POP 5

Lajmet më të lexuara të 5 minutave të fundit

Ekonomi

37% e familjeve shqiptare s’garantojnë ngrohje në shtëpi, Sekretariati i Energjisë: Pensionistët me të prekurit

Familjet me ndihmë ekonomike dhe pensionistët e kanë shumë të vështirë të garantojnë ngrohje normale të shtëpisë së tyre, për shkak të pamundësisë financiare. Në një studim Sekretariati i Komunitetit të Energjisë thotë se Shqipëria duhet të marrë masa për të çrrënjosur varfërinë energjetike. 

Rreth 37% e familjeve shqiptare nuk arrijnë të garantojnë ngrohjen duhur në shtëpitë e tyre, ndaj Sekretariati Ndërkombëtar për Energjinë i klasifikon se po përjetojnë varfëri energjetike. Sipas këtij studimi përllogaritet se rreth 272 mijë familje në Shqipëri janë në varfëri energjetike. Shkaku kryesor është situata ekonomike, dhe më e prekur është grupmosha mbi 65 vjeç, pra pensionistët.

“Pjesa më e lartë e familjeve që nuk janë në gjendje të mbajnë shtëpinë e tyre në mënyrë adekuate të ngrohtë janë ato me një person të rritur 65 vjeç ose më të vjetra. 55% e familjeve të tilla nuk janë në gjendje ta mbajnë shtëpinë e tyre të ngrohtë në mënyrë adekuate”, thuhet në raport.

Më të ekspozuara për të përjetuar varfëri energjetike janë familjet me të ardhura nën mesatare me 60%, familjet me ndihmë ekonomike dhe  grupet vunerabël.

Në raport vihet theksi edhe tek mungesa e të dhënave të sakta nga INSTAT për këtë arsye kërkohet të ketë matje dhe analiza edhe mbi këtë tregues.

Sipas raportit në Shqipëri mungon një program për zbutjen e varfërisë energjetike, dhe thuhet se duhet të merren masa për çrrënjosjen e këtij fenomeni. Në total thuhet se për të mbështetur familjet e pamundura janë shpenzuar nga viti 2006 deri tani vetëm 15 milionë euro.

Sekretariati i Komunitetit të Energjisë rekomandon rritjen e eficencës energjetike në banesat e familjeve të varfra, të ndërrohen pajisjet elektro-shtëpiake të vjetra si dhe të mbështeten burimet e rinovueshme të energjisë elektrike.

SI.E./KT/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:
    23 Dhjetor, 23:33

    Opozita proteston duke paralizuar 3 orë Tiranën, si e vlerësoni?

Lajme të tjera



×

Lajmi i fundit

Sondazhi për Durrësin/ PS thellon diferencën ndaj PD-së me 9 mandate deputetësh, kundër 5 të demokratëve

Sondazhi për Durrësin/ PS thellon diferencën ndaj PD-së me 9 mandate deputetësh, kundër 5 të demokratëve

25 Dhjetor, 22:30