POP 5

Lajmet më të lexuara të 5 minutave të fundit

Ekonomi

35.8 mln € dëmi në buxhet nga janari në qershor/ Tatim-taksat, doganat dhe prokurimet me goditjen më të madhe

Institucionet shtetërore vijojnë të shkaktojnë dëme të konsiderueshme në buxhet. Sipas auditimit të kryer nga KLSH në 6-mujorin e parë të vitit dëmi i shkaktuar në mbledhjen e të ardhurave, në shpenzime, si dhe në respektimin e ligjeve financiare arrijnë në 35.8 milionë euro. Tatim-taksat, doganat dhe prokurimet kanë sjellë humbjet më të madha.

TIRANË- Edhe pse nevoja për menaxhimin e financave në pandemi është kthyer në një domosdoshmëri, institucionet shtetërore vijojnë të shkaktojnë dëme të konsiderueshme në buxhet. Sipas auditimit të kryer nga Kontrolli i Lartë i Shtetit në gjashtë muaj dëmi i shkaktuar në buxhet nga keq-menaxhimi i financave publike arrin në 35.8 milionë lekë. Parregullsitë më të mëdha janë shkaktuar në mbledhjen e të ardhurave si dhe në shpenzime.

“Parregullsi dhe shkelje financiare, në të ardhurat dhe në shpenzimet e kryera, me dëm ekonomik në shumën totale prej 2,178,898 mijë lekë ose 17,5 milionë euro”, thuhet në raportin e KLSH.

Po ashtu nga ana tjetër ka pasur shkelje edhe në performancën e subjekteve.

“Shkelje të disiplinës financiare me ndikim negativ në perfomancën e subjekteve të audituara, në shumën totale prej 2,276,488 mijë lekë, afërsisht 18.3 milionë euro nga e cila: 1,058,199 mijë lekë në fushën e të ardhurave, afërsisht 8,5 milionë euro dhe 1,218,289 mijë lekë afërsisht 9,8 milionë euro, në fushën e shpenzimeve jo me eficiencë, efektivitet dhe ekonomicitet të fondeve, si dhe shkelje të disiplinës buxhetore lidhur me likuidimin e shpenzimeve, keqmenaxhimin e fondeve të programuara apo mungesë kontrolli në realizimin e procedurave të prokurimit jo në përputhje me kuadrin ligjor”, vijon auditimi.

Vetëm nga tatimet dhe taksat në 6 muaj është shkaktuar një dëm mbi 1 miliardë lekë, nga doganat 453 milionë lekë si dhe nga prokurimet publike 336 milionë lekë dëm.

B.K./r.k./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:
    26 Dhjetor, 08:05

    Si ka qenë për ju viti 2024?

Lajme të tjera



×

Lajmi i fundit

Spahiu: Thirrja e Erjonit dhe Belindit në të njëjtën ditë në SPAK, politikë penale dhe jo profesionale

Spahiu: Thirrja e Erjonit dhe Belindit në të njëjtën ditë në SPAK, politikë penale dhe jo profesionale

26 Dhjetor, 22:50