Pas aksidentit tragjik të ndodhur në Greqi ku 36 persona humbën jetën nga përplasja e dy trenave, ka patur reagime ngushëllimi nga politika shqiptare. Nëpërmjet një reagimi të bërë në twitter, kryeministri, Edi Rama shprehu ngushëllimet e tij për tragjedinë dhe tha se populli shqiptar ndjen dhimbjen e fqinjëve pas kësaj ngjarje të rëndë të ndodhur.
“Sa keq të dëgjosh për humbjen e jetëve dhe shumë të plagosur në aksidentin tragjik të natës së fundit në Greqi! Ndjejmë dhimbjen e fqinjëve tanë të dashur në një orë kaq të rëndë për kombin e tyre dhe i bashkohemi në lutjet e tyre dhe në ngushëllimet për familjet e viktimave”-shkruan Rama në reagimin e tij.
Po ashtu, edhe presidenti, Bajram Begaj ka reaguar për aksidentin fatal, ku u shpreh i tronditur dhe tha se në populli shqiptar është pranë popullit grek në këto momente të vështira.
“I tronditur nga tragjedia e përplasjes së trenit në Greqinë fqinje! Ngushëllime të sinqerta familjeve të viktimave, ndërsa të mbijetuarve ju uroj shërim të shpejtë. Unë dhe Shqipëria qëndrojmë përkrah me popullin grek”-shkruan Begaj.
Lajmi në përditësim...
Kryetari i Bashkisë së Tiranës Erion Veliaj ka reaguar për tragjedinë e ndodhur në Larisa të Greqisë.
Në një postim në rrjete sociale, kryebashkiaku Veliaj shpreh ngushëllimet familjarëve të viktimave dhe u uron shërim të shpejtë të personave të lënduar.
“Shumë i prekur nga lajmi për aksidentin në Greqi. Ngushëllime familjarëve të viktimave dhe shërim të shpejtë të lënduarve nga kjo tragjedi! U prehshin në paqe!”, shkruan Veliaj.
Kreu i grupit Parlamentar të PD-së, Enkelejd Alibeaj ka reaguar për aksidentin tragjik në Greqi.
“Me dhimbje mësova ngjarjen tragjike në Greqi ku nga një aksident i rëndë hekurudhor humbën jetën dhjetëra persona e shumë të tjerë u plagosën.
Unë, Partia Demokratike dhe gjithë populli shqiptar është sot në solidaritet të plotë me qeverinë dhe popullin grek.
Ngushëllime familjeve të viktimave dhe shërim sa më të shpejtë të plagosurve.”- shkroi Alibeaj.
Kryetarja e Kuvendit, Lindita Nikolla, ka shprehur ngushëllimet për humbjen e jetëve prej përplasjeve të trenave në Greqi.
“I trishtuar dhe i dhimbshëm lajmi për përplasjen e trenave në Greqi, me pasojë humbjen e jetës dhe plagosjen e dhjetra njerëzve. Në emër të Kuvendit të Shqipërisë dhe në emrin tim, u shpreh ngushëllimet familjeve të viktimave dhe të lënduarve u uroj shërim të shpejtë. Shpreh gjithashtu solidaritetin me Parlamentin e Greqisë, Kryetarin Tasoulas dhe popullin e Greqisë. Lutemi dhe u jemi pranë në këto ditë dhimbjeje!”, shkruan Kryetarja Nikolla.
Ish kryedemokrati, Lulzim Basha ka reaguar për aksidentin tragjik tëe ndodhur në Greqi ku humbën jetën 36 persona. Në reagimin e bërë Basha ka shprehur ngushëllimet për familjarët e viktimave dhe shtoi se shqiptarët e vajtojnë së bashku me fqinjët grekë humbjen tragjike të jetëve.
“Mendimet dhe lutjet e mia janë me popullin grek pas aksidentit të tmerrshëm pranë Larisës. Shqiptarët vajtojnë me fqinjët tanë humbjen tragjike të jetëve. Ngushëllimet e mia më të thella për familjet dhe miqtë e atyre që humbën jetën. I uroj shërim të shpejtë të gjithë të lënduarve”- shkruan Basha.
Presidentja e Kosovës, Vjosa Osmani, ka shprehur ngushëllime pas aksidentit tragjik që ndodhi në Greqi.
“Zemrat tona janë me njerëzit e Greqisë në vijim të aksidentit shkatërrues të trenit dhe humbjes tragjike të jetës”.
“Ne i shtrijmë ngushëllimet tona më të thella për familjet dhe të dashurit e viktimave dhe dëshirojmë një shërim të shpejtë për të dëmtuarit”, ka shkruar Osmani.
Kreu i PL-së, Ilir Meta ka shprehur ngushëllimet për viktimat në ngjarjen tragjike në Greqi.
“Me hidhërim mësova për tragjedinë në Larisa të Greqisë fqinje dhe mike!
Në këto orë dhembje dhe tronditje të thellë, unë dhe Partia e Lirisë u shprehim ngushëllimet më të ndjera familjeve të viktimave dhe lutemi për shërim të shpejtë të të mbijetuarve!
Solidaritet të plotë autoriteteve vendore dhe qendrore! Qëndrojmë përkrah me popullin grek!”- shkroi Meta.
Ministrja e Punëve të Jashtme Olta Xhaçka ka shprehur ngushëllimet për viktimat në aksidentin tragjik në Greqi.
“Të trishtuar nga aksidenti tragjik që ndodhi në Tempe në Greqi nga përplasja e dy trenave.
Mendimet dhe lutjet tona shkojnë për viktimat dhe familjet e tyrë të këtij aksidenti vdekjeprurës. Shërim sa më të shpejtë të plagosurve!”- thotë Xhaçka.
Sipas informacioneve nga Ministria e jashtme, deri më tani nuk ka asnjë informacion për shtetas shqiptarë në radhët e viktimave apo të të plagosurve, ndërkohë që përfaqësues të Konsullatës në Selanik janë në vendngjarje.
Kryeministri i Shqipërisë, Edi Rama ka reaguar për tragjedinë e ndodhur mbrëmjen e djeshme në Greqi ku pas përplasjes së dy trenave, humbën jetën 36 persona dhe u plagosën dhjetëra të tjerë. Në një postim, kryeministri ngushëlloi familjarët e viktimave ndërsa tha se kombi shqiptar e ndjen dhimbjen e vendit fqinj.
“Sa keq të dëgjosh për humbjen e jetëve dhe shumë të plagosur në aksidentin tragjik të natës së fundit në Greqi! Ndjejmë dhimbjen e fqinjëve tanë të dashur në një orë kaq të rëndë për kombin e tyre dhe i bashkohemi në lutjet e tyre dhe në ngushëllimet për familjet e viktimave”-shkruan Rama në reagimin e tij.
Deputeti i Partisë Demokratike, Tritan Shehu ka reaguar pas tragjedisë në Greqi, ku u përplasën dy trena. Nëpërmjet një postimi në Facebook, Shehu ka shprehur keqardhjen për aksidentin, ku kanë humbur jetën 32 pasagjerë dhe 85 janë plagosur.
'Keqardhje e thelle per aksidentin hekurudhor ne Greqi. Fatkeqesisht ky aksident i rende afer Larissa i ka kushtuar jeten mbi 32 pasagjereve e plagosur dhjetra te tjere. Nje pjese e madhe jane studente.
Ngushellimet me te sinqerta per jetet e humbura e sherim te shpejte per te demtuarit. Solidaritet te plote me shtetin grek ne te gjitha perpjekjet, qe po realizohen per te kontrolluar e kufizuar demtimet!'- shkruan Shehu.
Komente
Lajme të tjera
-
Alarm në Greqi, ujërat e zeza të Athinës të ‘mbingopura’ me kokainë! Dyfishohet konsumi i drogës gjatë festave, ulet niveli i COVID-it
25 Dhjetor, 17:15 -
Greqi/ U plagos me thikë pas shpine në sulmin nga 4 persona, kopshtari shqiptar u tregon oficerëve emrin e autorit! Motivi, përleshja tre muaj më parë
25 Dhjetor, 16:55 -
Presidenti Bajram Begaj uron Krishtlindjen nga Mitropolia e Beratit: Ditë e shenjtë që simbolizon paqen, të reflektojmë për vlerat e njerëzimit dhe dashurinë!
25 Dhjetor, 15:38 -
Krishtlindjet/ Politika uron besimtarët, vizita në Katedralen Katolike dhe Ortodokse! Begaj: Të rindërtojmë urat e komunikimit
25 Dhjetor, 11:40 -
'Gëzuar Krishtlindjet', kartolina e krerëve të shtetit, politikës e ndërkombëtarëve për të krishterët! Begaj: Të reflektojmë mbi vlerat më të larta të njerëzimit
25 Dhjetor, 08:09 -
Shqipëria mbetet pa ambasador në Zvicër, Mustafa Nano jep dorëheqjen
24 Dhjetor, 22:48 -
Greqi/ Plagoset me thikë pas shpine 50-vjeçari shqiptar, e sulmuan 4 persona! Autorët udhëtonin me makinë dhe motor
24 Dhjetor, 16:06 -
Kryeministri grek: Masa ndaj rrjeteve sociale, por jo bllokime të rrepta
23 Dhjetor, 16:35 -
Bie numri i shqiptarëve me leje qëndrimi në Greqi
23 Dhjetor, 16:14
-
Greqia dhe Italia, ku ka më shumë shqiptarë, kanë emigrantët më të mbikualifikuar në Europë
23 Dhjetor, 09:34 -
Pas masakrës së Magdeburgut/ Blindohet Greqia, masa të shtuara të sigurisë për 15 ditët e ardhshme
23 Dhjetor, 08:23 -
Binjakëzimi Mirditë- San Cosmo Albanese, Begaj: Iniciativë për të forcuar marrëdhëniet midis shqiptarëve
22 Dhjetor, 14:32
Po me gjithë këtë teknikë super të kompjuterizuar dhe elektronikë super moderne dhe të sofistikuar që është tani për manovrime, sinjalistikë, komanda dhe të gjitha të tjerat dhe ndodhin akoma këto tragjedira?!! Kjo është për të vënë duart në kokë...
PërgjigjuTragjedi mjaft e rende,ngushellime familjareve!
PërgjigjuNje ngjarje shume e rende , ngushellime familjareve
PërgjigjuNgjarje mjaft e rende dhe e trishturshme
Përgjigjunje tragjedi me te vertet e madhe uroj te mos kemi me tragjedi te tilla
PërgjigjuNgjarje vertete e trishte, ngushellime familjareve te viktimave
Përgjigju