Feruzan Durda, i cili humbi djalin 7 vjeç nga shpërthimi i fabrikës së demontimit të armëve në Gërdec, kërkon drejtësi ndërsa thotë se ish-ministri i Mbrojtjes Fatmir Mediu, është përgjegjësi kryesor për atë masakër të ndodhur 18 vite më parë.

“Zamira është operuar në kokë. Ia ka prerë doktori, nuk duhet të dëgjojë fatkeqësi. Për momentin është me kimioterapi në shtëpi. Sa i përket procesit, jam i bindur që personi në fjalë po gjykohet, do ta marrë ndëshkimin e vet përtej atyre që ai del në media dhe flet për NATO, OKB nuk e di çfarë flet ai. Ka harrur të flasë vetëm për hënën. Harron ato të vetat se çfarë ka bërë. Me ato dokumente me ato dëshmi, ai ishte nisur që të vriste gjithë popullin këtu, kaq i pamëshirshëm ishte ai që e votuam për të na mbrojtur. Përgjegjës të tjerë ka shumë, por të gjithë kanë qenë nën urdhrat e ish-ministrit të Mbrojtjes. Ai i hoqi nga detyra të gjithë ushtarakët dhe pse mbrohet se thotë se kishte ushtarakë. Ushtarakët nuk kishin kompetenca për të vepruar. Të tjerët pastaj janë pasoja e ministrit. Ky nuk është ru për ne, por për qeveritarët. Dikur u mblodh gjithë Shqipëria dhe u bë marshim nga Vora ë Tiranë për drejtësi. Sot pa një gjë të keqe nuk ka mbështetje. Kjo tregon që populli sado të kërkojë drejtësi, po qenë të bashkuar dy krahët politikë nuk jepet drejtësi. Sido q të jetë vendimi ka institucione të tjera në botë që do të kërkojmë ato të drejta”, tha Feruzan Durda.


Lajmi kryesor:

Gërdeci i pandëshkuar/ Familjarët e viktimave homazhe: S'ka drejtësi nga SPAK, Mediu po favorizohet! Geraldo Durda: Të shkohet deri te Shkëlzen Berisha