Ministrja e Bujqësisë, Frida Krifca thotë se 740 fermerë kanë aplikuar nga veriu në jug për të marrë mbështetje financiare nga qeveria me 30.000 lekë për çdo hektarë grurë të mbjellë. Krifca tha se qasja ndaj thirrjes së skemës mbështetëse të grurit ishte fantastike pasi fermerët aplikuan për një sipërfaqe prodhimi prej 6,550 hektarë. Krifca thotë se do të vijojë mbështetja ndërsa falenderon feremerët për durimin që kanë treguar gjatë kësaj kohe.
“Qasja juaj ndaj thirrjes së skemës mbështetëse të grurit, në 24 orët e para, ka qenë fantastike, duke kaluar parashikimet tona! 740 fermerë kanë aplikuar nga veriu në jug, për një sipërfaqe prodhimi prej 6,550 hektarë, me një angazhim të buxhetit të vënë në dispozicion që në ditën e parë të thirrjes, prej 20%. Fieri, Korça, Shkodra, Vlora janë qarqet me aplikimet më të larta deri tani.
Ndërsa vijojmë shpërndarjen e skemës kombëtare edhe për masat e tjera, ju falenderojmë për durimin ndërsa alokojmë fondet dhe që jeni të vëmendshëm ndaj politikave tona. Faleminderit që e dëgjoni thirrjen tonë të re, mbështesni idetë tona dhe na jepni besim ashtu sikurse kanë bërë 35,000 fermerë që kanë marrë financim deri tani nga skema kombëtare e mbështetjes në tetë muajt e parë”, shkruan Krifca.
Për këtë ka reaguar edhe deputeti socialist, Erion Braçe, i cili ka ngritur zërin shpesh herë për subvencionimin e fermerëve. Teksa i bën thirrje bujqve që të mos hezitojnë të aplikojnë për mbështetjen e prodhimit të grurit, thotë se ka mbetur një kufizim që është fatura fiskale për farën, për të cilën thotë se ministrja e Bujqësisë do të tërhiqet.
"Ka mbetur edhe një kufizim. Është fatura fiskale për farën. Do të duhet edhe pak që ministrja të kuptojë e të pranojë që bujqit e prodhojnë vetë farën e grurit. Shumica e tyre e prodhojnë vetë farën e grurit dhe nuk kanë faturë fiskale për këtë. Do tërhiqet dhe nga ajo. Këtu do të jemi”, tha Braçe.
Qeveria ka vendosur që prej datës 1 shtator të gjithë fermerët që kultivojnë grurë do të kenë mundësinë që të aplikojnë online pranë AZHBR-së për të përfituar rimbursimin prej 30 mijë lekësh për çdo hektar grurë që ka mbjellë.
Aplikimet për këtë skemë do të qëndrojnë të hapura deri në 23 shtator dhe të gjithë fermerët që do të aplikojnë duhet të jenë aktiv me NIPT, të kenë dokumentin që vërteton se kanë tokën në pronësi, në përdorim ose me qira, si dhe duhet të kenë të ruajtura faturat e fiskaliziuara të farës së blerë dhe plehrave kimike.
Përfitues do të jenë ata fermerë që do të mbjellin e kultivojnë grurë pas hyrjes në fuqi të këtij vendimi, ndërsa pagesa do të bëhet pas verifikimit në terren të sipërfaqes së mbjellë. Të parët që do të marrin mbështetjen financiare do të jenë ata fermerë që kanë më shumë sipërfaqe të mbjellë, e deri të sipërfaqja më e vogël. Nëse ka fermer me të njëjtën sipërfaqe të mbjell, subvencionin e merr fillimisht ai që ka aplikuar i pari.
Në total për këtë skemë janë vënë në dispozicion nga buxheti i shtetit 500 milionë lekë, dhe një mbështetje e tillë ka si synim rritjen e sipërfaqes së mbjellë me grurë, për shkak të shtrenjtimit të këtij produkti në tregjet e huaja.
Deputeti socialist Erion Braçe ka reaguar pas aplikimit të fermerëve për subvencionin 30 mijë lekë për çdo hektar grurë të mbjellë. Sipas Braçes, ministrja e Bujqësisë u tërhoq nga kufizimet dhe nga çdo gjë që e shkatërronte këtë proces.
Teksa i bën thirrje bujqve që të mos hezitojnë të aplikojnë për mbështetjen e prodhimit të grurit, thotë se ka mbetur një kufizim që është fatura fiskale për farën, për të cilën thotë se ministrja e Bujqësisë do të tërhiqet.
“Bujq, janë ditët tuaja. Është dita e dytë e aplikimit për mbështetjen e prodhimit të grurit. Unë mendoj që ju duhen ato para. As mos i mendoni më kufizimet. Ministrja e Bujqësisë u tërhoq nga të gjitha kufizimet që kishte shkruar e zeza mbi të bardhë në udhëzimin që ju pengonte dhe natyrisht ju humbte besimin për të aplikuar për paratë e grurit. U tërhoq nga kontrata e qirasë apo çdo dokument tjetër ligjor të noterizuar, u tërhoq edhe nga prezenca e palëve në njësinë administrative për të certifikuar marrëdhënien e tyre të huamarrjes së tokës.
Duhet thjesht një dokument identifikimi i qiradhënësit. Mund ta merrni me email, me whatsapp. Është shumë e rëndësishme të shkoni e të aplikoni tani. Rruga është e hapur pasi ministrja e Bujqësisë u tërhoq nga çdo gjë që e shkatërronte këtë proces. Ka mbetur edhe një kufizim. Është fatura fiskale për farën. Do të duhet edhe pak që ministrja të kuptojë e të pranojë që bujqit e prodhojnë vetë farën e grurit. Shumica e tyre e prodhojnë vetë farën e grurit dhe nuk kanë faturë fiskale për këtë. Do tërhiqet dhe nga ajo. Këtu do të jemi”, tha Braçe.
Lajme të tjera
-
‘Veri Jug’ në Gjergjan të Elbasanit, familja Sharra mban ekonominë vetëm me 2 lopë, pa asnjë mbështetje nga shteti
17 Nëntor, 15:30
-
Skema e TVSH-së në bujqësi shkakton debate në Komisionin Ekonomisë/ Braçe-Denaj: Ka 6 vjet që bëni studime! Ministrja: Gati ta rishikojmë tatimin
13 Nëntor, 16:33
-
Buxheti do rishikohet për herë tretë në dhjetor, Ministria e Bujqësisë kërkon 2 mld lekë për të likuiduar fermerët që kanë aplikuar për Skemën Kombëtare
13 Nëntor, 16:04
-
SPECIALE/ Sezoni sfidues i vjeljes së ullinjve! Mungesa e punëtorëve dhe tregu informal vendas, zhgënjimi i përvitshëm i fermerëve
26 Tetor, 16:15 -
Fermerët e Maliqit dyfishojnë çmimin e fasules: Këtë vit nuk morëm prodhim për shkak të motit të nxehtë! Shitet me shumicë 600 lek për kg
18 Tetor, 15:01
-
Fermerët e Kukësit kërkojnë traktorë e autokombanja! Zv/ministri i Bujqësisë: Qeveria financon 50 % të vlerës, por ka disa kritere
16 Tetor, 15:28
-
Reportazh/ Report TV me fermerët e grurit në ‘hambarin e Myqezesë’: Shteti na ka braktisur, punojmë për mbijetesë
12 Tetor, 17:21 -
Hapen aplikimet, fermerët 5 javë për të bërë gati dosjet! Grante deri në 50% nga shteti
30 Shtator, 15:39
-
E trishtë në Fier! Misri derdhet në rrugë se nuk ka treg, fermerja: Tallen me ne maskarenjtë!
8 Shtator, 13:06
-
Angli/ Bosët shqiptarë në krizë për punëtorë në ‘shtëpi bari’! Metoda e re me përqindje për t’i joshur reklamohet në TikTok
7 Shtator, 19:19 -
Bukmira e Mirditës prodhon 20 mijë kuintal rrush! Një pjesë e prodhimit mbetet pa shitur, shkak importi! Prenga: Blini 'Made in Albania'
7 Shtator, 16:59
-
'Bujqësia'/ Prenga: Të mbrohen produktet vendase, jo teste me lodra kineze! Rrapaj: Të subvencionohen fermerët! Muçaj: S’jemi në konkurrencë të ndershme
5 Shtator, 20:25
