POP 5

Lajmet më të lexuara të 5 minutave të fundit

Arkiva

“21 Janari”- Tahiri: Kallëzim penal për Bashën, nuk i lejohej të jepte urdhra operacional

TIRANË, 9 Prill/ATSH-Z.Tosku/-Ministri i Brendshëm, Saimir Tahiri deklaroi në seancën plenare se sot u depozitua kallëzimi penal për Lulzim Bashën, lidhur me ngjarjen e 21 Janarit. Pas replikave me deputetin e PD-së Sali Berisha, ministri Tahiri tha se “sot është ngritur një padi ndaj ish-ministrit të Brendshëm, Lulzim Basha me akuzën për shpërdorim detyre pasi […]
/ATSH-Z.Tosku/-Ministri i Brendshëm, Saimir Tahiri deklaroi në seancën plenare se sot u depozitua kallëzimi penal për Lulzim Bashën, lidhur me ngjarjen e 21 Janarit.
Pas replikave me deputetin e PD-së Sali Berisha, ministri Tahiri tha se "sot është ngritur një padi ndaj ish-ministrit të Brendshëm, Lulzim Basha me akuzën për shpërdorim detyre pasi dha urdhër për hedhjen e lëndëve kimike mbi protestuesit".
" Për ngjarjen e "21Janarit' janë gjetur urdhëra jashtë ligjit nga Basha, ministër i Brendshëm në atë kohë", nënvizoi Tahiri.
"Ministri juaj i Brendshëm ka dhënë urdhër që të ngriheshin helikopterët dhe të hidhnin lëndë homogjene mbi demonstruesit tek piramida . 21 janar 2012 në librin e shënimit rezulton: Gjenerali, ora 14:54 urdhri asnjë lloj zjarri pa zbatuar ligjin kundër demonstruesve, por edhe kjo është e korrigjuar dhe mbi të ishte shkruar, asnjë lloj zjarri pa dhënë urdhër. Të dy shënimet duket me sy të lirë që janë të korrigjuar. Po kështu rezulton nga kqyrja se vetëm në datën 21 janar ka falsifikim dhe korrigjim të urdhrave, në këto kushte SHKB ka depozituar sot kallëzimin për bashkën në akuzën shpërdorim detyre i cili ka dhënë një urdhër të kundraligjshëm pasi nuk është në kompetencën e ministrit drejtimi i operacionit dhe përdorimi i lëndëve kimike.  Kjo është padia e depozituar sot për një ministër që rezulton se ka dhënë urdhër të ngrihet helikopteri dhe të hedhë lëndë kimike ndaj protestuesve", bëri të ditur Tahiri.
Më tej, Tahiri tha se "nuk di ç'shpjegim do të ketë Basha për këtë por di se Ministrit të Brendshëm nuk i lejohet të japë urdhra operacional si ai që ka dhënë Basha duke ngritur tel. E imagjinoj që ky mund të ketë qenë urdhri juaj por shpresoj që të zbardhet. Një gjë ju siguroj: ky nuk është momenti as për tu tallur dhe as për të anashkaluar drejtësinë".
Për 21 janarin, theksoi Tahiri, duhet patjetër të ketë një përgjegjës. Nuk mund të them që Basha ashtu sikurse ka dhënë urdhër për helikopterin të ketë dhënë urdhër edhe për vrasjen por shpresoj të bëheni qytetarë të mirë dhe të përgjegjshëm".

/Shqiptarja.com
  • Sondazhi i ditës: 21 Janar, 08:38

    14 vite nga vrasja e 4 protestuesve, do bëjë SPAK drejtësi për 21 janarin?

Lajme të tjera



×

Lajmi i fundit

Forumi ekonomik, Kurti lajmëron nga Davosi marrëveshjen me Norvegjinë

22 Janar, 15:46