POP 5

Lajmet më të lexuara të 5 minutave të fundit

Kronikë

34 mln lekë në shtëpi,gjyqtari s'ka
pasur banesë nga 2004 në 2009

Gjyqtari Shkëlqim Miri, i arrestuar për korrupsion aktiv, ndërsa banesë policia i gjeti 34 milionë lekë të reja, rezulton se nga 2004 e deri në 2009, nuk ka pasur banesë. Të paktën kështu thuhet në deklaratën e tij të pasurisë përgjatë pesë viteve.  VIDEO
34 mln lekë në shtëpi,gjyqtari s'ka<br />pasur banesë nga 2004 në 2009<br>
Gjyqtari Shkëlqim Miri, i arrestuar për korrupsion aktiv, ndërsa në banesë gjatë kontrollit policia i gjeti 34 milionë lekë të reja, rezulton se nga 2004 e deri në 2009, nuk ka pasur shtëpi banimi. Të paktën kështu thuhet në deklaratën e tij të pasurisë përgjatë pesë viteve.

Pikërisht në vitin 2004, gjyqtari deklaron se ka shitur një apartament 50m2 në vlerën 30 mijë dollarë. Ndërsa nga ky vit e deri në 2009-ën, nuk ka deklaruar asnjë banesë në formularin e pasurisë. Lajmi u bë i ditur nga gazetari i Shqiptarja.com, Adriatik Doçi në emisionin "Repolitix" të gazetarit Denis Minga, në Report Tv. “Nga 2004 në 2009, gjyqtari Miri rezulton se nuk ka pasur banesë. Në 2004 ka deklaruar një banesë 50 m2 të cilën e ka shitur 30 mijë dollarë. Nga 2004-a në 2009-ën ka deklaruar se nuk ka asnjë banesë”, tha Doçi. 

Ndërsa në vitin 2009, gjyqtari deklaron blerjen e një apartamenti 100 m2 për 70 mijë euro. Në formularin e pasurisë thuhet se 50 mijë euro janë marrë kredi. 

“Në 2009-ën, Miri deklaron në formular se ka blerë një apartament 100 m2 me vlerë 70 mijë euro, 50 mijë euro i ka marrë kredi. Rezulton se kredia është marrë në vitin 2012. Burimi i të ardhurave është paga e tij dhe e bashkëshortes. Paga e gjyqtarit varion 8-15 mijë euro. Deklarata e fundit e pasurisë është ajo e  vitit 2016, ku ai ka deklaruar pagën e vet dhe të bashkëshortes. Nuk rezulton të ketë pasuri të tjera veç banesës 100m2”, tha gazetari. 

Gjyqtari Shkëlqim Miri nuk rezulton të jetë nga më të pasurit e sistemit të drejtësisë, apo “peshku i madh”. Megjithatë, fakti që atij iu gjetën në banesë 300 milionë lekë të vjetra, tregon edhe një fakt tjetër. Ky gjyqtar, po të mos i ishte gjetur shuma e parave, mund t’i shpëtonte Vettingut sa i takon justifikimit të pasurisë. 

Redaksia Online
l.q/Shqiptarja.com

  • Sondazhi i ditës:
    17 Dhjetor, 08:53

    Hapet një tjetër grupkapitull me BE, a po ecet shpejt drejt integrimit?

Lajme të tjera



×

Lajmi i fundit

Tiranë/ 7 objekte mësimore janë në proces ndërtimi ose rikonstruksioni

Tiranë/ 7 objekte mësimore janë në proces ndërtimi ose rikonstruksioni

18 Dhjetor, 18:28