president i ri i Iranit
30 Korrik, 21:44
-
Dash Sula nuk përmbahet gjatë seancës plenare, hipën mbi tavolinë dhe u thërret kolegëve
30 Korrik, 21:29
-
Mero Baze: Për të qetësuar të 'egërsuarit' e sotëm të opozitës
30 Korrik, 21:18
-
Zbardhen emrat e Asamblesë së re Kombëtare të PS-së! Zgjidhet anëtare edhe Helena Kaçe, 'pasardhësja' e Ramës
30 Korrik, 21:11
-
Ksamil/ Rrezikuan të mbyteshin pasi iu këput timoni i varkës, Policia shpëton 6 persona
30 Korrik, 21:10
-
Sulmi izraelit në bastionin e Hezbollahut, humb jetën komandanti i lartë! Lëshohen raketa në veri të Izraelit
30 Korrik, 21:01