Një jetë e re do të fillojë për ariun e murrme Mark, 24-vjeç, i cili për 20 vitet e fundit u mbajt brenda një kafazi në një restoranti në Tiranë. Mediat italiane i kanë kushtuar një artikull ariut të murrmë Mark, i cili është i fundit nga të ashtuquajturit ‘arinjtë e restorantit’, i cili mbahej në kafaz si një atraksion tradicional për klientelën, megjithëse mënyra si mbahej tregonte ketrajtimin e këtyre kafshëve.
Për të shpëtuar ariun e murrmë Mark, i cili kaloi dy dekada në një kafaz shumë të vogël, që nuk lejojnte që ai të jetonte si në habitatin e tij natyral, është themeluar shoqata austriake ‘Vier Pfoten’ e cila që nga viti 1988 është përfshirë në ndihmën e kafshëve në situata të vështira. Në fillim të dhjetorit, Marku do të transferohet në qendrën e arinjve të Arbesbach, në Austri.
Rruga e shërimit për të do të jetë e gjatë, siç thonë zëdhënësit e ‘Vier Pfoten’, duke qenë se situata në të cilën ai ka jetuar deri më tani ka qenë e tmerrshme: kafazi ishte shumë i vogël, nuk kishte mbrojtje ndaj të nxehtit dhe motit të keq dhe ishte i ekspozuar për klientët e restorantit. Dhe mbi të gjitha, asnjë mundësi për të rënë në gjumë letargjik, një sjellje e cila, është fiziologjikisht e nevojshme për arinjtë.
Ariu është në gjendje shëndetësore të pasigurt: 'Marku është seriozisht mbipeshë sepse ushqehet me ushqim të papërshtatshëm dhe ka liri të kufizuar lëvizjeje'- shpjegon Sigrid Zederbauer, që menaxhon strehën e ariut në Austri ku do të transferohet Marku.
‘Ai ka probleme me lëvizjen dhe veterinerët do të shohin gjendjen e tij. Dhëmbët e tij janë thyer pjesërisht, ndoshta nga kafshimi i vazhdueshëm i shufrave të çelikut të kafazit, dhe kthetrat e tij janë konsumuar shumë nga ecja gjithmonë mbi beton. Sapo të mbërrijë në Arbesbach, ne do t'i ofrojmë menjëherë kujdesin dhe ndihmën e nevojshme veterinare në mënyrë që të shërohet."- tha ajo.
Në vitin 2016, në Shqipëri, sipas Vier Pfoten, kishte rreth tridhjetë raste si ai i Markut, por shumica prej tyre, falë ndërhyrjes së organizatave për mbrojtjen e kafshëve, mundën të shpëtoheshin dhe të transferoheshin në vendstrehime të arinjve jashtë vendit. Tani më në fund është radha e Markut, dhe në pritje të tij është jeta në natyrë që meriton çdo ari.
Komente
Lajme të tjera
-
Berlinale 2023: Ariu i Artë për një dokumentar
26 Shkurt 2023, 13:54 -
Pas 20 viteve në robëri në një lokal në Tiranë, CNN publikon video nga ariu i murrmë në mes të pyllit
10 Janar 2023, 16:17 -
Një jetë e re për Mark, ariu i murrmë që qëndroi 20 vite në kafazin e një restoranti në Tiranë mbërrin në Austri
11 Dhjetor 2022, 16:30 -
20 vite në kafaz në një restorant në Tiranë, udhëtimi drejt ‘lirisë’ i ariut të murrmë Mark! Niset drejt Austrisë
7 Dhjetor 2022, 12:40 -
VIDEOLAJM/ Nga një distancë shumë e afërt, filmohet ariu i murrmë në Devoll
17 Qershor 2022, 11:10 -
Pamje të rënda/ I gjakosur, gjendet i ngordhur në cep të rrugës Elbasan-Librazhd një ari i murrmë
17 Tetor 2021, 22:10 -
Shpëtoi ariun e murrmë në Kukës nga laku, Hoxha për Report Tv: Ishte dehidratuar, edhe pse i lodhur ishte i rrezikshëm
30 Korrik 2021, 21:25 -
Ishte zënë në lak prej tre ditësh, shpëtohet ariu i murrmë në Kukës! I mjekohen plagët dhe lihet të shijojë lirinë në habitatin e tij
29 Korrik 2021, 16:23
/MERI/,100 % dakord me ju.Ku jane org.shqiptare qe merren me mbrojtjen e kafsheve,apo vetem qente e rruges kane rendesi per ta?!
PërgjigjuAriut te ri tia vene emrin Nard Ndoka
Përgjigjuboll shpiket burgje per shqiptaret, ateher kane per te gjetur paqe dhe kafshet.
PërgjigjuKur dëgjon ngjatje të tilla,ndihesh keq.Jemi nji popull që kemi dëshir të keqtrajtojm çdo gjë qe na rrethon.
Përgjigju