Në moshë të thyer dhe me probleme shëndetësore, Dylber Shuli jeton prej më shumë se një dekade me shpresën që shtëpisë të cilën e ndjen më të boshatisur se kurrë, do t’i rikthehen zërat e nipërve dhe mbesave të tij.

"Ato më thoshin ‘baba pse na dorëzove?’. U thoja ‘bijë e babait, kështu e kam punën’.  Unë jam 90 vjeç, shpresë kam deri sa të mbyll sytë sepse ata më thërrasin baba. Më shumë më thërrasin ata sesa fëmijët e mi. Si s’kam shpresë? Mbesa e mesme më thotë baba sepse ajo nuk ndahej nga unë", rrëfen ai. 

Për 90-vjeçarin nga fshati Zagorçani në Pogradec, jeta mori tjetër kthesë kur djali i tij Krenari u largua drejt Sirisë me bashkëshorten dhe 3 vajzat e mitura. Atje, çifti lindën edhe një djalë, duke e bërë 4 herë gjysh Dylberin.

Tragjedia shënjoi familjen e tyre kur konflikti i armatosur u mori jetën prindërve. 

"Atë mbesën e madhe e falënderoj se iu vra i jati dhe e ëma dhe qëndroi trime", rrëfen Shuli. 

Fëmijët mbetën jetimë në kampin famëkeq Al Hol, në kushte të vështira mbijetese dhe pa arsimim. Megjithatë jeta atje ka vijuar dhe njëra nga mbesat, e madhja, është bërë edhe nënë.

"Kanë qenë të sëmurë, më ka treguar ajo mbesa e madhe.. 16 vjeç dhe qëndroi trime me vëllezërit, djalin e saj, të motrat i rriti.  E madhja po shkon 22, të vegjlit nga 7 vjeç, mbesa tjetër 1 muajshe iku. Nuk kanë krahë atje ata të mitë", tha Shuli.

Sa herë që një shqiptar riatdhesohet nga Al Hol, siç ndodhi me Eva Dumanin, shpresa ringjallet edhe për familjen Shuli.

SI.E./I.M/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Fitim Bejleri: 19/02/2026 20:20

    Kot qe pyes keta nipper e mbesa si vajten ne Siri kane printer?Apo varja te paguajme ne 1 Carter,Ku ishte ky gjyshi kur djali enderonte 40 virgjeresha??!!etj etj

    Përgjigju
  • Sondazhi i ditës: 4 Mars, 21:56

    Mendoni se ndryshimet në Ekzekutiv do përmirësojnë qeverisjen e vendit?

Lajme të tjera