Kreu i grupit parlamentar të PS, Taulant Balla, i është përgjigjur ‘dhëmb më dhëmb’ kryetarit të PD, Lulzim Basha, lidhur me akuzat për sekuestrimin e 3.4 milionë eurove në Portin e Durrësit. Balla ka paralajmëruar Lulzim Bashën se do t’i japë një përgjigje dhe një mësim ekzemplar ditën e enjte në seancë plenare.

Më tej, deputeti socialist tha se Lulzim Basha ka lidhje me personat e përfshirë në çështjen e bllokimit të sasisë rekord të eurove në Durrës, duke paralajmëruar se këtë do ja thotë në sy në seancën e të enjtes.

Balla sfidoi kreun e PD, teksa tha se nëse vërtetohet se ai ka lidhje me këtë trafik parash, jo vetëm do të lërë mandatin e deputetit, por do të dalë në gjyq m’u në sheshin Skënderbej.

Taulant Balla nuk ka asnjë lloj lidhje me ndonjërin prej këta ju garantoj me përgjegjësi penale, jo mandatin e deputetit, por jam i gatshëm të mbroj gjyqin m’u në sheshin Skënderbej, nëse do kem lidhje me këta.

Në fund të kësaj historie Basha i ka ca lidhje me personat e përfshirë në këtë çështje. I kam gjetur disa lidhje të Bashës me këtë grup kriminal. Unë do t’i ruaj për të enjten në seancë plenare disa surpriza për Bashën.

Taulant Balla, kreu i grupit parlamentar të PS

Në fund të kësaj historie Basha i ka ca lidhje me personat e përfshirë në këtë çështje. I kam gjetur disa lidhje të Bashës me këtë grup kriminal. Unë do t’i ruaj për të enjten në seancë plenare disa surpriza për Bashën. Kam qeshur në seancë plenare dhe dje me këtë budalla, që këput një budallallëk dhe mbi të krijon histori. Unë nuk do ta lë me kaq, do ja kthej në një mësim ekzemplar. Brenda kësaj jave do të depozitohet dhe kallëzimi penal. Prokuroria duhet të thërrasë të parin Lulzim Bashën, çdo deputet, edhe mua, sepse para ligjit jemi të gjithë të barabartë. Këtë radhë, Basha nuk do ja hedhë. Pse PD nuk flet më për ‘Babalen’? Tashmë është konfirmuar se e gjithë kjo histori ishte e inskenuar.