POP 5

Lajmet më të lexuara të 5 minutave të fundit

Ekonomi

2200 euro m te rruga e Durrësit, 4000 brenda qendrës së Tiranës! Bumi i ndërtimeve nuk po frenon shtrenjtimin e banesave

Apartamentet në vend po kushtojnë më shumë vit pas viti, dhe ky shtrenjtim nuk po ndalet pavarësisht bumit të ndërtimeve. Sipas të dhënave të INSTAT, në vitin e kaluar janë miratuar mbi 1600 leje ndërtimi me sipërfaqe mbi 2.1 milionë metër katror. Numri i lejeve të dhëna nga bashkitë u rrit me 12% vjet në raport me vitin 2022

Çmimet e apartamenteve si për qiratë ashtu edhe për blerje vijojnë të rriten pavarësisht se numri i ndërtimeve në vend po shtohet vit pas viti. Gjatë vitit të kaluar bashkitë kanë dhënë 1602 leje ndërtimi, nga 1420 leje që u dhënë në vitin 2022, duke u rritur me 12%.

Referuar të dhënave të INSTAT, sipërfaqja e lejeve është 2.1 milionë metër katror, me rënie në raport me vitin paraardhës kur ishte 2.6 milionë metër. Ndërsa vlera e këtyre ndërtimeve sipas INSTAT përllogaritet në 25.3 miliardë lekë.

Edhe pse në 5 vitet e fundit numri i lejeve të ndërtimit është 3 fishuar, nga 2074 leje në vitet 2013-2017, 6473 leje nga 2018-2023, çmimet vetëm rriten.

Nga një vëzhgim nëpër faqet e agjencive imobiliare kupton se një apartament sot në zonën e Astirit ku ka edhe kërkesë të lartë për blerje 1 metër katror kushton minimalisht 1100 euro, por ka edhe hyrje të reja ku çmime kapërcen 1600 euro metri.

Po aq ka shkuar çmimi për metër katror edhe në Yzberisht. Me 1300 euro metri po shiten shtëpitë në zonën e Xhamllëkut, ose mbi 1600 euro është vlera tek Rruga Myslym Shyri apo në Don Bosko. Ndërsa në 21 dhjetor vlera ka kapërcyer në 2000 euro, e rritet më shumë në rrugën e Durrësit ku arrin në mbi 2200 euro. Brenda në qendër çmimet për një metër katror arrijnë në 4000 euro.

Kjo valë shtrenjtimi e apartamenteve nuk ka të ndalur, edhe pse inflacioni në vend është në trend rënës, ndërsa anketimet e Bankës së Shqipërisë flasin për shtrenjtim të mëtejshëm.

Sipas një analize të bankës së Shqipërisë shkaqet që po sjellin këtë rritje të vrullshme të çmimeve kryesisht pas pandemisë janë blerja e pronave nga të huajt ndikuar edhe prej bumit turistik, që i përdorin për biznese ose i lëshojnë me qira, ndjekur nga huaja bankare dhe rritja e normave të interesit pasi ndërtuesit marrin kredi për të bërë investimin, si edhe rritja e kostove të ndërtimit apo e pagave të punonjësve.

M.Q./r.k./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Bumbum: 29/02/2024 16:08

    Deri sa të mbarset e pastaj del bumerang

    Përgjigju
  • Sapa: 29/02/2024 14:19

    Sufllaqe thua ti?jo ore jo ,keta jane ata qe kane mbushur xhepat nga rilindasit dhe vazhdojne ti mbushin ,prandaj edhe propaganda.

    Përgjigju
    • Besi: 29/02/2024 17:12

      Sullfaqe per te tere te shijoni turizmin dhe realitetin e ri

  • Olsi: 29/02/2024 13:53

    Pastrim parash.

    Përgjigju
  • Besi: 29/02/2024 12:52

    Edi Rama ka kuptuar vleren e turizmit qe po kthehet ne nje dege udheheqese te ekonomise duke lene pas sektore qe i trajtojne punonjesit si skllever si fasoneria dhe call centerat

    Përgjigju
    • Turizmi: 29/02/2024 16:06

      Pa shërbëtorë s'ka

    • Edhe 1 sufllaqe per Besin: 29/02/2024 13:37

      Edhe 1 sufllaqe per Besin. Dil nga kutia ku jeton... po ikin te gjithe... turizem fantazmash

  • Sondazhi i ditës:
    20 Nëntor, 13:18

    Vrasja e 14 vjeçarit, çfarë duhet të bëjë Shqipëria me TikTok e Snap Chat?

Lajme të tjera



×

Lajmi i fundit

Kreshnik Spahiu: Pse Strasburgu po e zhgënjen shumë keq Partinë Demokratike?

Kreshnik Spahiu: Pse Strasburgu po e zhgënjen shumë keq Partinë Demokratike?

23 Nëntor, 23:55 nga Kreshnik Spahiu