POP 5

Lajmet më të lexuara të 5 minutave të fundit

Arkiva

21 Janari, PS: Homazhe në
"bulevardin e vrasjeve"

Nën drejtimin e kryesocialistit Edi Rama dhe në prani të kryetarit të grupit kuvendor, Gramoz Ruçi, 9 sekretarët kanë vendosur pët zhvillimin e homazheve në kujtim të katër viktimave të protestave të 21 janarit, përballë kryeministrisë.
21 Janari, PS: Homazhe në <br />
TIRANË – Sekretariati i Partisë Socialiste është mbledhur sot në mëngjes për të vendosur mbi axhendën e re politike të kësaj partie gjatë muajit në vijim. Nën drejtimin e kryesocialistit Edi Rama dhe në prani të kryetarit të grupit kuvendor, Gramoz Ruçi 9 sekretarët kanë miratuar edhe vendimin për mbajtjen e homazheve në kujtim të 21 Janarit 2011. Burime brenda takimit thanë për Shqiptarja.com se pjesë e axhendës janë homazhet pranë familjeve të 4 protestuesve të cilët humbën jetën atë ditë. Gjithashtu, konfirmohet se Partia Socialiste do të zhvillojë homazhe edhe në bulervardin "Dëshmorët e Kombit", ku një vit më parë mbetën të vrarë gjatë demonstratës të organizuar nga PS: Faik Myrtaj, Ziver Veizi, Hekuran Deda dhe Aleks Nikaj.


EKSPERTIZA AMERIKANE
Pak muaj më parë, memoria e kompjuterit qendror të sistemit të kamerave të sigurisë te Kryeministria u dërgua në SHBA, për shkak të hetimeve për ngjarjen e 21 janarit. Në muajin shtator prokuroria kërkoi zgjatjen e hetimeve dhe më pas dërgoi për ekspertim në SHBA, pajisjet e serverit të kamerave të Kryeministrisë. Serverat në fjalë ishin vënë në dispozicion të prokurorisë pak ditë pas ngjarjeve të dhunshme të 21 janarit. Në reagimin e parë të tij për ngjarjen e ndodhur pranë godinës së qeverisë, Kryeministri Sali Berisha deklaroi se kishte porositur sekretarin e përgjithshëm të Këshillit të Ministrave që kasetat filmike të kamerave të Kryeministrisë t’i dorëzoheshin prokurorisë për hetimin e ngjarjes.
Burime të grupit hetimor, pranë prokuorisë së përgjithshme, kanë konfirmuar për “Shqiptarja.com” se në serverin e rrjetit informatik të kryeministrisë nuk ekziston asnjë pamje filmike e gjithçkaje ndodhi më 21 janar të këtij viti.
Burimet thanë se ka qenë vetë FBI, e cila i ka komunikuar organit qëndror të akuzës se, pas ekspertizës së serverit qëndror në selinë e qeverisë, nuk ka asnjë dëshmi filmike.


21 JANARI 2011
Gjatë demostratës së organizuar nga Partia Socialiste më 21 janar të këtij viti, në bulevardin ‘Dëshmorët e Kombit’ u vranë katër demonstrues dhe u plagosën dhjetra të tjerë. Menjëherë prokuroria nisi hetimet, ku fillimisht u arrestuan disa prej gardistëve, të cilët dyshohen se kanë qëlluar mbi turmën duke vrarë Faik Myrtaj, Ziver Veizi, Hekuran Deda dhe Aleks Nikaj.
Fillimisht u arrestuar gardistës Mark Nikolli, Agron Malaj, Sadik Ãtelaj, dhe Gazmend Ahmetaj. Por, me vendimin e saj te pak javëve më parë Gjykata e Apelit la në fuqi masën detyrim paraqitje për gardistin Sadik Çela, i cili do të hetohet në gjendje të lirë së bashku me kolegët e tjerë. Në lidhje me këtë ngjarje do të mbetet në burg vetëm gardisti Agim Llupo, i cili akuzohet për vrasjen e demonstruesit Ziver Veizi nga Gjirokastra. Ndërsa dy efektivët e tjerë, Gazmend Ahmetcenaj dhe Mark Nikolli u liruan nga Gjykata e Apelit, me një vendim të pak muajve më parë.




(aq/am/shqiptarja.com)

  • Sondazhi i ditës:
    25 Nëntor, 08:30

    Takimet jashtë, mendoni se diaspora do marrë pjesë masivisht në votime?

Lajme të tjera



×

Lajmi i fundit

Cilat janë pengesat për arritjen e armëpushimit mes Izraelit dhe Hezbollahut?

Cilat janë pengesat për arritjen e armëpushimit mes Izraelit dhe Hezbollahut?

25 Nëntor, 22:54