POP 5

Lajmet më të lexuara të 5 minutave të fundit

Kronikë

30 vite pa investime, periferia e Laçit e shkatërruar, banorët: Nuk dimë ku të ankohemi

Banorët e periferisë së Laçit prej 30 vitesh vuajnë mungesën e infrastrukturës. Ata kërkojnë rehabilitimin e rrugëve nga Bashkia, që sipas tyre, i ka lënë jashtë vëmendjes që prej viteve 90.

Pluhur, rrugë të paasfaltuara, me gropa si dhe mbeturina të hedhura vend e pavend. Kjo është pamja me të cilën përballesh në periferinë e qytetit të Laçit. Banorët ngrenë shqetësimin se mungesa e infrastrukturës rrugore është një problem që e vuajnë prej 30 vitesh. Lëvizja për ta është mjaft e vështirë, pasi në verë mbizotëron pluhuri ndërsa në dimër balta.

“Këtu është ky problem ka 30 vite. S’ka vënë dorë askush, vetëm banorët çfarë kanë mundur të bëjnë banorët vetë për rrugën se për shtetin harroje. Është shumë e vështirë për fëmijët, në gjithë këtë baltë por është vështirë edhe për banorët. Kjo është rrugë kryesore për banorët. Sa herë që bëhen votime bëhen premtime, pastaj nuk vjen më për të pyetur kush për ne”, tha një banor.

“Rruga është katastrofë. Bashkia nuk do t’ia dijë për këtë punë, por rruga është shumë e vështirë”, u shpreh një tjetër.

Banoret thonë se janë detyruar të ndërhyjnë disa here vetë për ta bërë rrugën të kalueshme.

“Ne nuk dimë më ku të ankohemi. Këtu pushteti qendror është zero. Është shumë e vështirë për ne.  Të kisha mundësi largohem nga këtu do largohesha po jam vetëm me 50 mijë lekë përkrahje. Kanë premtuar sa të duash po rruga këtu ka mbet copa-copa”, tha një banor.

Lagjet periferike të qytetit të Laçit, prej vitesh janë lënë jashtë vëmendjes së Bashkisë Kurbin pasi investimet janë përqendruar vetëm në qendër të qytetit.

D.GJ/LR/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Ben: 03/09/2022 19:20

    Ankohuni ne Fushe Kuqe.

    Përgjigju
  • Sondazhi i ditës:
    20 Nëntor, 13:18

    Vrasja e 14 vjeçarit, çfarë duhet të bëjë Shqipëria me TikTok e Snap Chat?

Lajme të tjera



×

Lajmi i fundit

Kreshnik Spahiu: Pse Strasburgu po e zhgënjen shumë keq Partinë Demokratike?

Kreshnik Spahiu: Pse Strasburgu po e zhgënjen shumë keq Partinë Demokratike?

23 Nëntor, 23:55 nga Kreshnik Spahiu