Programi “Tumo Tirana” ka zgjuar çdo ditë e më shumë interesin e të rinjve në kryeqytet. Qendra, e cila një vit më pare, kur u çel në Tiranë, kishte vetëm 60 studentë, sot ka mbi 1 mijë të tillë. Në 1-vjetorin e këtij programi, kryebashkiaku i Tiranës, Erion Veliaj, Ambasadorja e SHBA-së, Yuri Kim dhe Drejtori i Fondacionit të Zhvillimit Shqiptaro-Amerikan, Michael Granoff, zhvilluan një takim me fëmijët dhe të rinjtë që aftësohen në qendrën Tumo.
Teksa vlerësoi punën e bërë gjatë këtij viti, Veliaj e cilësoi qendrën e teknologjisë si një investim me vlerë për të ardhmen e fëmijëve dhe të rinjve.
“Përgjegjësia jonë sot është të projektojmë Tiranën e vitit 2050 dhe Tirana në vitin 2050 do të jetë si kjo sallë: Fytyra juaj do të jetë fytyra e Tiranës dhe e gjithë Shqipërisë,” tha Veliaj. Ai u shpreh i entuziazmuar për faktin se në një vit, qendra Tumo është zgjeruar shumë. “Kur e filluam, ishim shumë të vetmuar. Me dy drejtuesit e AADF-së në Tiranë dhe Majkëlli, i cili për shkak të pandemisë na ndiqte në distancë, na duhej më shumë ta besonim se sa të shihnim sepse s’kishte asgjë për të parë, në njëfarë mënyre vumë një bast dhe basti që vumë është investimi që kemi sot, që ia vlen. Ia ka vlejtur çdo qindarkë, çdo minutë, çdo sekondë dhe çdo energji që kemi shpenzuar për këtë projekt,” u shpreh Veliaj.
Ambasadorja Yuri Kim u shpreh e frymëzuar nga talenti i të rinjve të qendrës Tumo dhe projekteve të tyre, duke i motivuar që të ecin me idetë dhe përpjekjet e tyre në fushën e inovacionit.
“Nëse do të isha në moshën tuaj, do të doja të isha shoqja juaj. Por, edhe në moshën që kam sot, sërish do të doja të isha pjesë e shoqërisë suaj, pasi dua të jem si ju! Nëse gjatë punës tuaj do keni momente kur nuk do ia dilni, apo do bëni diçka të gabuar, duhet ta dini se dështimi është një hap larg suksesit. Mendoni më shumë, përtej ambientit tuaj, përtej Tiranës, përtej Shqipërisë! Ju nuk jeni thjesht disa të rinj të këtij qyteti, apo të këtij vendi. Ju do të jeni një shkëndijë për botën, ndaj dua të them se jam shumë krenare për ju,” u shpreh ajo.
Në mesazhin e tij, Drejtori i Fondacionit për Zhvillim Shqiptaro-Amerikan, Michael Granoff, i cili është ëshë mbështetësi kryesor i TUMOs në Tiranë, tha se teknologjia dhe zhvillimi është çelësi kyç për të ecur përpara.
“Nëse duam të dimë si duket e ardhmja e vendit, ajo duket si të gjithë ju. Ju jeni një komunitet që do ta bëni këtë realitet. Natyra e atyre gjërave që bëni këtu, ndodhin kudo nëpër botë. Nëse ju doni të jeni pjesë e botës dhe pjesa tjetër e botës dëshiron të jetë si ju, teknologjia është një prej çelësave kyç për të ecur përpara”, tha Granoff.
Tumo Tirana është një qendër edukative, e themeluar nga Fondacioni Amerikano-Shqiptar i Zhvillimit, në partneritet me Bashkinë e Tiranës, që u ofron të rinjve të moshës 12-18 vjeç mundësi unike për të zbuluar risi teknologjike, artistike dhe sipërmarrëse. Mbi një mijë studentë ndjekin seminaret në TUMO çdo javë në robotikë, informatikë, lojëra kompjuterike, dizajn grafik, muzikë dhe filma. Gjatë aktivitetit për 1-vjetorin e qendrës, të rinjtë ekspozuan projektet e tyre, si dhe ndanë përvojat e tyre në TUMO, pasionin e tyre për teknologjinë, synimet për të ardhmen dhe dashurinë për komunitetet e tyre.
Lajme të tjera
-
'Ne blejmë më shtrenjtë se qytetarët e BE', deputetja e PL-së: Shëndeti i shqiptarëve kërcënohet si nga prodhimi vendas dhe ai i importit
26 Dhjetor, 12:40 -
Tiranë/ Shiste fishekzjarre nga bagazhi i makinës, në hetim të lirë 46-vjeçari! Policia shton masat kundër shitjes së lëndëve piroteknike
26 Dhjetor, 10:27 -
Eduard Zaloshnja: Gjykata kushtetuese vs. realiteti elektoral
26 Dhjetor, 09:59
-
Hetimi pasuror, kryebashkiaku i Tiranës, Erion Veliaj prej 3 orësh në SPAK! Jep shpjegime si person që ka dijeni (VIDEO)
26 Dhjetor, 09:19 -
Sot Kukësi sfidon Egnatian në finalen e Superkupës, rrogozhinasit kërkojnë 'tripletën'! FSHF asnjë shpërblim për fituesin, Tetova: Duam trofeun
26 Dhjetor, 08:42 -
FOTOT/ Tirana shkëlqen për festat e fundvitit
25 Dhjetor, 21:16 -
Vetëvrasja e Mehmet Shehut para 43 vjetësh, dëshmia e ish-punonjëses së vilës: Kërkoi një kafe dhe një gotë ujë! Ngjarjen e mora vesh kur…
25 Dhjetor, 20:56
-
Një nga ne/ 'Ndenja 16 vite vetëm', prek i moshuari: Ndjeva një boshllëk, më mirë në azil me shokë
25 Dhjetor, 20:04
-
E rëndë në Kamëz, 55-vjeçari bie teksa punonte në pallatin në ndërtim, përfundon në spital! Hetime për shkaqet dhe kushtet e sigurisë
25 Dhjetor, 16:00 -
Festat sjellin trafik të rënduar në Tiranë, eksperti: Semaforët e shumtë bllokojnë qarkullimin, duhen mbikalime! Shoferët nuk zbatojnë rregullat
25 Dhjetor, 14:55 -
Stadiumi i ri 'Selman Stërmasi', në janar pritet prezantimi i projektit! Korporata Investimeve Shqiptare: Transformim për Tiranën
25 Dhjetor, 12:11 -
Në kërkim pas shpalljes non grata, Artan Grubi dyshohet se fshihet në Shqipëri! Dëshmia e biznesmenit: E dërgova me makinë deri në Tiranë
25 Dhjetor, 10:17
