POP 5

Lajmet më të lexuara të 5 minutave të fundit

Sociale

30 vite pa ujë, fshati Bardhoc në Kukës i harruar, banorët sigurojnë ujin e pijshëm në një burim

Prej më shumë se 3 dekadash banorët e fshatit Bardhoc në Kukës vuajnë mungesën e ujit të pijshëm, pasi rrjeti ujësjellës është tërësisht i amortizuar. Banorët ankohen se nuk është bërë asnjë investim, ndërsa i bëjnë apel Bashkisë të ndërtojë sa më shpejt ujësjellësin e ri.

Ndodhet vetëm 10 km larg nga qyteti, por fshati Bardhoc në Kukës, prej më shumë se 30 vitesh vuan mungesën e ujit të pijshëm.

Me bidona të ngarkuara në kafshë shtëpiake, banorët e fshatit thonë se detyrohen të ecin mbi 500 metra në këmbë për të arritur deri tek burimi natyror për të siguruar ujin e pijshëm.

“Ujë tek shtëpia prej shumë vitesh nuk kemi, vetëm në kohën e Enverit kemi patur ujë, pastaj u prishën të gjithë senet.Çdo ditë me gomar vijmë këtu”, thonë një banore.

“Me gomar çdo ditë, dy-tre herë në ditë duhet me ardh këtu për ujë. Vijnë për zgjedhje do të bëjm këtë, do bëjmë atë i marrin vota dhe ku jemi parë thonë”, thotë një banor tjetër.

Në verë e dimër gratë e fshatit, tre-katër herë në ditë u duhet të shkojnë tek ky burim, pasi rrjeti i ujësjellësit është tërësisht i amortizuar dhe jashtë funksionit.

Mungesa e ujit, por edhe e investimeve të tjera ka bërë që shumë familje të braktisin zonën.

“Nga dy-tre herë e bëj rrugën. Unë që nuk kam mundësi e bëj një herë. Unë nuk kam fare kushte se jam e lodhur. Plakun e kam të sëmurë 80 vjeç,drita nuk kam. Nuk di çfarë të them”, thonw gratw e fshatit.

“Krejt kanë ikur prej ujit kanë ikur. Ka qenë dhe kanali vaditës këtu deri në Morin, tani s’ka më as ujë kanali as të pijshëm në këtë vend”, u shpreh kryeplaku i fshatit Rrahim Shahu.

Bashkia Kukës ka hartuar projektin për ndërtimin e ujësjellësit të ri, por zbatimi i tij ka mbetur prej vitesh në letër për banorët e Bardhocit.

SI.E./KT/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:
    20 Nëntor, 13:18

    Vrasja e 14 vjeçarit, çfarë duhet të bëjë Shqipëria me TikTok e Snap Chat?

Lajme të tjera



×

Lajmi i fundit

Këshilltari i Trump për sigurinë kombëtare: Ai është i shqetësuar nga përshkallëzimi i konfliktit mes Rusisë dhe Ukrainës

Këshilltari i Trump për sigurinë kombëtare: Ai është i shqetësuar nga përshkallëzimi i konfliktit mes Rusisë dhe Ukrainës

24 Nëntor, 22:57