TIRANË- Ariu i murrmë Mark, i cili kaloi dy dekada në një kafaz shumë të vogël në një restorant në Tiranë u transferua sot në qendrën e arinjve në Austri. Shoqata austriake ‘Vier Pfoten’, e përfshirë në ndihmën e kafshëve, ka bërë të mundur ditën e sotme transferimin e ariut Mark nga Tirana drejt Austrisë.
Siç shihet edhe në video, ariu i murrmë është vënë në gjumë për të bërë të mundur zhvendosjen e tij nga kafazi drejt automjetit që do ta çojë drejt Austrisë.
Pas mbërritjes në Austri, një jetë e re do të fillojë për ariun e murrmë Mark, 24-vjeç, i cili për 20 vitet e fundit u mbajt brenda një kafazi në një restoranti në Tiranë. Rasti i ariut të murrmë u soll në vëmendje nga mediat italiane të cilat i kushtuan një artikull për mënyrën sesi ai mbahej në një kafaz të një restoranti në Tiranë një atraksion tradicional për klientelën, por që tregonte keqtrajtimin e këtyre kafshëve.
Rruga e shërimit për të do të jetë e gjatë, siç thonë zëdhënësit e ‘Vier Pfoten’, duke qenë se situata në të cilën ai ka jetuar deri më tani ka qenë e tmerrshme: kafazi ishte shumë i vogël, nuk kishte mbrojtje ndaj të nxehtit dhe motit të keq dhe ishte i ekspozuar për klientët e restorantit. Dhe mbi të gjitha, asnjë mundësi për të rënë në gjumë letargjik, një sjellje e cila, është fiziologjikisht e nevojshme për arinjtë.
Menaxheri i strehës së ariut në Austri ku do të transferohet Marku ka thënë për mediat italiane se Marku është mbipeshë pasi është ushqyer me ushqim të papërshtatshëm dhe kishte liri të kufizuar lëvizjeje.
Në vitin 2016, në Shqipëri, sipas Vier Pfoten, kishte rreth tridhjetë raste si ai i Markut, por shumica prej tyre, falë ndërhyrjes së organizatave për mbrojtjen e kafshëve, mundën të shpëtoheshin dhe të transferoheshin në vendstrehime të arinjve jashtë vendit. Tani më në fund është radha e Markut, dhe në pritje të tij është jeta në natyrë që meriton çdo ari.
Komente
Lajme të tjera
-
Berlinale 2023: Ariu i Artë për një dokumentar
26 Shkurt 2023, 13:54 -
Pas 20 viteve në robëri në një lokal në Tiranë, CNN publikon video nga ariu i murrmë në mes të pyllit
10 Janar 2023, 16:17 -
Një jetë e re për Mark, ariu i murrmë që qëndroi 20 vite në kafazin e një restoranti në Tiranë mbërrin në Austri
11 Dhjetor 2022, 16:30 -
20 vite në një kafaz në Tiranë, Austria shpëton ariun e murrmë Mark! I fundit ‘i burgosur si atraksion’ në restorantet e Shqipërisë (VIDEO)
1 Dhjetor 2022, 11:04 -
VIDEOLAJM/ Nga një distancë shumë e afërt, filmohet ariu i murrmë në Devoll
17 Qershor 2022, 11:10 -
Pamje të rënda/ I gjakosur, gjendet i ngordhur në cep të rrugës Elbasan-Librazhd një ari i murrmë
17 Tetor 2021, 22:10 -
Shpëtoi ariun e murrmë në Kukës nga laku, Hoxha për Report Tv: Ishte dehidratuar, edhe pse i lodhur ishte i rrezikshëm
30 Korrik 2021, 21:25 -
Ishte zënë në lak prej tre ditësh, shpëtohet ariu i murrmë në Kukës! I mjekohen plagët dhe lihet të shijojë lirinë në habitatin e tij
29 Korrik 2021, 16:23
ai mut pronar qe e ka mbajtur kafshen e shkret ashtu me vite mbase e zene te gjitha vuajtjet e ariut
PërgjigjuMeqe ariu shpetoj, tani populli te fusi aty SaliunMeten dhe te quhet kafazi MetaSaliu
PërgjigjuJam kurreshtar si a do e mbaj me emrin Sofra e Ariut pa patur ari aty? Apo do veshi kamarieret si arinj tani?
PërgjigjuNipti do ngelet i njejti po tani do e quajne Sofra ku jetonte ariu.
Jam e lumtur që kjo kafshë e pafajshe më në fund gjeti Lirin e munguar.Futeni pronarin e restorantin ne kafaz,të provjë se ç'far eshte ti heqësh Lirin nji qënie të pafajshme .
PërgjigjuDo te ishte mire qe ta mbyllin 20 vjet ne kafaz ate kafshen me dy kembe (ju kerkoj falje kafsheve qe i krahasoj me ate qenie te ulet) qe e kishte mbyllur ariun e shkrete. Ta dije edhe ai sa qejf eshte 20 vjet ne kafaz, jo per gje.
Përgjigju