POP 5

Lajmet më të lexuara të 5 minutave të fundit

Dosje

1934/ Kur Mbreti Zog shpalli sportin domosdoshmëri kombëtare dhe të detyrueshëm në shkolla

Publikohet për herë të parë artikulli i medias franceze “Paris-Midi” për një vendim të Mbretit Zog në vitin 1934, i cili vendosi të përhapte sportin në të gjithë vendin si domosdoshmëri kombëtare dhe në shkolla u fut si lëndë e detyrueshme për nxënësit. 

1934/ Kur Mbreti Zog shpalli sportin domosdoshmëri kombëtare dhe të detyrueshëm në shkolla

Mbreti Zog

“Paris-Midi” ka botuar, të shtunën e 27 janarit 1934, në faqen n°5, një shkrim në lidhje me zhvillimin (përhapjen) e sportit në Shqipëri, mbi të gjitha falë vendimit të Mbretit Zog, të cilin, Aurenc Bebja, nëpërmjet Blogut “Dars (Klos), Mat – Albania”, e ka sjellë për lexuesin shqiptar:

“Ishte viti 1928, kur u themelua një federatë omni-sportive, e cila filloi aktivitetin sportiv. Shumë klube u krijuan dhe çelja e kampionatëve u dha një shtytje të madhe sporteve. Udhëheqësit e federatës emërohen nga vetë mbreti dhe gëzojnë një franshizë (ekskluzivitet) postare, telefonike dhe telegrafike. Federata organizon vetë takimet e mëdha dhe me të ardhurat që paguhen, heq të gjitha shpenzimet e organizimit dhe trajnimit të pjesëmarrësve.

Artikulli i “Paris-Midi”, të shtunën e 27 janarit 1934, mbi vendimin e Mbretit Zog për sportin

Sporti kryesor është futbolli, luhet nga 25 klube dhe praktikohet në zonat më të largëta të mbretërisë, në terrene të ofruara falas nga qeveria. Kanotazhi, çiklizmi, atletika dhe tenisi janë gjithashtu popullorë. Përveç kësaj, automobilat dhe motoçiklizmi janë përhapur ndjeshëm falë krijimit të një rrjeti rrugësh të shkëlqyera.

Deri tani nuk e dinim, por që nga ngjitja në fron e mbretit Zog, Shqipëria është bërë një vend sportiv. Ky mbret dekretoi se sporti ishte një domosdoshmëri kombëtare dhe e deklaroi atë të detyrueshëm në shkolla, ku mësuesit e specializuar u mësojnë nxënësve të tyre edukimin sportiv.

Publiku po inkurajon përpjekjet duke ardhur masivisht në takime, në mënyrë që Shqipëria me të drejtë mund të konsiderohet si Eden i sportit. – O.K.”

Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:
    23 Dhjetor, 23:33

    Opozita proteston duke paralizuar 3 orë Tiranën, si e vlerësoni?

Lajme të tjera



×

Lajmi i fundit

Sondazhi i Tiranës, PS i qëndron 18 mandateve, zbret PD me 4 deputetë! Surprizë partitë e reja me 8 mandate, fundoset PL-ja

Sondazhi i Tiranës, PS i qëndron 18 mandateve, zbret PD me 4 deputetë! Surprizë partitë e reja me 8 mandate, fundoset PL-ja

25 Dhjetor, 22:46