POP 5

Lajmet më të lexuara të 5 minutave të fundit

Kronikë

3 muaj nga njëri mik tek tjetri, familja nga Thumana kërkon kontejner: Të kalojmë ditët e ftohta

Kryefamiljari Nerim Koleci thotë se ka aplikuar për bonus qiraje por nuk e ka marrë atë, në këto kushte ai kërkon një kontejner për të kaluar ditët e ftohta të dimrit.

Thumana, një ndër zonat më të prekura nga tërmeti i 26 nëntorit ku edhe pas 3 muajve për shumë banorë drama që la pas tërmeti nuk ka mbaruar, ka ende nga ata që presin një zgjidhje për strehim.

Në këtë situatë është dhe familja Koleci, shtëpia e të cilëve ka pësuar dëme të mëdha dhe është shpallur e pabanueshme. Kryefamljari Nerim Koleci tregon që pas 26 nëntorit ka jetuar tek të afërmit bashkë me bashkëshorten e tij dhe vajzën e vogël vetëm 3 vjeç.

"Unë kam vajzën tre vjeç, edhe nusen dhe vetë. Aktualisht po jetoj një ditë te një mik, një ditë te një tjetër, kam ngelur në qiell të hapur", tha Nerim Koleci.

Nerim Koleci thotë se ka aplikuar për bonus qiraje por nuk e ka marrë atë, në këto kushte ai kërkon një kontejner për të kaluar ditët e ftohta të dimrit.

"Kam aplikuar për bonus qiraje, por nuk po e dimë. Del sot nuk del tre muaj. Nuk kam marrë asnjë ndihmë, vetëm nga një kishë këtu në Thumanë. I bëj thirrje ndonjë privati që të më sjellë një kontejner se nuk e di çfarë të bëj", tha Nerim Koleci.

Në situatë të ngjashme janë disa familje në Thumanë, të cilët vijojnë të qëndrojnë ende në çadra.

G.M./r.k./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Sondazhi i ditës: 25 Janar, 13:37

    A duhet të votojnë emigrantët që kanë vetëm dokumente identifikimi të huaja?

Lajme të tjera



×

Lajmi i fundit

Homazhet për Kryepiskopin Anastas, në Tiranë pritet delegacion i lartë nga Vatikani, Kishat botërore dhe politikanë të lartë

Homazhet për Kryepiskopin Anastas, në Tiranë pritet delegacion i lartë nga Vatikani, Kishat botërore dhe politikanë të lartë

26 Janar, 22:57