X

POP 5

Lajmet më të lexuara të 5 minutave të fundit

Politikë

2 vjet Reforma në Drejtësi, Rama: Opozita njësoj si atëherë, i bie njëri gozhdës dhe tjetri patkoit

Kryeministri Edi Rama ka reaguar në lidhje me ecurinë e Reformës në Drejtësi, dy vite pas miratimit në Kuvend të paketës së ndryshimeve kushtetuese.
2 vjet Reforma në Drejtësi, Rama: Opozita njësoj si atëherë, i bie njëri gozhdës dhe tjetri patkoit

Kryeministri Edi Rama

Kryeministri Edi Rama ka reaguar përmes një postimi në rrjetet sociale lidhur me ecurinë e Reformës në Drejtësi, dy vite pas miratimit në Kuvend të paketës së ndryshimeve kushtetuese, 22 korrikun e vitit 2016. Kreu i qeverisë thekson se pastrimi i llumit të madh të drejtësisë ka nisur pa ndalim, ndërsa kritikon opozitën për qëndrimin e saj kundër Vettingut si dhe mosdhënien e konsensusit për miratimin e ligjit të Magjistraturës, i cili u shty për në sesionin e ri parlamentar, në shtator. 

Postimi i Ramës
"Fiks dy vjet më parë kaloi pas njëmijë qametesh Reforma në Drejtësi. Sot pastrimi i llumit të madh ka nisur pa ndalim. Ndërsa ata njësoj si atëherë i bien njëri gozhdës e tjetri patkoit dhe po njësoj SHBA-BE u kërkojnë t’i thërrasin mendjes. Sa gjynah për këdo i beson e dëgjon ende", shkruan Rama.



Opozita refuzoi të votojë në seancën e fundit të Kuvendit për këtë sesion parlamentar, ligjin për Shkollën e Magjistraturës e cila synon t'i japë zgjidhje vakumit të krijuar në gjykata nga spastrimi i radhëve të gjyqësorit nga procesi i Vettingut. Për miratimin e ligjit duhen 84 vota dhe pavarësisht apelit të SHBA dhe BE, PD e LSI bojkotuan seancën e të enjtes, duke mos dhënë konsensusin. Ndërsa kryedemokrati Lulzim Basha parashtroi shtatë pika si kushte që opozita të bashkojë votat me shumicën parlamentare. Sipas Bashës, ligji për Magjistraturën i dërguar nga maxhoranca në Kuvend, synon kapjen politike të pushtetit gjyqësor. 

Rendit zhvillimet sipas orarit:
Ora 22:18
Basha: Rama kërkon të emërojë gjyqtarët dhe prokurorët përmes Arta Markut

Kryetari i PD, Lulzim Basha iu përgjigj komenteve të Ramës lidhur me reformën në drejtësi. Në një reagim Basha thotë se Rama kërkon t'ia lërë Arta Markut emërimin e gjyqtarëve dhe prokurorëve.

Sipas tij, propozimi i Ramës sanksion që emërimet e të sapodiplomuarve në sistemin e prokurorisë dhe të gjyqësorit të bëhen nga Prokurorja e Përgjithshme e Përkohshme dhe KLD-ja e vjetër.

Reagimi i Bashës: 
Ndryshimet e propozuara nga Edi Rama të Ligjit për Statusin e Gjyqtarëve dhe Prokurorëve sanksionojnë që emërimet e të sapodiplomuarve në sistemin e prokurorisë dhe të gjyqësorit të bëhen nga PPP- Prokurorja e Përgjithshme e Përkohshme dhe KLD-ja e vjetër. Ky propozim është shkelje e hapur e Kushtetutës dhe kthim tek institucionet e vjetra që kishim para reformës në drejtësi. 

Kjo shkelje e Kushtetutës bëhet në një kohë kur Gjykata Kushtetuese është shpërbërë dhe sistemi kushtetues në Shqipëri është i goditur rëndë. Qëllimi i këtij propozimi është kapja totale e drejtësisë nga Edi Rama përmes Arta Markut dhe KLD-së. 

Prandaj Edi Rama i përgjysmoi para një viti buxhetin dhe burimet për vetingun, qëllimisht për të zvarritur vetingun dhe për të mos krijuar KLP-në, KLGJ-në dhe SPAK.

Partnerët ndërkombëtarë duhet të shqetësohen për mungesën e Gjykatës Kushtetuese dhe bllokimin e Gjykatës së Lartë nga Edi Rama, çka ka hequr çdo lloj kontrolli dhe kufizimi të pushtetit të shumicës dhe ka vënë në rrezik të drejtat e njeriut në Shqipëri. Heshtja e tyre ndaj kësaj gjendje ka ulur besueshmërinë e tyre në sytë e publikut shqiptar, i cili pret përmbushjen e premtimit që ata i bënë shqiptarëve se peshqit e mëdhenj do ishin në burg dhe jo në krye të qeverisë. Drejtësia pa të korruptuar dhe kriminelë në burg është tallje dhe jo drejtësi.

Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Taulanti: 28/07/2018 13:35

    U GENJYE POPULLI QE TE DHA VOTEN PO KETE RADHE DO MARRESH TOPAT E KUAJVE ME PATKUA PER VOTE TE VOTOSH SOT PER PARTINE RRADIKALE TE RAMES ESHTE TI BESH GROPEN VETES

    Përgjigju
  • Fr: 26/07/2018 02:20

    O bash mer dhe ramen dhe me briske vazhdoni punen se shqiperia do behet nuk i ndaloni dot

    Përgjigju
  • Fukarai: 26/07/2018 01:12

    O kryeminister idjot shiko popullin tend qe 70/100 jane nen nivelin e varferise KUJT I PLASI SE KUT I BIE OPOZITA OR IDJOT QE PO E MER NE QAFE KETE POPULL TE VUAJTUR

    Përgjigju
  • DjemtEnvKrenAtdh: 25/07/2018 21:32

    Mos u mburr sikur ke mashtruar ndonje shoqeri te emancipuar...me genin me tribal e te prapambetur po tall tr...te te rroje pasuria kesaj radhe ne budallallek e siper i ke hapur gropen vetes...pas gjyqtareve populli i terbuar do kerkoje koka politike...dhe gjeje kush do ta haje...

    Përgjigju
  • PIKA: 25/07/2018 20:25

    KU eshte TAHIRI ?? PO SOTA? PO BALILI ?? PO RUCI QE URDHEROI DHE PERGATITI VRASJEN E ALEKSANDER KONDOS ??

    Përgjigju
  • Sondazhi i ditës:

    Si e vlerësoni takimin e Ramës me shqiptarët në Athinë?

Lajme të tjera



×

Lajmi i fundit

Babai vrau të birin me çekiç gurësh dhe dru zjarri, tentoi t’a fshihte si aksident, Prokuroria e Korçës çon në gjyq 78 vjeçarin! Gruaja e tij gënjeu policinë

Babai vrau të birin me çekiç gurësh dhe dru zjarri, tentoi t’a fshihte si aksident, Prokuroria e Korçës çon në gjyq 78 vjeçarin! Gruaja e tij gënjeu policinë

12 Maj, 10:00