Drafti për minoritet është një gabim dhe qeveria duhet të reflektojë ka thënë në Report TV, Shpëtim Idrizi, kreu i PDIU. Ai e konsideron këtë nismë një hap drejt që bën realitet agjendën greke për Vorio Epirin dhe që rrezikon Himarën e Konispolin. Idrizi paralajmëron edhe një valë protestash kundër propozimin ligjor.
Shqiptarët në protesta kundër njëri-tjetrit. Ky është skenari që paralajmëron kreu i PDIU, Shtëpim Idrizi nëse qeveria nuk reflekton për projektvendimit për minoritetet.
“Nuk më duket e arsyeshme që çështjet kombëtare të zgjidhen me protesta të shqiptarëve karshi shqiptarëve dhe qeverisë shqiptare. Do ishte shumë e rëndë nëse ne do të detyroheshim të dilnim në protesta. Sigurisht nëse qeveria na jep të kuptojmë që është me koshiencë, pasi unë shpresoj që është injorancë dhe nuk e kanë mendjen, por nëse nuk është kështu, nëse është me vullnet dhe ‘idiotët e dobishëm’ të Athinës marrin vendime edhe për shqiptarët, padyshim që protestat do të ndodhin”, shprehet Idrizi.
![](https://shqiptarja.com/template/img/NO_ALFA_Kuadrate shqiptarja.png)
Drafi me nismë të Ministrisë së Brendshme për t’i hapur rrugë aplikimit me mbi 300 firma për regjistrimin e një minoriteti në vendin tonë sipas Idrizit është gabimi i radhës që po bën të mundur, atë që Idrizi e konsideron axhendë greke për Vorio Epirin.
“Axhenda greke për Vorio-Epirin, që edhe Himara edhe Konispoli të kthehen në zona minoritare, dygjuhëshe, me tabela, me shkollë, që nesër I gjithë jugu të kthehet në një zonë me tabela greke, kërkesë e kahershme, me këto akte po shkon drejt të bërit fakt. Veprimet janë në vazhdë, nën një strategji dhe nën presionin e Greqisë, nën injorancën apo pavëmendjen e zyrtarëve të qeverisë shqiptare do të na çojnë në këtë që nuk është skenar, sepse hapat janë hedhur”, thotë Idrizi për Report Tv.
Për kreun e PDIU, projektligji është një rrugë për të shkuar drejt Censusit në 2021, që do të ketë për shtetin shqiptar edhe kosto financiare.
“Do të tentojnë me Censusin e radhës në 2020-2021 me vetëdeklarim. Do të thotë që Shqipëria do të harxhojë 16.5 mln euro për i cili është vetëm për rezidentët, kurse mjafto që Greqia të harxhojë 650 mijë euro, nëse ne do ta lejojmë këtë gjë”, thotë Idrizi.
Reagimi i ashpër i Idrizit vjen disa ditë pasi Report Tv siguroi Draftin e Propozuar nga ministri Lleshaj, sipas të cilit në çdo njësi administrative në të cilën 20 % e popullsisë është pjesë e minoriteteve të njohura zyrtarisht, do të kenë të drejtën e përdorimit të gjuhës së tyre në komunikimet me pushtetit vendor.
Komente
![](https://shqiptarja.com/template/img/antipiracynote.jpg)
![](https://www.shqiptarja.com/template/img/sh_logo1.png)
Majko as Mish as Peshk..,s'ka Minoritete etnike ne Shqiperi..,jane thjesht Artificiale per perfitime vetijake e te paguar nga fqinjet Barbare pa histori e MregaloMedhenj
PërgjigjuDini gje po 3000 e kusur iranianet, qe i kemi ketu ne Manze a do shpallen minoritet?!?!?!?! Po Majko ministri cfare mendon per kete problem?!?!?!
Përgjigju