200 të burgosurit shqiptarë në Britani drejt burgjeve në Shqipëri, avokat Hasani nga Londra: Jo ‘rigjykim’ vendimeve të gjykatave britanike

Fillimi i zbatimit të marrëveshjes së transferimit të të burgosurve shqiptarë në Britaninë e Madhe për avokatin shqiptar në Londër, Naim Hasani, është edhe një tregues se tonet e marrëdhënieve mes dy vendeve po normalizohen. Në një lidhje me Skype për Report Tv në emisionin ‘Studio live’ me gazetarin Arbër Hitaj, Hasani thotë se zbatimi i kësaj marrëveshjeve e ndihmon shumë Britaninë e Madhe për shkak të mbipopullit të burgjeve atje.

“Nëse ata dëshirojnë të kthehen në vendin e tyre për të vuajtur dënimin atëherë marrëveshja është atje dhe ata që janë dënuar me mbi 4 vite mund të transferohen.  Ka një mbipopullim të jashtëzakonshëm të burgjeve në Britaninë e Madhe.  Faktikisht nuk bëhet fjalë për ekuivalentim të dënimit. Është thjesht vetëm vuajtje e dënimeve të dhëna nga gjykatat. Britania ka marrë garanci se vendimet e gjykatave britanike nuk do të vihet në diskutim dhe do të çohet deri në fund. Marrëveshja është thjesht për vuajtje të dënimit”, tha Hasani.

Ai u shpreh se janë mbi 1300 të burgosur shqiptarë në Britaninë e Madhe.

“Fatkeqësisht një prej vendeve kryesore të huaja që përbën numrin më të madh të të burgosurve është Shqipëria. Por lajmi i mirë është se ka një rënie drastike e numrit të shqiptarëve që udhëtojnë me gomone”, tha ndër të tjera në intervistën për Report Tv, avokati Naim Hasani.

K.T./KT/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:

    'Rasti Qefalia', a fshihen gjobat pas akuzave të Këlliçit, Nokës, opozitës?



×

Lajmi i fundit

Këshilli Bashkiak miraton projektin e ri “Ecole 24”: Kurse falas në teknologji për të rinjtë

Këshilli Bashkiak miraton projektin e ri “Ecole 24”: Kurse falas në teknologji për të rinjtë