POP 5

Lajmet më të lexuara të 5 minutave të fundit

Kronikë

36 vite në Urgjencë, infermierja: Pacienti, motivi i punës sonë! Mjeku anglez rrëfen si u dashura me Shqipërinë

Heronjve të heshtur të urgjencës së këtij spitali i është bashkuar vullnetarisht edhe Valbona, një infermiere në Bari të Italisë, të cilën mbyllja e kufijve e gjeti në Tiranë, por nuk nguroi të paraqitej për të dhënë kontributin e saj.

TIRANE-Bluzat e bardha po bëjnë një punë heroike në këtë kohë pandemie. Heronjve të heshtur të urgjencës së spitalit të Traumës i është bashkuar vullnetarisht edhe Valbona, një infermiere në Bari të Italisë, të cilën mbyllja e kufijve e gjeti në Tiranë, por nuk nguroi të paraqitej për të dhënë kontributin e saj. "Jam Valbona Krasniqi, banoj në Itali, por përkohësisht jam në Tiranë. Kam 26 vite atje, në 1993-95 kam punuar në poliklinikën e Barit, këtu ndodhem për një master profesional, u gjenda këtu nga COVID, këtë periudhë mendova se duke ditur se kam këtë profesion dhe nuk doja të mbyllesha mendova pse mos e jap kontributin tim" tha ajo.

Ndërkohë që një mjek anglez tregon historinë e tij si u bë pjesë e stafit. "Unë erdha në vitin 2001 për një kamp veror me studentët e mjekësisë, atë kohë takova shumë mjekë që kishin jetuar në kohë në vite dhe donin të përmirësonin sistemin e shëndetësisë, dhe unë dhe gruaja ime zgjodhëm të vinim këtu që të ndihmonin mjekët dhe infermierët. Me Gramozin kemi bërë disa trajtime, më fillim krijuam disa protokolle për trajtimet e urgjencave" Christopher Doëning.

Një infermiere rrëfen se ka 36 vite që punon në urgjencë. "Kam 36 vite që punoj infermiere, gjithë kohën në urgjenca, ku është puna më e vështirë dhe më e bukur, sepse je direkt me të sëmurin. Ai është motivi i punës sonë, t'u shërbejmë sa më mirë". "42 vite pune, 27 vite në urgjencë në sallën e operacionit, kënaqësi kur iki në shtëpi që kemi shpëtuar jetë" tha më tej një mjek. Por cila është kënaqësia?

"Vetëm ideja që të shpëtosh jetë njerëzish është një motiv shumë i madh për të ecur përpara dhe për të vazhduar këtë punë edhe për vite të tjera, është shpirti i skuadrës ai që na mban gjallë dhe për të ecur përpara" theksoi një infermiere në spitalin Universitar të Traumës ku sot priten të gjitha urgjencat kirurgjikale. Videoja e mjekëve të personelit të spitalit Universitar të Traumës, që tregojnë përjetimet e tyre është publikuar nga kryeministri Edi Rama.

/B.K./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:
    20 Nëntor, 13:18

    Vrasja e 14 vjeçarit, çfarë duhet të bëjë Shqipëria me TikTok e Snap Chat?

Lajme të tjera



×

Lajmi i fundit

Lufta/ Netanyahu gati të tërheqë 320 mijë rezervistë! 20 të vrarë dhe dhjetëra të plagosur në Bejrut

Lufta/ Netanyahu gati të tërheqë 320 mijë rezervistë! 20 të vrarë dhe dhjetëra të plagosur në Bejrut

24 Nëntor, 07:55