POP 5

Lajmet më të lexuara të 5 minutave të fundit

Ekonomi

30% e familjeve në vend kanë borxhe për të shlyer, 22% kanë marrë kredi për kostot e jetesës! Qytetarët kërkojnë më shumë hua te të afërmit se në banka

30% e familjeve në vend gjatë vitit të kaluar kishin një borxh për të shlyer. Shumica prej tyre e kishte marrë tek të afërmit dhe jo në banka. Sipas një raporti të Bankës së Shqipërisë thuhet se nëpër banka më shumë janë marrë kredi konsumatore, me qëllim përballimin e kostove të jetesës dhe vetëm 21% e rasteve për të blerë shtëpi.

TIRANË- Vështirësitë financiare të shkaktuara nga pandemia COVID-19, kanë bërë që familjet ti drejtohen marrjes së borxhit. Banka e Shqipërisë raporton se 30% e familjeve shqiptare në vitin 2021, kishin një borxh për të shlyer të marrë kryesisht tek të afërmit e tyre. Sa i takon kredive shumica prej tyre janë marrë për konsum, ndërsa një pjesë e vogël shkojnë për blerje banese apo pasuri të tjera të patundshme.

Për të shmangur problemet në shlyerjen e kësteve apo procedurat që duhen ndjekur për të marrë kredi raporti tregon se 55% e familjeve që kanë një borxh e kanë marrë atë tek të afërmit e tyre, ndërsa vetëm 45% i janë drejtuar sistemit financiar. Sa i takon borxhit të marrë nëpër banka dhe jo-banka 25% të rasteve janë kredi hipotekare, ndërsa 75% e huamarrjeve përfaqësojnë kredi konsumatore, overdraft dhe kartë krediti.

Sa i takon kredisë konsumatore, 31% e saj përdoret për mobilim të shtëpisë dhe blerjen e pajisjeve elektroshtëpiake, 22% e saj përdoret për të mbuluar kostot e jetesës dhe 18% e familjeve i janë drejtuar kredisë konsumatore për të mbuluar shpenzimet e papritura të mëdha siç janë problemet shëndetësore.

Ngarkesa më e lartë me borxh sipas bankës qendrore është tek të papunët, të cilët kanë edhe peshën më të madhe të kredisë konsumatore të tërhequr.

Ndërkohë sipas anketës qytetarët kredinë hipotekore 31% e familjeve të pyetura e kanë marrë për të mobiluar banesën, 21% e kanë marrë për të blerë shtëpi, dhe pjesa tjetër prej mbi 20% e familjeve e kanë marrë për të financuar një biznes familjar dhe për qëllime edukimi.

Ky vrojtim iu drejtua gjithsej 2,496 familjeve, nga të cilat 2,261 e plotësuan pyetësorin, ndërsa pjesa tjetër më pak se 10%, refuzuan të merrnin pjesë në vrojtim.

SI.E./B.K./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Drini: 25/04/2022 17:51

    Mos ja beni Rames keto shkrime negative. e Rames po lulezon. 4 vjet nje stadium ne Kukes e ka bere edhe tre inceneratore qe thuShqiperia het se punojne jane paguar parate. Do e bejme Shqiperine e paster apo jo ?

    Përgjigju
  • Sondazhi i ditës:
    27 Nëntor, 11:43

    Si e vlerësoni vendimin e GJKKO që liroi Berishën nga arresti shtëpiak?

Lajme të tjera



×

Lajmi i fundit

Si zgjidhen problemet me pronat, korrupsioni dhe digjitalizimi i Kadastrës, gjetjet dhe rekomandimet e ekspertëve në Komisionin Antikorrupsion

Si zgjidhen problemet me pronat, korrupsioni dhe digjitalizimi i Kadastrës, gjetjet dhe rekomandimet e ekspertëve në Komisionin Antikorrupsion

27 Nëntor, 21:56