1931, Zogu rrëfen politikën e
jashtme dhe raportet me Greqinë

Në Shkurt të vitit 1931 Mbreti Zog u nis për në Vjenë për mjekim shëndetësorë. Por më 20 shkurt atij i bëjnë atentat, për fat të mirë Mbreti Zog shpëtojë pa asnjë lëndim. Pas këtij atentati mediat e ndryshme të huaja i kushtuan një vëmendje qëndrimit të Zogut në Vjen. Gjatë kësaj kohe gazeta greke “GREKE” i mori një intervistë mbretit e cila u botua më 15 Mars 1931.

Intervista u botua në ballinë të gazetës me titull: “Me mbretin Zog, për politikën e Shqipërisë dhe marrëdhëniet me Greqisë, nga Tirana deri në Vjenë,, duke i kushtuar rëndësi të veçantë e botimit të saj.
Në këtë intervistë mbret Zog flet për marrëdhëniet greko-shqiptare, për qytetet e Korçës, Himarës, Drovianit dhe Gjirokastër, ku ka qytetar të mbretërisë që i përkasin minoritetit grek. Ai flet për miqësinë historike greko-shqiptare, se sot është e nevojshme ruajtja e miqësisë dhe respektit reciprok të integritetit territorial të dy vendeve, Shqipërisë dhe Greqisë.

Komentet e gazetës në fjalë për deklaratën e mbretit Zog për qytetet shqiptare si të Korçës, Himarës, Drovianit dhe Gjirokastrës që banojnë qytetar shqiptar me kombësi greke e interpretojnë si pranim nga ana e Shqipërisë të zaptimit të tokave greke. Por në të vërtet Zogu e sqaron qartë në intervistë se Shqipëria respekton Marrëveshjet Ndërkombëtare të përcaktimit kufitar midis dy vendeve.
Intervista e mbretit Zog dhënë gazetës greke në Mars 1931, ende sot keqpërdoret nga organizatat e ndryshme greke që punojnë dhe luftojnë për aneksimin e Jugut të Shqipërisë.

Gjatë kohës që mbreti Zog udhëhoqi Shqipërinë janë organizuar protesta demokratike në mbrojtjen e çështjes së Kosovës dhe Çamërisë, kështu pretendimet se mbreti Zog ka pranuar se Shqipëria ka pushtuar tokat greke janë vetëm keqinterpretime të opinionit grek. Megjithatë Zogu zhvillonte një politik lojale sipas interesave dhe kushteve në të cilin ai personalisht ndodhej.

Një fragment interesant në lidhje me Zogun ka ndodhur kur fshatrat Frashtan dhe Lugari që banohen nga shqiptar ortodoks, mbretëria ju hapi shkolla greke dhe ata reaguan duke i shkruar mbretit Zog: “Ahmet Zog, o madhëri. Kjo punë qish bëri vaki, të mësojmë grekçen në skoli? Frashtani dhe Lugari s’kanë punë me Greqinë se janë me Shqipërinë. Duam gjuhën që flet ti dhe flamur kuqezi, duam shkollë si në Muzinë, si fshatrat që kemi fqinjë, Labova me Lunxhërinë. Dhe gjithë bregdeti ynë”. - Mbreti Zogu, u përgjigj fshatarëve të Frashtanit dhe Lugarit: “Vllazën të gjakut dhe të gjuhës! Duke ju përgëzuar për dëshirat tuaja të zjarrta, ju uroj ti gëzoni shkollat shqipe”.



*Shkrimi u publikua në gazetën ina-online.net

(ina/Shqiptarja.com)