Ish-deputeti demokrat Oerd Bylykbashi me anë të një deklarate për shtyp ka hedhur akuza ndaj KQZ, duke thënë se ata kanë manipuluar shifrat e votimit në zgjedhjet lokale të 30 qershorit.
Bylykbashi gjithashtu ka shpërndarë edhe një video ku shihet një komisioner i cili voton dhe më pas fut sipas rregullit votën e tij në kutitë e votimit. Ndër të tjera Bylykbashi ka deklaruar se në zgjedhje kanë dalë vetëm 15% të votuesve ndërsa sipas pretendimeve të tij dhe të Partisë Demokratike, kutitë e votimit janë mbushur me urdhër të kryeministrit Rama. Megjithatë në bazë të ligjit çdo komisioneri i lejohet që të votojë një herë të vetme dhe videoja e shpërndarë nga Bylykbashi nuk vërteton ndonjë shkelje të bërë nga komisioneri që del në video.
Nga ana tjetër anëtari i KQZ, Beldar Skënderi ka thënë se do të padisë Bylykbashin për shpifje dhe mashtrim në lidhje me ato që ka deklaruar dhe videon e publikuar. Sipas Skënderit në video komisioneri voton vetëm një herë dhe kjo është një e drejtë legjitime që i jepet sipas ligjit në Kodin Zgjedhor.
Fjala e Bylykbashit:
“Më 30 qershor Edi Ramën e braktisën 85 përqind e votuesve shqiptarë. Vetëm 15 përqind e votuesve votuan për të, përfshirë administratën, dhjetëra mijëra punonjës të administratës të trysnuar, të dhunuar psikologjikisht dhe të kërcënuar me vendin e punës u detyruan të shkojnë të votojnë përndryshe ditën e hënë, me datë 1 korrik humbisnin vendin e punës.
Komisioni Qendror i Zgjedhjeve më datë 30 qershor deklaroi vazhdimisht shifra të manipuluara të pjesëmarrësve në votim, në orën 11:00 të asaj dite e dha pjesëmarrjen si 12 përqind, ndërkohë vetë shifrat e Komisionit Qendror të Zgjedhjeve tregonin vetëm 6 përqind.
Në mbrëmje dha shifrën për orën 19:00 duke manipuluar përsëri, deklaroi 24 përqind kur shifrat e Komisionit Qendror të Zgjedhjeve jepnin vetëm 21 përqind.
Kjo maskaradë e urdhëruar nga Edi Rama, e ekzekutuar në mënyrë piramidale nga Komisioni Qendror i Zgjedhjeve, nga katër militantët e PS në Komisionin Qendror të Zgjedhjeve të cilët duhet të mbajnë përgjegjësi penale për këto krime zgjedhore që ata kanë kryer dhe ekzekutuar, duke filluar nga KQZ dhe urdhri që ka dhënë KZAZ-ve dhe Komisionit të Qendrave të Votimit është një mekanizëm i tërë piramidal vetëm e vetëm për të ekzekutuar porosinë e Edi Ramës, që pjesëmarrja ën votime të ishte sa më e lartë e mundshme.
Megjithatë kjo ishte e pamjaftueshme për Edi Ramën, sepse numri i votave në kuti nuk do t’i korrespondonte pjesëmarrjes në votim dhe kjo është shumë e qartë. Vetëm 15 përqind kanë votuar dhe kjo është monitoruar një më një për 12 orë rresht nga vëzhguesit e Partisë Demokratike edhe pse opozita iu mohua aksesi në qendrat e votimit.
Sot ju paraqesim provën filmike të kësaj skeme kriminale të manipulimit të rezultatit zgjedhor. Mekanizmi është shumë i pastër: është mbushja e kutive të votimit me vota nga komisionerët. Do t’ju transmetojmë një video, nga një qendër votimi në Kavajë. Siç do ta shihni kjo është qendra e votimit që nuk ka asnjë garanci, është qendër e hapur.
Mund ta shihni ka edhe badge-n e anëtarit të Komisionit, plotësojnë fletën e votimit komisionerët dhe mbushin kutitë më pas ulet tek tryeza e komisionit.
Ky komisioner dhe të gjithë këta komisionerë do të mbajnë përgjegjësi penale për veprën penale të mbushjes së kutive.
Identifikojnë zgjedhësit pasi marrin informacionin telefonikisht; marrin të dhënat dhe kartën e identitetit të zgjedhësve që nuk vijnë dot të votojnë, përfshi edhe emigrantë, dhe këtë gjë e bëjnë në mënyrë individuale, në mënyrë që të kontrollojnë fluksin e votimit, por siç e shihni, aty nuk ka asnjë votues të paraqitur.
Komisioneri tjetër plotëson fletën e votimit, e mbush aty ku duhet. Janë të gjithë anëtarë të PS, aty gjendet edhe komisioneri që në mënyrë falco vendosur nga shoqëria civile. Merret fleta e votimti, mbushet kutia dhe siç tregohet nga videoja jemi herët në procesin e votimit pasi shihni se sa pak ka fletë votimi në kuti dhe më pas pasi kryen detyrën komisioneri me badge-n e KQZ pasi kryen veprën penale “krimi zgjedhor” ulet në komision.
Kjo është skema me të cilën Edi Rama ka mbushur kutitë. Sot Edi Rama ka urdhëruar dhe ia ka ekzekutuar KQZ që në kutitë të ketë vota, sa i duhen Edi Ramës.
Por më 30 qershor ka patur vetëm 15 përqind votues, ndërsa 85 përqind e zgjedhësve e refuzuan 30 qershorin e Edi Ramës.
Kjo skemë kriminale është shtrirë në të gjithë Shqipërinë. Provat janë mbledhur, po dokumentohen përditë e më tepër dhe kallëzimet penale do të bëhen për të gjithë këta persona që janë përgjegjës duke filluar nga KQZ dhe në të gjithë administratën.
Sigurisht që është detyrim i Prokurorisë që të fillojë ndjekjen penale por siç e dimë deri më sot nuk ka asnjë veprim dhe siç e dimë mbi dosjen “339” dhe “184” nuk ka bërë asnjë veprim.
Me këtë skemë krimesh zgjedhore këto zgjedhje nuk kanë asnjë vlerë, janë vetëm votime moniste, ODIHR e ka thënë qartë se zgjedhësit atë ditë nuk patën mundësi për të zgjedhur dhe për rrjedhojë ato nuk janë zgjedhje.”, tha Bylykbashi.
Komente
Lajme të tjera
-
Zgjedhjet parlamentare 2025, ambasadori i OSBE takim me Grupin Ndërkombëtar të Punës! Në fokus vota e diasporës
18 Dhjetor, 15:42 -
Berisha: Komision Hetimor për Portin e Durrësit dhe interpelancë! Falje e gjobave dhe kamatë-vonesave për energjinë! Akuza dhe Dumanit
18 Dhjetor, 13:40 -
Berisha: Drejtësia nën ndikim politik, kush flet kundër Ramës shkon në burg si Salianji e Meta! Paraburgimet janë plotë
18 Dhjetor, 12:30 -
'Të gjithë le ta marrin një diplomë', Berisha kërkon t'i kthejë Universitetet 'han pa porta'
18 Dhjetor, 11:06 -
PD: Të zgjerohet falja e gjobave, paratë mbrapsht kujt pagoi! Fshini detyrimet për ujë e drita dhe gjobat e policisë
18 Dhjetor, 10:51 -
Dorian Teliti sulmon kryebashkiakun e PD, Fisnik Qosja: Kavaja, një qytet i vdekur
18 Dhjetor, 10:02 -
SHBA edhe një herë 'Jo' Berishës/ Valteri: I vdekur, i pakallur! Tafani: Mesazhi i qartë, 'Mos shkoni tek PD-ja'! Kulluri: Amerikanët kanë problem këtu korrupsionin dhe krimin
17 Dhjetor, 21:41 -
'Nuk ka më protesta klasike', Korreshi në Frontline: Berisha po vijon betejën për non-gratën! Nuk ka marrëveshje me PS-në
17 Dhjetor, 20:12 -
Ironia e Spahiut: Trump do i heq dekoratën Dumanit dhe Dvoranit, për t’ja dhënë të dyja Berishës
17 Dhjetor, 19:43 -
SHBA mesazh të prerë për Berishën/ Basha në 'Studio Live' tregon 2 grupet që i shkojnë pas kryetarit PD! Përpiqet të mashtrojë militantët, ndërkohë ka aleancë me Ramën
17 Dhjetor, 18:37 -
Ben Andoni: Politika nuk i njeh më shqiptarët
17 Dhjetor, 17:42
-
'Non-grata e Berishës e pakthyeshme', Ngjela: Shpresa te Trump, e kotë! Kërkon të mbaj përkrahësit e tij! Kur erdhi në '92 shkatërroi vendin me urdhër të Beogradit
17 Dhjetor, 17:31
Sa babale beni ju ne dite ehuha.Ju ate Pune keni sdini gje tjeter. Alternative per te bindur shqipetaret ju kan mbruar.Duke par cfar keni ber ju derisa dolet ne Opozit ,ku ta besoj une qe keto filme i beni ju dhe thoni ja cbejn keta.Cfar do qe ti servirni ju shqipetaret ju kan braktisur keq fare.Ju duhen ca vite ta mirni veten.Deshet ,sdeshet ju zgjidhjet u ben. I pan shqipetaret dhe bota.Ishin nder me te mirat e viteve te fundit, vetem se i ndotet pak ti me partin tende.Arritet deri aty sa slat votues pa filmuar.Por se ca b** kush per ju.jeni te mbaruar.
PërgjigjuIk more Bylyk se dhe dorezimi mandateve u be me urdher te Rames
PërgjigjuNJe komisioner qe po voton ca ka ktu per tu skandalizuar futja kot
PërgjigjuCa ka ketu, ky ka votu per vehten e tij dhe eshte perseritur disa here per te mashtruar opinionin
PërgjigjuJemi lodhur Duke pare se si politika shqiptare mundohet te cvirgjeroje kurverine e ndergjegjes politike. Mjaft me keto bllofe
PërgjigjuO bylykbash po ngelët vetëm tu lef dit e nat . Ham Ham Ham po rini mor bur urt se ju ka dal boja keq o dreq. Po thirini trurit sa do që tru s'keni o bylykbash bimbash. A të roni vet se meja ju ka vdek me koh o bylykbash QURRASH.
Përgjigju