POP 5

Lajmet më të lexuara të 5 minutave të fundit

Politikë

25 prilli/ Kompania angleze, 21 mln USD për identifikimin biometrik, Pelinku: Po bëjmë vlerësimin e Smartmatic, s’e shoh të nevojshëm konsultimin me PD

Kompania e vetme që ka mbetur në garë për të bërë të mundur identifikimin elektronik të votuesve në zgjedhjet e ardhshme është “Smartmatic”. Komisioni Qendror i Zgjedhjeve aktualisht është në fazën e shqyrtimit të dokumentacionit. Nënkomisionerja Lealba Pelinku tha se pa u bërë ky proces nuk do të bëhet negociimi i kontratës.

Thirrjes së Komisionit Qendror të Zgjedhjeve për sigurimin e pajisjes që do mundësojnë teknologjinë i është përgjigjur vetëm një kompani, “Smartmatic”, një kompani angleze e cila për të siguruar pajisjet elektronike për identifikimin biometrik kërkon rreth 21 mln dollarë.

Nënkomisionerja Lealba Pelinku thotë se negocimi i kontratës me kompaninë që është ofruar do të realizohet vetëm pas vlerësimit  të kritereve.

“Ligji për prokurorimin publik e njeh si të suksesshme procedurën  dhe me një ofertues të vetën. Jemi në fazën e shqyrtimit të ofertave. Komisioni do të shqyrtojë kualifikimin e kompanisë nëse i plotëson kriteret dhe më pas do të kalojë te vlerësimi i zgjidhjes teknike që ka ofruar kompania. Nëse kjo fazë përfundon me sukses do vijohet më pas me negocimin e kontratës”, u shpreh Nënkomisionerja.

Kompania “Smartmatic” një vit më parë realizoi votimin elektronik të zgjedhjeve brenda PS. Për Lealba Pelinkun nuk përbën problem.

“Është një kompani private dhe nuk ka fare pse të paragjykohet për këtë. E rëndësishme është që procesi deri më tani është kryer me transparencë”, shprehet Pelinku.

Sa i përket votimit dhe numërimit elektronik do të jetë procedurë më vete.

“E sigurt është që është procedurë më vete, do të jetë një projekt që nuk afekton projektin e identifikimit elektronik”, tha ndër të tjera Pelinku.

Si e zgjedhur nga opozita, a është konsultuar Lealba Pelinku me PD?

“Nuk kam pasur dhe nuk e shoh nevojshme që të kem”, thotë Pelinku.

I.K/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:
    23 Dhjetor, 23:33

    Opozita proteston duke paralizuar 3 orë Tiranën, si e vlerësoni?

Lajme të tjera



×

Lajmi i fundit

Puna e SPAK në 2024, Dervishi: Po u zbardh çka ndodhur me Ervis Martinajn bie piramida e krimit! Petraj: Si u privatizua CEZ do hap 'Kutinë e Pandorës'

Puna e SPAK në 2024, Dervishi: Po u zbardh çka ndodhur me Ervis Martinajn bie piramida e krimit! Petraj: Si u privatizua CEZ do hap 'Kutinë e Pandorës'

25 Dhjetor, 18:54