Manfredas Ruzgis ishte emri surprizë i futbollit shqiptar në sezonin që lamë pas. Sulmuesi 28-vjeçar i KF Vorës shënoi 24 gola në Kategorinë e Parë duke qenë një ndër elementët kyç që ekipi i tij të ngjitej në Superligë për herë të parë në histori.

Golat e Ruzgis nuk kanë mbetur pa u vënë re në vendlindje, me kombëtaren e Lituanisë që i ka dërguar ftesë sulmuesit për dy ndeshjet e radhës. Për kualifikueset e Kupës së Botës 2026, Lituania luan kundër Maltës dhe Danimarkës më 7 dhe 10 qershor. Më herët ai ka luajtur dy ndeshje me Lituaninë.

"Manfredas Ruzgis do të jetë pjesë e ekipit lituanez për ndeshjet kualifikuese të Kupës së Botës 2026. Kombëtarja Litueneze do të luaj ndaj Maltës me 7 qershor dhe ndaj Danimarkës me 10 qershor. Klubi i uron Manfredasit një përfaqësim sa me dinjitoz me fanellën Lituaneze", shkruan KF Vora.

Ruzgis është produkt i moshave të Paderborn dhe Koln, teksa ka luajtur në klube të profilit të ulët në Gjermani, para se në 2024 të bashkohej me Vorën dhe të linte shenjën e tij në Kategorinë e Parë. Të shumta janë klubet shqiptare që interesohen për të.

S.Dh/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Sondazhi i ditës: 3 Dhjetor, 08:56

    Çfarë mendoni për lëvizjen e Salianjit brenda PD?

Lajme të tjera