Pakti Itali-Shqipëri/ BE kundër: Refugjatët të shkojnë vetëm me vullnet të lirë

Pakti Itali-Shqipëri/ BE kundër: Refugjatët të shkojnë vetëm me vullnet të lirë

Natasha Bertaud, zëdhënëse e Bashkimit Evropian

Pas vendimit të qeverisë shqiptare për të pranuar 20 refugjatë të anijes “Diciotti” ka ardhur reagimi nga Bashkimi Evropian. Zëdhënësja e BE-së, Natasha Bertaud, raportojnë mediat italiane, tha se duhet marrë pëlqimi i refugjatëve para se ata të vijnë në Shqipëri. Bertaud thekson se dërgimi i refugjatëve që kërkojnë azil, në një vend të tretë, që nuk është pjesë e unionit, pa iu marrë fillimisht kërkesa për azil, nuk lejohet nga BE.

Për të dërguar emigrantët në Shqipëri, siç parashihet me marrëveshjen e arritur midis qeverisë së Romës dhe asaj të Tiranës, në rastin e personave të mbetur në anijen “Diciotti”, Italia duhet të marrë pëlqimin e vetë personave më përpara. Dërgimi i azilkërkuesit në një vend të tretë, pa e vlerësuar kërkesën për azil, përbën refuzim dhe nuk lejohet as nga BE dhe as nga e drejta ndërkombëtare.

Natasha Bertaud, zëdhënëse e Bashkimit Evropian

Qeveria shqiptare vendosi më 25 gusht, të marrë 20 refugjatë nga Lindja e Mesme dhe  të cilët qëndronin të bllokuar në anijen Diciotti, për më shumë se 5 ditë. Vendimi i qeverisë shqiptare u përshëndet nga qeveria italiane dhe hapi një valë debati lidhur me pranimin ose jo të refugjatëve. Italia po përballet prej disa muajsh me krizën e refugjatëve, ndërkohë që prokuroria italiane po heton për ministrin e Brendshëm, Matteo Salvini, pas bllokimit të 150 refugjatëve të anijes Diciotti.

Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:

    Si do jenë ndryshimet në Kodin Zgjedhor që do bëjnë PS-Rithemelimi?



×

Lajmi i fundit

Çeki: Zbulohet një rrjet propagande i financuar nga Rusia

Çeki: Zbulohet një rrjet propagande i financuar nga Rusia