260 familjeve do t'u rindërtohet shtëpia/ Veliaj nga Rrogozhina për programin ekonomik të opozitës: As Mona dhe as Luli nuk thanë asnjë fjalë për tërmetin

Procesi i rindërtimit në zonën e Rrogozhinës, e cila është një prej më të dëmtuarave nga tërmeti i 26 nëntorit, do t'u rikthejë shtëpitë plot 260 familjeve.

Drejtuesi politik i PS në Qarkun e Tiranës, Erion Veliaj, ishte ditën e sotme në Kryevidh, ku brenda muajit të ardhshëm pritet të përfundojnë 24 shtëpi të reja.

“Më vjen shumë mirë që në Kryevidh kemi hedhur themelet për 24 shtëpi dhe tani po bëjmë muret rrethuese. Praktikisht, po ndërtojmë shtëpi me themele të forta për 100-200 vitet e ardhshme; janë të gjitha me termoizolim dhe kushte më të mira seç ishin, për t’ua lënë trashëgimi fëmijëve”, tha Veliaj.

Tomorr Çullhaj, kryefamiljari i një prej shtëpive që po ringrihen nga e para në fshatin Stërbeg, u shpreh shumë i lumtur sepse iu zgjidh një problem i madh.  

“Jemi gëzuar shumë. S’ma merrte mendja se do vinte kjo ditë. Vetë s’kishim për ta bërë ndonjëherë,” u shpreh ai.

Më tej në turin e tij ditën e sotme në Rrogozhinë, Veliaj tha se Partia Demokratike dhe Lëvizja Socialiste për Integrim e kanë të qartë humbjen në 25 prill. Sipas Veliajt, këtë e vërteton lehtë fakti se as PD dhe as LSI nuk thonë gjysmë fjale për procesin e rindërtimit, madje për ta rindërtimi nuk ekziston.

“Të bësh program ekonomik për të ardhur në qeveri dhe të mos thuash një fjalë për tërmetin, do të thotë se nuk ke ndërmend të fitosh, se po të besoje që do të fitoje, do t’i thojë dy fjalë për hallin më aktual që kemi. Fakti se tërmetin nuk e kanë fare në program, do të thotë: e para, se e dinë që s’do vijnë në qeveri, dhe e dyta, e dinë që më mirë s’e ne nuk e bën askush tjetër rindërtimin”, u shpreh Veliaj.

Po ashtu më tej ai shtoi se edhe Monika Kryemadhi, nëse do ta kishte seriozisht zotimin për bebet, do t’ua kishte dhënë 50 mijë lekëshin në vitet 2011-2015, kur drejtonte Bashkinë e Tiranës së bashku me Lulzim Bashën.

“Flasin për bebet... katër vjet në Bashkinë e Tiranës, si Mona, si Luli, nuk e dhanë çekun prej 50 mijë lekësh për bebet. Ende ka njerëz në gjykatë, që thonë: “Pse s’mi dhatë ato lekë?!” Këta e kishin shansin të falnin vilat, të jepnin lekët e bebeve, të bënin shtëpitë e tërmetit dhe të flisnin për tërmetin. Fakti që asnjë nga këto punë nuk i kanë në radar, do të thotë se as ata vetë s’e besojnë që do kenë shansin të qeverisin e t’i mbarojnë këto punë”, u shpreh drejtuesi politik i PS për Qarkun e Tiranës.

K.T./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Aldo: 31/01/2021 20:17

    Ke shkuar ne rrogozhine tani se tiranen e bere lule fare,,,te hengert mortja kur s'te ha o cuni i ku*ves..

    Përgjigju
  • Cim tironci: 31/01/2021 01:45

    Po mjaft mashtrove o erion

    Përgjigju
  • Sondazhi i ditës:

    Mendoni se komisionet hetimore për Shëndetësinë e TIMS do kenë rezultat?



×

Lajmi i fundit

Berisha me zë Gazi!

Berisha me zë Gazi!