X

POP 5

Lajmet më të lexuara të 5 minutave të fundit

Ekonomi

173 mln euro për rimbursimin e TVSH-së, në 2021 shlyhen të gjitha detyrimet

Administrata Tatimore për këtë vit është parashikuar të rimbursojë 173 milionë euro TVSH për bizneset. Në rast se një subjekt duhet rimbursuar mbi 1.2 milionë euro, pagesa mund të bëhet me këste.

Qeveria shqiptare parashikon që këtë vit të japë 173 milionë euro vetëm për rimbursimin e TVSH-së për bizneset. Pjesa më e lartë e këtyre pagesave do të shkojnë për 4 kompani mes tyre edhe TAP, të cilit shteti i detyrohet edhe vlerën më të madhe.

Ndërkohë stoku i TVSH-së së parimbursuar në fund të dhjetorit 2019 ishte mbi 90 milionë euro, dhe që iu takon katër kompanive.  Pagesa e këtyre detyrimeve do të bëhet me këste dhe brenda 18 muajve synohet zerimi i këtij detyrimi, ndërsa për të gjithë bizneset e tjera nuk do të ketë asnjë ditë vonesë në rimbursimin e TVSH-së.

Gjatë vitit të kaluar është dhënë për rimbursimin e TVSH-së rreth 193 milionë euro që u është shpërndarë 1360 subjekteve si eksportues, fason, apo edhe grumbullues , duke tejkaluar planin fillestar me 4.5 miliardë lekë.

Ndërkohë një vendim i ditëve të fundit i nxjerrë nga Ministria e Financave i jep mundësinë administratës tatimore që të rimbursojë TVSH-në me këste kur detyrimi është i madh, duke e zgjatur përsëri në kohë borxhin ndaj subjektit.

Në vendim thuhet se në rast se vlera që duhet rimbursuar është mbi 150 milionë lekë, administrata tatimore i propozon tatimpaguesit lidhjen e një marrëveshjeje për pagesën me këste të shumës së miratuar për t’u rimbursuar.

/r.k./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:

    Ilir Meta sulmon kreun e SPAK, si e vlerësoni?

Lajme të tjera



×

Lajmi i fundit

Me telefon dhe pa rrip sigurie, katër shoferë të arrestuar në 24 orët e fundit në Tiranë, tentuan të korruptojnë policinë rrugore (Video)

Me telefon dhe pa rrip sigurie, katër shoferë të arrestuar në 24 orët e fundit në Tiranë, tentuan të korruptojnë policinë rrugore (Video)

18 Prill, 16:12