POP 5

Lajmet më të lexuara të 5 minutave të fundit

Kronikë

300 kg kanabis në Mal të Zi, kamioni mund të jetë ngarkuar me drogë mes Tiranës dhe Durrësit! Babë e bir i ndërruan targat

Kamioni që u kap në Mal të Zi me 300 kg kanabis sativa, që u mbush në vendin tonë, nuk ishte i njëjti që u skanua në Portin e Durrësit. Hetuesit kanë zbuluar se pas kontrollit, targat e tij iu vendosën një tjetër kamioni që ishte ngarkuar me drogë. Dyshimet janë se ngarkesa është bërë në Tiranë ose Durrës, dhe po punohet me pamjet e kamerave për ta saktësuar

Kamioni që u kap me rreth 300 kg kanabis sativa në Malin e Zi, lëndë narkotike që është mbushur në vendin tonë, rezulton se nuk ka qenë i njëjti që ka kaluar në skanerin e Portit të Durrësit. Report Tv mëson se babë e bir, Ilirjan e Kristi Orhan, të arrestuar nga policia malazeze, dërguan në port një tjetër kamion të pastër, pa kanabis, i cili rezultoi si i tillë, duke i dhënë dritën jeshile për të dalë në pikën kufitare të Hanit të Hotit.

Pasi kaluan me sukses në port, babë e bir i kanë hequr targat kamionit në periferi të Tiranës, kjo e provuar përmes kamerave të sigurisë, dhe ia kanë vendosur një tjetri ku ishte paketuar lënda narkotike në më shumë se 180 pako, në dukje identik me atë që rezultoi i pastër. Më pas kanë nisur udhëtimin drejt pikës së Hanit të Hotit dhe kanë mundur të kalojnë pa probleme. Hetuesit kanë dyshime të forta se lënda narkotike është ngarkuar rreth e qark Tiranës dhe Durrësit.

Deri në këtë fazë të hetimeve, janë verifikuar me dhjetëra kamera sigurie, por akoma nuk është konstatuar vendi ku është ngarkuar saktësisht. Hetuesit, paralelisht me gjetjen e vendit të ngarkesës, po punojnë në gjurmimin edhe të kamionit që rezultoi i pastër, pasi zbulimi i njërës do të ndihmonte në zbardhjen e tjetrës. Të njëjtat burime bëjnë me dije se firma e transportit dhe tregtimit të frutave të thata që do të dërgonte ngarkesën në drejtim të Austrisë, rezulton fiktive, e paregjistruar dhe me dokumente të falsifikuara.

Në fokus të hetimeve janë edhe persona të tjerë të dyshuar si bashkëpunëtorë të babë e bir, të cilët po mbahen në vëzhgim nga policia. Autoritetet malazeze pritet të sjellin në vijim informacione më të detajuar mbi dëshmitë e të arrestuarve, Ilirjan e Kristi Orhan. Një ditë pasi policia malazeze konstatoi drogën, Policia e Shkodrës shoqëroi pronarin e kamionit, i cili pas dëshmisë u la i lirë, pasi sipas tij e kishte dhënë mjetin me qira te babë e bir dhe nuk kishte asnjë ide se për çfarë ishte përdorur.

Një ngarkesë prej rreth 300 kilogramë kanabis sativa u sekuestrua teksa po trafikohej nga Shqipëria në Mal të Zi në pikën kufitare Bozhaj.

Aksioni u krye gjatë natës (17 shtator) në doganë, ku u bllokua një kamion tip “Renault”, i drejtuar nga  Kristi Orhani që shoqërohej nga babai i tij, Ilirjan Orhani, banues në Durrës. Gjatë kontrollit në kamionin e ngarkuar me dërrasa dhe me paleta, që kishin destinacion Austrinë, u gjet një sasi rreth 300 kg lëndë narkotike cannabis sativa.

M.Q./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Gazepi: 20/09/2023 12:51

    Droga kalon me dijeni te doganave dhe policise. Rama ose eshte pjese ose te merret me keto institucione se jane ne tave. Sidomos dogana.

    Përgjigju
    • Polic #: 20/09/2023 20:18

      Po pse policia kufitare çfarë bën?! Ata nuk të falin kur vjen puna për të ndarë pjesën.

  • Sondazhi i ditës:
    20 Nëntor, 13:18

    Vrasja e 14 vjeçarit, çfarë duhet të bëjë Shqipëria me TikTok e Snap Chat?

Lajme të tjera



×

Lajmi i fundit

Kreshnik Spahiu: Pse Strasburgu po e zhgënjen shumë keq Partinë Demokratike?

Kreshnik Spahiu: Pse Strasburgu po e zhgënjen shumë keq Partinë Demokratike?

23 Nëntor, 23:55 nga Kreshnik Spahiu